Jeremiya 9:21 - Siswati 1996 Bible

²¹ Kufa sekufohle emafasitelo etfu kwangena ngekhatsi, kwadzimate kwangena nasetinqabeni tetfu, kwancamula bantfwana lapha etindleleni, nemajaha ancamuka etinkhundleni.

Jeremiya 9:21 Referencias Cruzadas

2 Tikhronike 36:17

Simakadze wabavusela inkhosi yaseBhabhulona leyafike yabulala onkhe emajaha abo ngenkemba, iwabulalela endzaweni lengcwele, ingashiyi lutfo loluselusha labadvuna nalabasikati nome talukati nemakhehla. Nkulunkulu wabaniketela bonkhe kuNebukhadnezari.

Isaya 40:30

Nalabasha bayaphela emandla, badzinwe, nemajaha ayakhubatela awe,

Jeremiya 15:7

Ngiyakubahlunga ngemfologo yekuhlenga ngasemasangweni emadolobha elive. Ngitawuletsa sifo nembhubhiso esiveni sami, ngobe abakatiguculi tindlela tabo.

Jeremiya 18:21

Ngako-ke nikela bantfwababo endlaleni, banikele emandleni enkemba. Yenta bafati babo bemukwe bantfwababo babe bafelokati, emadvodza abo akabulawe ngesifo lesibulalanako, emajaha abo ajutjwe ngenkemba emphini.

Jeremiya 44:7

“Nyalo-ke, naku lokushiwo nguSimakadze longuSomandla, Nkulunkulu wema-Israyeli, utsi: Niyehliselelani lenhlekelele lenkhulu kangaka etikwenu ngekubesusa laba bakaJuda emadvodza, nebafati, nebantfwana kanye netinswane, kuze nisale senite insali?

Jeremiya 50:30

Ngako-ke emajaha ayo ayawufela etitaladini tayo, onkhe emabutfo ayo ayawubhujiswa ngalelo langa,” kusho Simakadze.

Jeremiya 6:11

Kodvwa mine ngigcwele lulaka lwaSimakadze, futsi ngingeke ngisalubeketelela lukimi. Simakadze wase utsi kimi: “Lutfululele kubantfwana labasetitaladini, nasemajaheni labutsene ndzawonye; bonkhe bafati nemadvodza abo bayawubhajwa kulo, kanye nalabadzala labo lasebahanjelwe ngiminyaka.

Jeremiya 6:21

Ngako-ke naku lokushiwo nguSimakadze, utsi: “Ngiyawubeka emavimbandlela embikwalesive. Boyise kanye nemadvodzana bayawukhutjwa kuwo, bomakhelwane kanye nebangani bayawubhubha.”

Jeremiya 7:33

Tidvumbu talabo bantfu tiyawuba kudla kwetinyoni tasemoyeni nekwetilwane tesiganga; kuyawubate nalokuyatetfusa, aticoshe.

Jeremiya 8:2

Ayawukwenekwa elangeni, nasenyangeni, nakuto tonkhe tinkhanyeti tasemazulwini lababekutsandzile, bakusebentela, bakulandzela, bakufuna, bakukhotsamela. Akayiwubutfwa futsi akayiwungcwatjwa, kodvwa ayawuba njengemfucuta yetibi lelahlwe emhlabatsini.

Joweli 2:9

Sitselekela lidolobha, sigijime etikwelubondza. Sikhwela singene etindlini, njengemasela singene ngemafasitelo.

Amose 5:2

“Iwile iNtfombi yaka-Israyeli, ingeke iphindze ivuke futsi, ayinakwa ngumuntfu eveni layo, kantsi futsi kute longayivusa ime.”

Amose 6:9

Nangabe kusele emadvodza lalishumi endlini yinye, nawo futsi atakufa.

Zefaniya 1:17

“Ngiyakwehlisela lusizi ebantfwini bahambe njengetimphumphutse, ngobe bonile kuSimakadze. Ingati yabo iyawutfululwa njengelutfuli, nematfumbu abo atfululwe njengebulongo.”