Jeremiya 9:22 - Siswati 1996 Bible

²² Tsani: “Naku lokushiwo nguSimakadze, utsi: “ ‘Tidvumbu temadvodza tiyawulala lunja ematsafeni njengetibi, kube shangatsi ngemabele lajutjiwe, asala ngemvakwalovunako, yebo, emabele lasala ate lowabutsako emvakwalovunako.’ ”

Jeremiya 9:22 Referencias Cruzadas

2 Emakhosi 20:13

Hezekiya watemukela ngekujabula letitfunywa, watikhombisa konkhe lokwakusetindlini takhe tengcebo, lekwakuyisiliva, negolide, netinongo tekudla, nemafutsa lamahle, netikhali takhe tekulwa kanye nato tonkhe tintfo letatikhona endlini yakhe yengcebo: Kwakute lutfo esigodlweni sakhe nasembusweni wakhe wonkhe langazange Hezekiya atikhombise kona.

2 Emakhosi 20:15

Lomphrofethi wabuta watsi: “Baboneni lapha esigodlweni sakho?” Hezekiya watsi: “Babone konkhe lapha esigodlweni sami. Kute nakunye engcebeni yami lengingakabakhombisi kona.”

2 Emakhosi 9:37

Sidvumbu saJezebeli siyawuba njengemangcoliso kuleyo ndzawo, esigcawini saseJezreyeli, kangangekutsi kuyawubate loyawuphindze ambone aze atsi: “Lona nguJezebeli.” ’ ”

Jobe 5:13

Ubamba labahlakaniphile kuwo onkhe emacebo abo, nemachinga alabangemacili uwaphambanisa onkhe.

Tihlabelelo 49:7

Impela kute umuntfu longahlenga umnakabo, nome-ke anike Nkulunkulu intsengo yemphilo yakhe.

Tihlabelelo 83:10

labo lababhubha ngasemtini wase-Eni Dori; bawa njengebulongo, babola baze baba ngumcuba.

Taga 18:11

Ingcebo yemuntfu lonjingile siphephelo sakhe. Uyaye acabange kutsi nguyona nqaba yakhe lengamvikela.

Taga 23:4

Caphela ungatibulali ngekucoshana nebunjinga; tsatsa kuhlakanipha nekutibamba.

Isaya 5:25

Ngako-ke intfukutselo yaSimakadze yasivutsela sive sakhe; waphakamisa sandla sakhe wabashaya wabalahla phansi, tintsaba tatamatama. Tidvumbu tabo taba njengemfuhlululu etitaladini. Noko ngako konkhe loku lulaka lwakhe alukagucuki, sandla sakhe sisephakeme.

Jeremiya 16:4

“Bayawukufa babulawe sifo lesibulalanako. Abayiwulilelwa, futsi bangeke bangcwatjwe, kodvwa bayawuba njengemfucuta nje lelahlwe phansi. Bayawubhubha ngenkemba nangendlala, netidvumbu tabo tiyawuba kudla kwetinyoni tasemoyeni kanye nekwetilwane tesiganga.”

Jeremiya 25:33

Ngaleso sikhatsi labo labayawube sebabulewe nguSimakadze bayawugcwala yonkhe indzawo, kusukela ngala kwemhlaba kuye ngale kwawo. Bangeke balilelwe, futsi bangeke babutfwe nome bangcwatjwe, kodvwa bayawufanana netibi letisakateke phansi emhlabatsini.

Jeremiya 6:21

Ngako-ke naku lokushiwo nguSimakadze, utsi: “Ngiyawubeka emavimbandlela embikwalesive. Boyise kanye nemadvodzana bayawukhutjwa kuwo, bomakhelwane kanye nebangani bayawubhubha.”

Jeremiya 7:33

Tidvumbu talabo bantfu tiyawuba kudla kwetinyoni tasemoyeni nekwetilwane tesiganga; kuyawubate nalokuyatetfusa, aticoshe.

Jeremiya 8:2

Ayawukwenekwa elangeni, nasenyangeni, nakuto tonkhe tinkhanyeti tasemazulwini lababekutsandzile, bakusebentela, bakulandzela, bakufuna, bakukhotsamela. Akayiwubutfwa futsi akayiwungcwatjwa, kodvwa ayawuba njengemfucuta yetibi lelahlwe emhlabatsini.

Habakhuki 1:11

Bese sishulungana sendlulele embili njengemoya, emadvodza lanemacala, lamandla awo angunkulunkulu wawo.”

Zefaniya 1:17

“Ngiyakwehlisela lusizi ebantfwini bahambe njengetimphumphutse, ngobe bonile kuSimakadze. Ingati yabo iyawutfululwa njengelutfuli, nematfumbu abo atfululwe njengebulongo.”

Dutheronomi 8:17

Wena ungatitjela utsi: ‘Ngemandla ami netikhwepha temikhono yami letingikhitsitele wonkhe lomcebo.’