Jeremiya 7:9 - Siswati 1996 Bible

⁹ “ ‘Nisetakweba yini, nibulale, niphinge, nifungele emanga, nitfuncise imphepho kuBhali, nilandzele labanye bonkulunkulu leningazange senibati,

Jeremiya 7:9 Referencias Cruzadas

1 Emakhosi 18:21

Elija wasondzela embikwesive, wafike watsi: “Kuyawuze kube ngunini solomane nindziyatela emkhatsini wemicondvo lemibili? Nangabe Simakadze anguNkulunkulu, landzelani yena; kodvwa nangabe Bhali anguNkulunkulu, landzelani yena.” Kodvwa sive asizange sikhulume.

Eksodusi 20:3

“Ungabi nalomunye nkulunkulu ngaphandle kwami.

Isaya 1:13

Khawulani kuletsa iminikelo lengasho lutfo! Imphepho yenu isinengiso kimi. Imikhosi yenu yekwetfwasa kwenyanga, nemaSabatha, nemihlangano yenu yekukhonta, ngingeke ngiyibeketelele lemihlangano yenu lemibi.

Isaya 58:2

Ngobe bangifuna onkhe emalanga, babonakala shangatsi banenshisekelo yekwati tindlela tami, kube shangatsi basive lesenta lokulungile, lesingakayishiyi imiyalo yaNkulunkulu waso. Babuta kimi tehlulelo leticotfo, babonakale shangatsi bashisekela kutsi Nkulunkulu asondzele kubo.

Jeremiya 1:16

Ngiyawukhipha tigwebo tami esiveni sami ngenca yabo bonkhe bubi baso: ngekungifulatsela kwaso, ngekutfuncisa imphepho kulabanye bonkulunkulu, nangekukhonta loko lokwentiwe tandla tabo.

Jeremiya 11:13

Ninabonkulunkulu labanyenti labangangalamadolobha enu, nine maJuda; nalamalati leniwamisele kutfuncisa imphepho kuwo, niyitfuncisele sithico lesilihlazo lesinguBhali, manyenti angangetitaladi taseJerusalema.’

Jeremiya 11:17

Simakadze Somandla lowakuhlanyela, sewukumisele inhlekelele, ngobe indlu yaka-Israyeli nendlu yakaJuda tente lokubi tangicunula, ngatfukutsela ngekutfuncisa kwato imphepho kuBhali.

Jeremiya 13:10

Labantfu lababi labalako kulalela emavi ami balandzele inkhani yetinhlitiyo tabo, balandzele labanye bonkulunkulu kutsi batewubasebentela babakhonte, bayawufanana nalelibhande, bangabi namsebenti walutfo ngalokuphelele!

Jeremiya 18:15

Noko sive sami singilahlile mine; satfuncisa imphepho etithicweni letingenamsebenti, letabakhubatelisa etindleleni tabo nasemikhondvweni yakadzeni. Tabahambisa ngetindlela letijubako nangemigwaco lengakakhiwa kahle.

Jeremiya 19:4

Ngobe bangishiyile mine, benta lendzawo yaba yabonkulunkulu betive, bashise imihlatjelo kuyo kubonkulunkulu labangabati, bona kanye naboyisemkhulu, ngisho nemakhosi akaJuda, bagcwalise lendzawo ngengati lengenacala.

Jeremiya 32:29

LamaBhabhulona lahlasela lelidolobha atawungena alilumeke ngemlilo. Atalishisa alicedze, kanye naletindlu lapho kuhlala khona labantfu labangitfukutselisa ngekutfuncisa imphepho etikweluphahla kuBhali kanye nangekutfululela iminikelo yetinatfo kulabanye bonkulunkulu.

Jeremiya 44:3

ngenca yebubi lobentiwe ngulabo bantfu. Bangicunula, ngabatfukutselela ngekutfuncisa kwabo imphepho nangekukhonta labanye bonkulunkulu labangazange babati bona kanye nani naboyihlo.

Jeremiya 44:8

Ningicunulelani ningitfukutselise ngaloko lokwentiwe tandla tenu, nangekutfuncisa imphepho kulabanye bonkulunkulu baseGibhithe, lapho nitewuhlala khona? Nitatibhubhisa nine, nitente nibe yintfo yekucalekisa nelihlazo etiveni tonkhe temhlaba.

