Jeremiya 7:23 - Siswati 1996 Bible

²³ kodvwa ngabanika umyalo lotsi: Ngilaleleni, mine-ke ngiyawuba nguNkulunkulu wenu, nine nibe sive sami. Hambani ngato tonkhe tindlela tami lenginiyale ngato, kuze kunihambele kahle.

Jeremiya 7:23 Referencias Cruzadas

Jobe 36:11

Nabalalela bamkhonte yena, bayawuphila yonkhe imphilo yabo baphumelela neminyaka yabo beneliseka.

Tihlabelelo 119:3

Labo-ke abakwenti lokungakalungi, kodvwa bahamba ngetindlela takhe.

Tihlabelelo 40:6

Awujatjuliswa ngumhlatjelo nemnikelo, kodvwa ujatjuliswa kusebentisa tindlebe longiphe tona. Awuzange sewusho kutsi ufuna umhlatjelo loshiswa samuku, nome umnikelo wekuhlawulela sono.

Tihlabelelo 81:13

Maye, kube sive sami siyangilalela na-Israyeli ahambe etindleleni tami!

Eksodusi 15:26

Wakhuluma kubo watsi: “Naningilalela, nigcina livi lami, mine Nkulunkulu wenu, nente loko lokulungile, nigcine nemiyalo yami, ngingeke nginijezise ngaletifo lengatehlisela etikwemaGibhithe. Mine nginguSimakadze longumphilisi wenu.”

Eksodusi 16:32

Mosi wakhuluma watsi: “Simakadze ukhulume watsi: ‘Nibolondvolota imana lengagcwala emalitha langaba mabili, niyilondvolotele titukulwane tenu, kuze tibone kudla lenganondla ngako ehlane, nanginikhipha eveni laseGibhithe.’ ”

Isaya 3:10

Tjelani labalungile kutsi kutabahambela kahle, ngobe bayawudla titselo tetento tabo.

Jeremiya 11:4

timiso lengayala ngato bokhokho benu mhlazane ngibakhipha eGibhithe, embawuleni yemlilo loncibilikisa insimbi.’ Ngatsi: ‘Lalelani mine, nente konkhe lenginiyala ngako, khona niyawuba sive sami, nami ngibe nguNkulunkulu wenu.

Jeremiya 11:7

Kusukela ngesikhatsi lengakhipha ngaso bokhokho benu eGibhithe kuze kube ngulamuhla, ngangibayala njalo nje, ngitsi: Ngilaleleni.

Jeremiya 13:11

Ngobe njengobe libhande livunulwa elukhalweni lwendvodza, kanjalo indlu yonkhe yaka-Israyeli kanye neyakaJuda ngitibophele kimi,’ kusho Simakadze, ‘kutsi babe sive sami lengitakwatiwa ngaso, ngibatjatwe ngaso ngidvunyiswe ngaso. Kodvwa abakangilaleli.’ ”

Jeremiya 22:21

Ngakwecwayisa ngesikhatsi usativela uphephile, kodvwa wena watsi: ‘Ngingeke ngilalele!’ Lena bekunguyona ndlela yakho kusukela kwasebusheni bakho, awuzange ungilalele.

Jeremiya 22:3

Naku lokushiwo nguSimakadze, utsi: Yentani loko lokucotfo nalokulungile. Nimephule esandleni semcindzeteli wakhe lowo lodlelelwe. Ningakwenti lokubi nome nimphatse ngebudlova lowo losihambi nalongenayise, nemfelokati, futsi ningayicitsi ingati yemuntfu longenacala kulendzawo.

Jeremiya 24:7

Ngiyawubapha inhlitiyo yekwati mine kutsi mine nginguSimakadze. Bayawuba bantfu bami, mine ngibe nguNkulunkulu wabo, ngobe bayawuphendvukela kimi ngayo yonkhe inhlitiyo yabo.

Jeremiya 31:33

Simakadze utsi: “Ngulesi sivumelwane lengiyakusenta nendlu yaka-Israyeli emvakwaleso sikhatsi: Ngiyawufaka umtsetfo wami etingcondvweni tabo, ngiwubhale etinhlitiyweni tabo. Ngiyawuba nguNkulunkulu wabo, bona babe bantfu bami.

Jeremiya 32:23

Beta kulo bafike bangena balidla lelive; kodvwa abazange bakulalele wena nome bawulandzele umtsetfo wakho. Abazange bakwente loko wawubayale ngako kutsi bakwente. Ngako wase wehlisela etikwabo yonkhe lenhlekelele.

Jeremiya 38:20

Jeremiya wayiphendvula watsi: “Bangeke bakunikele. Lalela Simakadze, ngekwenta loku lengikutjele kona. Khona-ke kutabe sekukuhambela kahle konkhe, imphilo yakho iphunyule ekufeni.

Jeremiya 42:6

Nome ngabe kuvumelana natsi nome kuyasilahla, sitamlalela Simakadze, Nkulunkulu wetfu, lesikutfuma kuye, kuze kusihambele kahle, ngobe sitamlalela Simakadze longuNkulunkulu wetfu.”

Zefaniya 3:2

Alihloniphi muntfu, alivumi kucondziswa. Aletsembeli kuSimakadze. alisondzeli kuNkulunkulu walo.

