Jeremiya 9:12 - Siswati 1996 Bible

¹² Ngubani umuntfu lohlakaniphile kangangekutsi angakucondza loku? Ngubani lofundziswe nguSimakadze kutsi angakuchaza loku? Lelive lentiwe leni laba tindzala njengelihlane lokutsi kubete muntfu lowendlula ekhatsi kulo?

Jeremiya 9:12 Referencias Cruzadas

Tihlabelelo 107:34

live lelivundzile laba lugagadvu ngenca yebubi betakhamiti talo.

Tihlabelelo 107:43

Lohlakaniphile akacaphele letintfo, bantfu abayicondzisise imisebenti yemusa waSimakadze.

Isaya 42:23

Ngubani emkhatsini wenu lotawulalela loku akunakisise kulesikhatsi lesitako?

Jeremiya 23:10

Live ligcwele tiphingi; ngenca yesicalekiso live ligagadzekile, nemadlelo asehlane asahangukile. Baphrofethi balandzela bubi, basebentise ligunya labo ngalokungekho emtsetfweni.

Jeremiya 23:16

Naku lokushiwo nguSimakadze Somandla, utsi: “Ningakulaleli lokuphrofethwa baphrofethi kini, banigcwalisa ngematsemba langemanga. Bakhuluma imibono yetingcondvo tabo, hhayi lokuphuma emlonyeni waSimakadze.

Jeremiya 23:22

Kodvwa kube bebeme ebandleni lami, ngabe bamemetele emavi ami kubantfu bami, futsi ngabe babancandzile etindleleni tabo letimbi kanye nasetentweni tabo letikhohlakele.”

Jeremiya 23:28

Umphrofethi loneliphupho akakhulume liphupho lakhe, kodvwa lowo lonelivi lami akakhulume lona ngekwetsembeka. Ngobe empeleni emakhoba ayini nje kukolo?” kusho Simakadze.

Jeremiya 9:20

Awu, nine labasikati, vanini livi laSimakadze. Vulani tindlebe tenu kuwo emavi laphuma emlonyeni wakhe. Fundzisani emadvodzakati enu kukhihla sililo, fundzisani ngulowo nalowo kulila.

Hezekeli 14:23

Niyawudvudvuteka, nanibona simo sekutiphatsa kwayo netento tayo, ngobe niyawukwati kutsi kute lengikwente ngaphandle kwesizatfu, kusho iNkhosi Simakadze.”

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Hoseya 4:10

“Bayakudla tabelo tabo temihlatjelo, kodvwa bangeke besutse; bayawungenela bugwadla, kodvwa bangandzi, ngobe bamshiyile Simakadze,

Joweli 1:11

Jabhani, nine balimi, lilani, nine lenilima tivini. Dzabukelani kolo kanye nebhali, ngobe sivuno sensimi sibhujisiwe.

Zefaniya 3:6

“Tive ngiticedzile, tinqaba tato tibhidlitiwe. Titaladi tato ngitishiye tikhala libhungane, kute namunye lowendlula ngato. Emadolobha ato abhujisiwe; kute namunye lotawusala kulo, kute namunye.

Matewu 24:15

“Ngako-ke nanibona sinengisoncitsakalo sime endzaweni lengcwele, njengobe asho umphrofethi Danyela,” (lofundzako akacaphele inchazelo yaloku),

Dutheronomi 32:29

Kube mane bebangahlakanipha, bakucondze loku, bakhanyelwe kutsi siphetfo sabo sitakuba yini!

Sembulo 1:3

Ubusisiwe lofundza lamavi alesiphrofetho, babusisiwe nalabo labawevako bese benta loko lokubhalwe kuso, ngobe sikhatsi sesisondzele.