Jeremiya 6:12 - Siswati 1996 Bible

¹² Tindlu tabo tiyawunikwa labanye, konkhe kanye nemasimi abo nebafati babo, nangiphindza ngelula sandla sami kulabo labahlala kulelo live,” kusho Simakadze.

Jeremiya 6:12 Referencias Cruzadas

1 Tikhronike 21:16

Davide watsi ubuka etulu, wabona ingilosi yaSimakadze ime emkhatsini welizulu nemhlaba iphakamise inkemba ngesandla sayo iyibhekise ngaseJerusalema. Davide kanye netimphunga base bembatsa emasaka bawa phansi ngebuso, bakhotsama.

Isaya 10:4

Kute leningakwenta ngaphandle kwekushosha phansi kanye nalabatfunjwako, nome niwele phansi emkhatsini walababulewe. Noko ngako konkhe loku, lulaka lwakhe alukagucuki, nesandla sakhe sisephakeme.

Isaya 5:25

Ngako-ke intfukutselo yaSimakadze yasivutsela sive sakhe; waphakamisa sandla sakhe wabashaya wabalahla phansi, tintsaba tatamatama. Tidvumbu tabo taba njengemfuhlululu etitaladini. Noko ngako konkhe loku lulaka lwakhe alukagucuki, sandla sakhe sisephakeme.

Isaya 9:12

EmaSiriya ngasemphumalanga nemaFilisti ngasenshonalanga, asakhamisele kushwabudzela ema-Israyeli. Noko ngako konkhe loku lulaka lwakhe alukagucuki; sandla sakhe sisephakeme.

Isaya 9:17

Ngako-ke Simakadze ngeke ajabule ngemajaha abo, futsi ngeke abadzabukele labo labangenaboyise kanye nebafelokati, ngobe bonkhe abanaNkulunkulu, futsi babi, bonkhe bakhuluma emanyala. Noko ngako konkhe loku, lulaka lwakhe alukagucuki, sandla sakhe sisephakeme.

Isaya 9:21

bakaManase bayawutondla ngebaka-Efrayimu, nebaka-Efrayimu batondle ngebakaManase, bonkhe bayawugucukela bakaJuda. Noko ngako konkhe loku, lulaka lwakhe alukagucuki, sandla sakhe sisephakeme.

Jeremiya 15:6

Simakadze utsi: “Ungilahlile mine. Ulibele kuchubeka nekuhlubuka. Ngako ngitawubeka tandla tami etikwakho, ngikubhubhise, ngingeke ngisaba nesihe kuwe.

Jeremiya 21:5

Mine matfupha ngiyakulwa nani ngesandla leselulekile, nangengalo lenemandla, nangentfukutselo, nangesikhahlo, nangelulaka lolukhulu.

Jeremiya 38:22

Onkhe lamakhosikati lasele esigodlweni senkhosi yakaJuda, atawukhishwa ayiswe kuto tiphatsimandla tenkhosi yaseBhabhulona. Lamakhosikati ayawukhuluma kuwe, atsi: “ ‘Bakwedukisa baze bakwehlula, labo bangani bakho lobetsembako. Tinyawo takho titike ekhatsi eludzakeni; bangani bakho bakulahlile.’

Jeremiya 38:23

“Onkhe emakhosikati akho nebantfwabakho bayawuyiswa kubaseBhabhulona, nawe cobo lwakho ngeke uphunyule etandleni tabo, kodvwa uyawubanjwa yinkhosi yaseBhabhulona, nalelidolobha liyawubhujiswa ngemlilo.”

Jeremiya 7:20

“Ngako-ke naku lokushiwo yiNkhosi Simakadze, itsi: Intfukutselo yami kanye nelulaka lwami kutawutfululelwa etikwalendzawo, etikwebantfu netinkhomo, etikwetihlahla tesiganga kanye nasetikwetitselo temhlaba, lutawuvutsa lungaphindzi lucimeke.

Jeremiya 8:10

Ngako-ke bafati babo ngibanikela kulamanye emadvodza, nemasimi abo ngiwanike labanye bantfu, kutsi abe ngewabo. Kusukela kulomncane kakhulu kuye kulomkhulu kakhulu, bonkhe babogubhela kwesabo. Baphrofethi nebaphristi bayafanana, bonkhe bayayengana.

Sililo 2:8

Simakadze watimisela kudzilitela phansi lubondza lolutungelete iNdvodzakati yaseSiyoni. Welula intsambo yekukala, wangete wasincandza sandla sakhe ekubhubhiseni. Wenta tibondza tekuvikela, netindvonga kwakhala, konkhe kwaguga kanyekanye.

Sililo 3:3

Ngempela, sandla sakhe usiguculele ngakimi, simelana nami njalo nje, onkhe emalanga.

Sililo 5:11

Bafati badlwenguliwe eSiyoni, netintfombi tadlundlulutwa emadolobheni akaJuda.

Sililo 5:2

Lifa letfu selijikisiwe lanikwa bafokati, nemakhaya etfu anikwa bachamuki.

Sililo 5:3

Sesigucuke saba tintsandzane, sabate nabobabe, nabomake sebabafelokati.

Hezekeli 35:3

utsi: ‘Naku lokushiwo yiNkhosi Simakadze, itsi: Ngimelene nawe, Edomu, live letintsaba, ngiyakwelula sandla sami ngimelane nawe, ngikwente ube lihlane lelingenalutfo.

Hezekeli 7:24

Ngiyawuletsa tive letimbi kakhulu kutsi titewutsatsa tindlu tabo; ngiyawukucedza kutigabatisa kwalabanemandla, netindzawo tabo lekutsiwa tingcwele tiyawungcoliswa.

Mikha 2:4

Mhlazana kufika leso sikhatsi, tive tiyawubekiselana ngalendzaba yenu yesehlakalo, tiyawuhlabela ingoma ngelusizi lwesehlakalo lesiyawube sinehlele, titsi: ‘Sibhujisiwe sacedvwa, Simakadze ulitsetse live letfu, walinika labo labasitfumbile.’ ”

Zefaniya 1:13

Ingcebo yabo iyawuphangwa, netindlu tabo tibhidlitwe. Bayawukwakha tindlu, kodvwa bangahlali kuto; bayawuhlanyela tivini, kodvwa bangalinatsi liwayini lato.”

Zefaniya 1:4

“Ngiyakwelula sandla sami ngimelane naJuda, ngimelane nabo bonkhe labahlala eJerusalema. Yonkhe imisalela yaBhali ngiyakuyisusa kulendzawo: Emabito emahedeni nebaphristi labakhonta tithico,