Jeremiya 44:9

Senibukhohliwe yini lobubi lobentiwa boyihlo, nemakhosi akaJuda nemakhosikati awo kanye nebubi lobentiwa ngini nebafati benu eveni lakaJuda nasetitaladini taseJerusalema?

Jeremiya 48:35

Ngiyawubacedza kaMowabi labo labashisa iminikelo etindzaweni letiphakeme, batfuncise nemphepho etithicweni tabo,” kusho Simakadze.

Jeremiya 5:2

Nome bakhuluma batsi: ‘Ngifunga kuphila kwaSimakadze,’ noko basafunga emanga.”

Jeremiya 5:7

“Kufanele ngani kutsi nginitsetselele? Bantfwabenu bangishiyile mine, bafunga ngemabito abonkulunkulu labangesibo bonkulunkulu. Ngabanika konkhe lababekweswele, noko bachubeka nekuphinga, babutsana etindlini tetingwadla.

Jeremiya 7:6

naningabacindzeteli labo bekuhamba, nalabangenaboyise, nebafelokati, ningayicitsi nengati lengenacala kulendzawo, ningabalandzeli labanye bonkulunkulu kutsi nitilimate nine,

Hezekeli 18:18

Kodvwa uyise yena uyakufa ngenca yesono sakhe, ngobe nguye lowenta kuphanga ngebugebengu, wadlelela umnakabo, wenta lokubi kubantfu bakubo.

Hezekeli 20:30

“Ngako-ke khuluma kuyo indlu yaka-Israyeli, utsi: ‘Naku lokushiwo yiNkhosi Simakadze, itsi: Nitawutingcolisa yini nani njengaloku boyihlo benta bakhanukana netitfombe tabo letenyanyekako?

Hezekeli 23:39

Ngalona lelo langa benta umhlatjelo ngebantfwababo etithicweni tabo, bangena endzaweni yami lengcwele bayingcolisa. Nguloko labakwenta endlini yami.

Hezekeli 5:11

Ngako-ke ngifunga kuphila kwami, kusho iNkhosi Simakadze, njengobe ungcolise indzawo yami lengcwele ngato tonkhe letitfombe takho letingemanyala nangetento takho letinengekako, ngitakususa lokukubonelela kwami kuwe; ngingeke ngisakubuka ngesihawu nome ngikuphephise.

Hoseya 2:13

Ngiyawumjezisa ngenca yalawo malanga lashisa ngawo imphepho kuboBhali, wativunulisa ngetindandatho nangemihlobiso yakhe lemihle, walandzelana nemashende akhe, kodvwa mine wangikhohlwa,” kusho Simakadze.

Hoseya 6:9

Njengobe bosidlani balalela umuntfu endleleni, tenta njalo neticumbi tebaphristi; tiyabulalana kulomgwaco loya eShekhemu, tente budlova lobulihlazo.

Amose 4:5

Shisani sinkhwa senu lesinemvubelo kube ngumnikelo wekubonga, tigabatiseni ngeminikelo yenu yesihle. Gungubalani ngayo, nine ma-Israyeli, ngobe nguko loko lenitsandza kukwenta.

Zefaniya 1:5

nalabo labakhotsama etulu etingcongwaneni tetindlu bakhonte tinkhanyeti telizulu, nalabo labakhotsama bafunge batsi batakwetsembeka kuSimakadze baphindze bafunge nangaMoloki

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

KubaseRoma 2:2

Siyati kutsi Nkulunkulu akasenti siphosiso nakehlulela bantfu labenta lokubi.

Dutheronomi 32:17

Benta imihlatjelo emadimonini langasiye Nkulunkulu, bonkulunkulu labangazange sebaze babati, bonkulunkulu lababesandza kuvela nje, bonkulunkulu boyihlo labebangazange sebabesabe.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”

Sembulo 22:15

Kepha ngephandle kunetinja, nebatsakatsi, netingwadla, netiphingi, nebabulali, nalabakhonta tithico, nabo bonkhe labatsandza kucala emanga ngekukhuluma nangetento.

Tikhulu 5:8

Nabakhetsa bonkulunkulu labasha, kwefika imphi emasangweni emadolobha; kwabate lihawu nesikhali lokwabonakala kulabati-40 000 baka-Israyeli.