Jeremiya 52:28 - Siswati 1996 Bible

²⁸ Leli-ke linani lebantfu labatfunjwa nguNebukhadnezari wabayisa ekudzingisweni: Ngemnyaka wesikhombisa kwaba ngemaJuda lati-3 023;

Jeremiya 52:28 Referencias Cruzadas

2 Tikhronike 36:20

Watsatsa lemisalela wayakuyidzingisela eBhabhulona, labo lababesindze enkembeni, base baba tigcili takhe kanye netebantfwabakhe, waze umbuso wasePheresiya waba ngulonemandla kakhulu.

Ezra 2:1

Laba bantfu besifundza lababuya besuka ekutfunjweni, lababetfunjwe nguNebukhadnezari, inkhosi yaseBhabhulona, wabatfumbela eBhabhulona. Babuyela eJerusalema nakaJuda, nguloyo naloyo edolobheni lakubo.

Nehemiya 7:6

Laba bantfu lababetfunjwe nguNebukhadnezari, inkhosi yaseBhabhulona, labancandzeka babuyela eJerusalema nakaJuda, ngulowo nalowo edolobheni lakubo,

Jeremiya 13:19

Emadolobha aseNegevu ayawuvalwa, futsi kuyawubate loyakuwavula. Juda wonkhe uyawutfunjwa, ayiswe ekudzingisweni, atsatfwe wonkhe.

Jeremiya 52:29

ngemyaka waNebukhadnezari weli-18 kwaba bantfu labangema-832 lababephuma eJerusalema.

Sililo 1:5

Titsa tayo setigucuke taba baphatsi bayo; titsa tayo tikhibikile. Simakadze sewehlisele kuyo kudzabuka ngenca yetono tayo letinyenti. Bantfwabayo bayiswa ekutfunjweni, sebatigcili kuto titsa tayo.

Hezekeli 12:11

Khuluma kubo, utsi: ‘Mine ngisibonakaliso kini.’ “Njengobe ngentile nje, kuyakwenteka kanjalo nakubo. Bayakuya ekutfunjweni batitfunjwa.