Jeremiya 8:13 - Siswati 1996 Bible

¹³ “ ‘Simakadze utsi: Ngiyawususa sivuno sabo, kuyawubate emagelebisi emvinini. Kuyawubate emakhiwa esihlahleni semkhiwa, nemacembe aso ayawubuna. Loko lengabanika kona kuyawutsatfwa kubo.’ ”

Jeremiya 8:13 Referencias Cruzadas

Isaya 5:10

Sivini lesingalinywa tinkhabi letimbili ngemalanga lalishumi siyawuba nesivuno lesilibhasikidi linye nje lemagelebisi, nelisaka lenhlanyelo liyawuba nesivuno lesiyimbita yinye kuphela.”

Jeremiya 14:12

Nome bangazila, ngingeke ngikulalele kukhala kwabo; nome banganikela ngeminikelo yekushiswa nangeminikelo yalokutinhlavu, ngingeke ngibemukele. Esikhundleni saloko ngitababhubhisa ngenkemba, nangendlala, nangesifo lesibulalanako.”

Jeremiya 14:15

Ngako-ke, naku lokushiwo nguSimakadze ngalabaphrofethi labaphrofetha ngelibito lami, utsi: Angizange sengibatfume, noko batsi: ‘Kute inkemba nome indlala letalitsinta lelive.’ Bona labo baphrofethi bayawubhubha ngenkemba nangendlala.

Jeremiya 17:8

Uyawufanana nesihlahla lesihlanyelwe ngasemfuleni wemanti, lesenabisela timphandze taso ngasemfuleni. Asesabi nakuta kushisa, emacembe aso ahlala aluhlata. Asihlupheki nangemnyaka wesomiso, asihlali singatseli titselo taso.”

Jeremiya 5:17

Bayawushwabudzela sivuno senu nekudla kwenu, bashwabudzele emadvodzana nemadvodzakati enu, bashwabudzele imihlambi yenu yetimvu neyetinkhomo, bashwabudzele emavini enu nemikhiwa yenu. Lamadolobha enu labiyelwe lenetsembele kuwo batawabhubhisa ngenkemba.”

Jeremiya 7:20

“Ngako-ke naku lokushiwo yiNkhosi Simakadze, itsi: Intfukutselo yami kanye nelulaka lwami kutawutfululelwa etikwalendzawo, etikwebantfu netinkhomo, etikwetihlahla tesiganga kanye nasetikwetitselo temhlaba, lutawuvutsa lungaphindzi lucimeke.

Hezekeli 22:31

Ngako-ke ngiyawutfululela lulaka lwami etikwabo, ngibagwinye ngentfukutselo yami levutsako, ngikwehlisele etinhloko tabo konkhe loko labakwentile, kusho iNkhosi Simakadze.”

Hoseya 2:12

Ngiyawuhliphita imivini yakhe nemikhwa yakhe, latsi: ‘Lena yinkhokhelo yami lenginikwe ngemashende ami;’ ngiyawukwenta kube lihlatsi leliminyene, tilwane tesiganga tikushwabudzele.

Joweli 1:7

Lesive sibhubhise imivini yami, safohlota imikhiwa yami. Sebule emagcolo ayo, sawalahla le khashane, sashiya emagala ato amhlophe.

Levithikusi 26:20

Konkhe kusebenta kwenu kamatima kungeke kunibuyisele lutfo, ngobe emasimi enu angeke abe nesivuno, netihlahla tingeke titsele titselo.

Habakhuki 3:17

Nome sihlahla semkhiwa singahlumi, nemagelebisi kute esihlahleni semvini, nome umncumo ungatseli, nemasimi angasatitseli tivuno, nome sekute timvu esibayeni, netinkhomo sekute esibayeni,

Hagayi 1:11

Ngehlisela somiso emasimini, nasetintsabeni, nasetikwalokutinhlavu, nakulo liwayini lelisha, nakuwo emafutsa, nakuko konkhe lokuvetwa ngumhlaba, etikwebantfu nemihlambi, nasetikwemisebenti yonkhe yetandla tenu.”

Hagayi 2:17

Ngashaya yonkhe imisebenti yetandla tenu ngesikhutsa, nangekuhanguka, nangesangcotfo, noko nine anizange nigucukele kimi,’ kusho Simakadze.

Malakhi 3:11

Ngiyawuvimba tilwanyakatana kutsi tingatidli tilimo tenu, nemivini emasimini enu ingasali ite titselo,” kusho Simakadze longuSomandla.

Matewu 21:19

Wabona umkhiwa lowawuwodvwa eceleni kwendlela, wenyukela kuwo, kodvwa akatfolanga lutfo kuwo ngaphandle kwemacembe. Ngako wase utsi kuwo: “Akungabe kusavela sitselo kuwe!” Ngekushesha umkhiwa wabuna.

YaJakobe 1:11

Lilanga liphuma libalele libunise tjani, imbali yabo iyahhohloka, nebuhle bayo bunyamalale; kanjalo-ke nesicebi siyawunyamalala ekushiphanekeni kwaso.