Jeremiya 8:17 - Siswati 1996 Bible

¹⁷ “Buka-ke, ngitawutfumela tinyoka letinesihlungu lesibi emkhatsini wenu, tindlondlo letingeke titsetjulwe ngumuntfu titewuniluma,” kusho Simakadze.

Jeremiya 8:17 Referencias Cruzadas

Tihlabelelo 58:6

Hhawu, Nkulunkulu, hhohlota ematinyo lasemilonyeni yabo, wephule imihlatsi yelibhubesi, Simakadze.

Umshumayeli 10:11

Nangabe inyoka iluma ingakatfotjiswa, kute inzuzo kulowo mwungi wayo.

Isaya 14:29

“Ningajabuli, nine nonkhe maFilisti, ngobe nitsi lendvuku leyanishaya seyephukile; nanjengobe lokumila kusuka emphandzeni bese kutsela titselo, kanjalo nasenyokeni kuyawuvela libululu lelinesihlungu kabi.

Amose 5:19

Kuyawuba shangatsi ngumuntfu lobalekele libhubesi, wase utitsela etikwelibhele; kube shangatsi ngumuntfu longene endlini yakhe wabeka tandla takhe elubondzeni, kusuke inyoka imlume.

Amose 9:3

Nome bangatifihla esicongweni sentsaba iKhameli, nakhona lapho ngiyawubatingela ngize ngibabambe. Nome bangangibhacela ekujuleni kwelwandle, nakhona lapho ngiyawutfumela inyoka ibalume.

Numeri 21:6

Simakadze wase ubatfumelela tinyoka letatinesihlungu; taluma labantfu, labanyenti babo bafa.

Dutheronomi 32:24

Ngiyawubahlasela ngendlala lephundlako, namashaya acotfule wetifo letibulalanako, kanye netijeziso letibulalako. Ngiyawubahlasela ngetidladla tetilwane tesiganga, nangesihlungu setindlondlo letintjuma elutfulini.

Sembulo 9:19

Ngobe emandla alamahhashi abesemilonyeni yawo nasemisileni yawo. Imisila yawo yayinetinhloko, ifanana netinyoka. Abelimata ngayo lemisila.