Jeremiya 8:1 - Siswati 1996 Bible

¹ “ ‘Simakadze utsi: Ngaleto tikhatsi, ematsambo emakhosi newetindvuna takaJuda, nematsambo ebaphristi newebaphrofethi, nematsambo ebantfu baseJerusalema ayawususwa emadlizeni abo.

Jeremiya 8:1 Referencias Cruzadas

1 Emakhosi 13:2

Lomuntfu wakhala asola lilati ngekuyalwa nguSimakadze, watsi: “Maye, lilati! Lilati! Naku lokukhulunywa nguSimakadze: ‘Indvodzana letakutsiwa nguJosaya libito layo, itawutalwa emndenini waDavide. Etikwakho utakwenta umhlatjelo ngebaphristi labakhonta bonkulunkulu etindzaweni letiphakeme, bona laba labenta umnikelo lapha etikwakho, ematsambo ebantfu atawushiselwa lapha etikwakho.’ ”

2 Emakhosi 23:16

Josaya wacalata, watsi kube abone emadliza labeseceleni lentsaba, wabutsa lamatsambo lakuwo wawashisela elatini kutawulingcolisa, kwaya ngekwelivi laSimakadze lalikhuluma ngemuntfu waNkulunkulu lowakhuluma kucala ngato letintfo tisengakenteki.

2 Emakhosi 23:20

Josaya wababulalela emalatini bonkhe baphristi baleto tindzawo letiphakeme, lamatsambo ebantfu wabashisela etikwawo. Wase uyancandzeka ubuyela eJerusalema.

2 Emakhosi 9:37

Sidvumbu saJezebeli siyawuba njengemangcoliso kuleyo ndzawo, esigcawini saseJezreyeli, kangangekutsi kuyawubate loyawuphindze ambone aze atsi: “Lona nguJezebeli.” ’ ”

Tihlabelelo 53:5

Bayawufikelwa kwesaba lokukhulu, besabe ngisho nelite. Ngobe Nkulunkulu uyawasakata ematsambo alabo labakuhlaselako, uyawubahlazisa, ngobe Nkulunkulu wabadvuba wabalahla.

Jeremiya 14:16

Labantfu labaphrofetha kubo bayawulahlelwa etitaladini taseJerusalema ngenca yendlala nenkemba. Kuyawubate namunye loyawubangcwaba, bona kanye nebafati babo, nemadvodzana nemadvodzakati abo. Ngiyawutfululela kubo inhlekelele lebafanele.

Hezekeli 37:1

Sandla saSimakadze sasisetikwami, wangikhiphela ngaphandle ngaMoya waSimakadze, wangimisa ekhatsi nendzawo esigodzini. Lesigodzi sasigcwele ematsambo.

Hezekeli 6:4

Emalati enu atawubhidlitwa, nemalati enu emphepho atawuphihlitwa, ngitawubulala bantfu benu embikwetithico tenu.

Hezekeli 6:5

Ngitakwendlala tidvumbu tebantfu baka-Israyeli embikwetithico tabo, ngisakate ematsambo enu atungelete lamalati enu.

Amose 2:1

Naku lokushiwo nguSimakadze, utsi: “Bantfu bakaMowabi bone kwaze kwengca, ngaleso sizatfu ngingeke ngihlale ngingabajezisi. Bashise ematsambo enkhosi yaka-Edomu, adzimate aba njengemcakaco.