Zakhariya 6:15

“Labo labakhashane kakhulu bayakuta batewusita ngekwelekelela ekwakheni lithempeli laSimakadze; ngulapho-ke niyawukwati khona kutsi Simakadze longuSomandla ungitfumele kini. Loku kuyawukwenteka, nanimhlonipha nimlalela Simakadze longuNkulunkulu wenu.”

Zakhariya 7:7

Akusiwo yini emavi aSimakadze lawo lamenyetelwa ngebaphrofethi bakucala, ngesikhatsi iJerusalema kanye nemadolobha layitungeletile asephumulile, aphumelela lapho khona kwaze kwatinta iNegevu nelihlanze langasenshonalanga?’ ”

KubaseRoma 16:26

kodvwa nyalo seyembuliwe. Leyo mfihlakalo yabhalwa baphrofethi, yamenyetelwa kuto tonkhe tive ngekwemiyalo yaNkulunkulu waphakadze, kuze bonkhe batewukholwa balalele yena.

2 kubaseKorinthe 10:5

Tibhidlita konkhe lokuphakamele kuvimbela kwati Nkulunkulu. Titfumba yonkhe imicabango, tiyente itfobele kulalela Khristu.

Dutheronomi 11:27

Kuyawuba sibusiso kini, naniyilalela imiyalo yaSimakadze Nkulunkulu wenu lengininika yona lamuhla.

Dutheronomi 13:4

Niyawulandzela yena Simakadze Nkulunkulu wenu, nimesabe, nigcine imiyalo yakhe nilalele nelivi lakhe; niyawukhonta yena ninamatsele kuye.

Dutheronomi 13:5

Kodvwa lowo mphrofethi nome lowo mphuphi wemaphupho uyawubulawa, ngobe unifundzise kutsi nihlubuke Simakadze Nkulunkulu wenu lowanikhipha eGibhithe, wanihlenga eveni lebugcili; yebo, abetama kuniphambukisa endleleni Simakadze Nkulunkulu wenu laniyala kutsi nihambe ngayo. Niyakukukhipha kanjalo-ke lokubi lokumila emkhatsini wenu.

Dutheronomi 30:2

nangabe nine nebantfwabenu seniyabuyela kuSimakadze Nkulunkulu wenu nimlalele ngayo yonkhe inhlitiyo yenu, nangawo wonkhe umphefumulo wenu, nente njengako konkhe lenginiyale ngako lamuhla,

Dutheronomi 30:20

kuze nitsandze Simakadze Nkulunkulu wenu, nive liphimbo lakhe, ninamatsele kuye. Simakadze uyimphilo yenu, futsi uyakuninika iminyaka leminyenti kulelo live lalifungela kulinika bokhokho benu, bo-Abrahama, na-Isaka, naJakobe.”

Dutheronomi 30:8

Niyawuphindze nilalele Simakadze nilandzele yonkhe imiyalo yakhe lengininika yona lamuhla.

Dutheronomi 4:10

Khumbulani lilanga lenema ngalo embikwaSimakadze Nkulunkulu wenu ngesikhatsi akhuluma kimi eHorebe atsi: ‘Hlanganisa sonkhe sive sibutsane la embikwami. Ngifuna kutsi sive kahle emavi ami, khona sitewufundza kungihlonipha, yingci nasisaphila kulomhlaba sibuye sifundzise nebantfwabaso.’

Dutheronomi 4:40

Gcinani timiso takhe nemiyalo yakhe lengininika yona lamuhla, kuze kulungele nine nebantfwabenu, khona nitewuphila siphelane kulelo live Simakadze Nkulunkulu wenu lanipha lona.”

Dutheronomi 5:16

“ ‘Hlonipha uyihlo nenyoko, njengobe Simakadze Nkulunkulu wakho akuyala, khona utewuphila sikhatsi lesidze kuze kukuhambele kahle eveni Simakadze Nkulunkulu wakho lakupha lona.

Dutheronomi 5:29

Yebo, shangatsi tinhlitiyo tabo tingatsambela ekungesabeni, bagcine imiyalo yami ngaso sonkhe sikhatsi, khona kutawubahambela kahle bona nebantfwababo kuze kube phakadze!

Dutheronomi 5:33

Hambani endleleni Simakadze Nkulunkulu wenu laniyale kutsi nihambe ngayo, khona nitewuphila nichume, netinsuku tenu tandze eveni lelitawuba lenu.”

Dutheronomi 6:3

Lalelani, ma-Israyeli, nicaphelisise kutsi niyalalela, khona kutanihambela kahle nekutsi nandze kakhulu kulelo live leligcwele lubisi neluju lwetinyosi, njengobe Simakadze Nkulunkulu waboyihlo anetsembisa.

KumaHebheru 5:9

kwase kutsi ngekupheleliswa kwakhe waba ngumtfombo wensindziso yaphakadze yabo bonkhe labo labamlalelako,

1 Samuweli 15:22

Samuweli wakhuluma watsi: “Simakadze uyajatjuliswa yini ngiminikelo yekushiswa nemihlatjelo kunekulalelwa kwelivi laSimakadze? Kulalela kuncono kunemhlatjelo, kucaphela nekunaka kuncono kunemanoni etihhanca.