Jeremiya 7:28 - Siswati 1996 Bible

²⁸ Ngako-ke tsani kubo: ‘Lesi sive lesingamlalelanga Simakadze Nkulunkulu waso, futsi asiphendvukanga nasicondziswa. Liciniso seliphelile; linyamalele emilonyeni yabo.

Jeremiya 7:28 Referencias Cruzadas

Tihlabelelo 12:2

Bantfu bayayengana la emhlabeni, tilimi tabo tisheleliswa ngemanga, inkhulumo yabo imphacambili.

Tihlabelelo 50:17

Ngobe wena uyakutondza kuyalwa, emavi ami uwengca ngetulu.

Taga 1:7

Kwesaba Simakadze kusicalo selwati, tilima tiyakwedzelela kuhlakanipha nemiyalo.

Isaya 30:9

Babantfu labahlubukako, bantfwana labanemanga, nalabangafuni kulalela imiyalo yaSimakadze.

Jeremiya 11:10

Babuyela etonweni tabokhokho babo, labala kulalela emavi ami. Balandzele labanye bonkulunkulu, bakhonta bona. Indlu yaka-Israyeli nendlu yakaJuda, totimbili tisephulile sivumelwane lengasenta nabokhokho bato.

Jeremiya 17:23

Noko abazange bangilalele, abanginakanga nekunginaka; baba nenkhani, bangete bangilalela, futsi abazange baphendvuke nome sebajeziswa.

Jeremiya 2:30

“Ngajezisa bantfu bakini, kodvwa akukanisiti, abakaphendvuki nasekujezisweni kwabo. Inkemba yenu ishwabudzele baphrofethi benu, njengelibhubesi lelifukutsako.

Jeremiya 32:33

Bangifulatsela bangete bangibuka, lite nome ngangibafundzisa njalonjalo, abazange balalele, futsi abazange bakunake nekukunaka kujezisa kwami.

Jeremiya 5:1

“Yehlani nenyuka etitaladini taseJerusalema, calatani ndzawo tonkhe nicabange kahle, phenyisisani tonkhe tinkhundla tayo. Naningakhandza nome munye nje umuntfu lowenta tintfo ngekwetsembeka, afune liciniso, ngitalitsetselela lelidolobha.

Jeremiya 5:3

Awu Simakadze, emehlo akho akafuni lona yini liciniso? Wabashaya, kodvwa abazange babuve buhlungu, wabapitjita, kodvwa bakwala kucondziswa. Benta buso babo baba lukhuni kunelitje, bala kuphendvuka.

Jeremiya 6:17

Ngabeka balindzi etikwenu, ngatsi: ‘Lalelani kukhala kwempalampala,’ kodvwa nine natsi: ‘Ngeke sikulalele.’

Jeremiya 6:28

Bonkhe babonhloko ayivutfwa, nebahlubuki, bahambe bahlambalata. Balukhuni balitfusi nensimbi, bonakele bonkhe ngetento tabo letimbi.

Jeremiya 6:8

Tsatsa seluleko, wena Jerusalema, nome-ke ngitakufulatsela nawungasitsatsi, live lakho ngilente lisale lilihlane, khona kutebate umuntfu lohlala kulo.”

Hoseya 4:1

Vanini livi laSimakadze, nine ma-Israyeli, ngobe Simakadze usenelicala latanibeka lona, nine lenihlala kulelive, utsi: “Kute kwetsembeka, kute lutsandvo, kute kuphakamisa Nkulunkulu eveni.

Zefaniya 3:2

Alihloniphi muntfu, alivumi kucondziswa. Aletsembeli kuSimakadze. alisondzeli kuNkulunkulu walo.

Zefaniya 3:7

Ngakhuluma kulelidolobha, ngatsi: ‘Impela, uyawungesaba uvume kucondziswa!’ Lendzawo yalo-ke ingeke icitfwe, kantsi netijeziso tami tonkhe tingeke tehliselwe etikwalo. Kodvwa babesolo banenshisekelo yekukwenta ngebubi konkhe labakwentako.”