Jeremiya 9:15 - Siswati 1996 Bible

¹⁵ Ngako-ke, naku lokushiwo nguSimakadze longuSomandla, Nkulunkulu wema-Israyeli, utsi: “Buka la, labantfu ngitabadlisa kudla lokubabako, ngibanatsise emanti lanashevu.

Jeremiya 9:15 Referencias Cruzadas

Tihlabelelo 60:3

Sive sakho usibonise tintfo letimatima, wasinatsisa liwayini sadzakwa, saba ngumhlaba.

Tihlabelelo 69:21

Bangiphakela inyongo esikhundleni sekudla; ekomeni kwami banginatsisa liwayini lelimunyu.

Tihlabelelo 75:8

Ngobe esandleni saSimakadze kunendzebe, leneliwayini lelibile laze laloya; ulinatsisa bonkhe lababi bemhlaba baliminyele, ngisho nenseketse yalo.

Tihlabelelo 80:5

Wabapha sinkhwa ngetinyembeti, wabanatsisa ngetinyembeti.

Isaya 2:17

Kutiphakamisa kwebantfu kuyakwehliselwa phansi, nekutigcabha kwebantfu kutfotjiswe; Simakadze yena yedvwa uyawuphakanyiswa ngalelo langa,

Isaya 2:22

Yekelani kwetsembela kubantfu, emakhaleni abo kunekuphefumula nje. Empeleni bayini nje?

Jeremiya 23:15

Ngako-ke naku lokushiwo nguSimakadze Somandla macondzana nebaphrofethi, utsi: “Ngiyawubenta badle kudla lokubabako banatse nemanti lanashevu, ngobe kusukela kubaphrofethi baseJerusalema kungamesabi Nkulunkulu sekwandze nalo lonkhe live.”

Jeremiya 24:10

Ngiyawubatfumelela inkemba, nendlala kanye nesifo lesibulalanako lokuyawubehlela baze babhujiswe kulelive lengalinika bona naboyisemkhulu.’ ”

Jeremiya 25:15

Naku-ke lokwashiwo nguSimakadze Nkulunkulu wema-Israyeli kimi, watsi: “Tsatsa lapha esandleni sami nansi inkomishi legcwele liwayini lentfukutselo yami, bese unatsisa tonkhe letive lengikutfumela kuto kutsi tilinatse.

Jeremiya 44:27

Ngobe sengibabekele lokubi, hhayi lokuhle; emaJuda laseGibhithe ayawubhubha ngenkemba nangendlala, aze abhujiswe onkhe.

Jeremiya 49:37

Ngiyakwenta i-Elamu kutsi iphele emandla embikwetitsa tayo, emehlweni alabo labatfungatsa timphilo tayo. Ngiyakwehlisela sigemegeme etikwabo, yebo, ngisho nekutfukutsela kwami lokwesabekako,” kusho Simakadze. “Ngiyawubacosha ngenkemba, ngidzimate ngibabhubhise ngibacedze.

Jeremiya 8:14

“Sihlaleleni kantsi lapha? Butsanani ndzawonye! Asibalekeni siye emadolobheni labiyelwe, siyewufela khona! Ngobe Simakadze Nkulunkulu wetfu sewusimisele kutsi sibhubhe, wasinika emanti lanashevu kutsi siwanatse, ngobe sonile kuye.

Sililo 3:15

Ungesutsise ngemitsi lebabako, wangigcwalisa ngenyongo.

Sililo 3:19

Ngikhumbula kushaywa kwami kanye nekundzindza kwami, loko kubaba kanye nenyongo.

Hezekeli 5:12

Incenye yesitsatfu yebantfu bakho, Jerusalema, itakufa ngesifo lesibulalanako, nome ibhujiswe yindlala ngekhatsi kwakho; incenye yesitsatfu itakufa ngenkemba ngaphandle kwetibondza takho; kutsi lenye incenye yesitsatfu isakateleke emimoyeni, ngiyicoshe ngenkemba leyeluliwe.

Hezekeli 5:2

Ngesikhatsi nakuphelela emalanga ekuvinjetelwa, shisa incenye yesitsatfu yaletinwele ngemlilo ekhatsi edolobheni. Tsatsa lenye incenye yesitsatfu uyisakate ngenkemba yonkhe indzawo edolobheni. Lencenye lenye yesitsatfu uyisakatele emoyeni. Ngobe ngitabacosha ngenkemba.

Dutheronomi 28:36

“Simakadze uyawunicosha kanye nenkhosi yenu lenitibekele yona, niye esiveni leningasati nine kanye naboyihlomkhulu. Ngulapho niyawufike nikhonte labanye bonkulunkulu khona, bonkulunkulu labentiwe ngetigodvo nangematje.

Dutheronomi 29:18

Caphelisisani kutsi kubete indvodza nome umfati, nome umndeni, nome sive emkhatsini wenu lamuhla, lonenhlitiyo lephambukako kuSimakadze Nkulunkulu wetfu kutsi ahambe ayewukhonta bonkulunkulu baleto tive. Caphelisisani kutsi kubete imphandze lembi emkhatsini wenu lengahle ivete shevu lobabako.

Sembulo 8:11

Libito lalenkhanyeti bekunguMhlonyane. Incenye yesitsatfu yemanti yababa, kwafa bantfu labanyenti babulawa ngulamanti, ngobe abebaba.