Jeremiya 51:56 - Siswati 1996 Bible

⁵⁶ Umbhubhisi uyawufika emelane neBhabhulona, emabutfo ayo ayawutfunjwa, nebutjoki bawo buyakwephulwa. Ngobe Simakadze unguNkulunkulu wemivuzo, uyawukhokhela ngalokuphelele.

Jeremiya 51:56 Referencias Cruzadas

Genesisi 49:24

Kodvwa butjoki bakhe buhlala bucinile, imikhono yakhe iciniswa tandla taLonemandla waJakobe, nguMelusi loliDvwala laka-Israyeli.

Tihlabelelo 137:8

Wena Bhabhulona, uyawubhidlitwa. Ubusisiwe umuntfu loyawubuyisela kuwe tento takho lowake watenta kitsi,

Tihlabelelo 37:15

Kodvwa inkemba yabo iyawugwaza tinhlitiyo tabo, imicibisholo yabo iyakwephuka.

Tihlabelelo 46:9

Uvimba acedze timphi kutsi tichubeke emhlabeni wonkhe jikelele. Ufohlota butjoki, ephule sikhali, tincola atishise ngemlilo.

Tihlabelelo 76:3

Ngulapho ephula khona imicibisholo levutsako, sihlangu, inkemba, kanye netikhali temphi. Cabanga.

Isaya 21:2

Ngikhonjiswe umbono lowesabekako: Bantfu labangemambuka bayatsengisana, baphangi batsatsa imphango. Hlaselani, nine ma-Elamu! Vimbetelani, nani maMede! “Ngitakucedza konkhe loko kububula lobekubangwa baseBhabhulona.”

Isaya 34:8

Ngobe Simakadze unelilanga lekuphindzisela, umnyaka wekubuyisela ngenca yendzaba yaseSiyoni.

Isaya 35:4

Khulumani kulabanetinhlitiyo letesabako nitsi: “Cinani, ningesabi, Nkulunkulu wenu uyeta, uyawufika nekuphindzisela nekujezisa kwakhe, utawufika atenisindzisa.”

Isaya 59:18

Uyawubabuyisela njengaloko labakwentile: lulaka etitseni takhe, nekujeziswa kulabamelana naye. Tichingi uyawutikhokhela njengekwetento tato.

Jeremiya 49:35

Naku lokushiwo nguSimakadze longuSomandla, utsi: “Buka la, butjoki ba-Elamu ngitabephula, yebo, sisekelo semandla abo.

Jeremiya 50:10

Live lemaBhabhulona liyawuphangwa, bonkhe labaliphangako bayakwesutsa,” kusho Simakadze.

Jeremiya 50:36

“Kulengela inkemba etikwebaphrofethi bayo bemanga, bayawuba tilima. Inkemba ilengela etikwemabutfo ayo, agcwale kwesaba.

Jeremiya 51:24

“Embikwemehlo enu ngiyawutiphindzisela kuyo iBhabhulona, nakubo bonkhe labahlala eveni lemaBhabhulona ngako konkhe labona ngako eSiyoni,” kusho Simakadze.

Jeremiya 51:30

Emabutfo aseBhabhulona aseyekele kulwa, asahleti nje etinqabeni tawo. Emandla awo asaphelile, asanjengebafati. Tindzawo tayo tekuhlala setilunyekwe ngemlilo; imicabo yemasango ayo seyephuliwe.

Jeremiya 51:48

Ngulapho-ke lizulu nemhlaba nako konkhe lokukuko kuyawumemeta ngenjabulo ngeBhabhulona, ngobe kuyawuchamuka babhubhisi ngasenyakatfo bateyihlasela,” kusho Simakadze.

Jeremiya 51:53

“Ngisho nome iBhabhulona ingefikela esibhakabhakeni icinise tonkhe tinqaba tayo letiphakeme, ngiyawutfumela babhubhisi bayisukele,” kusho Simakadze.

Jeremiya 51:6

“Phumani nibaleke eBhabhulona! Phephisani timphilo tenu! Ningabhujiswa ngenca yetono tayo. Sesikhatsi sekuphindzisela kwaSimakadze; utayikhokhela ngaloko lokuyifanele.

Sililo 3:64

Awu Simakadze, buyisela kuto loko lokufanele tandla tato.

Hezekeli 39:3

Ngiyawube-ke sengivitsita butjoki bakho esandleni sakho sangesancele, ngiyilahle phansi imicibisholo yakho lesesandleni sakho sangesekudla.

Hezekeli 39:9

“ ‘Labo-ke labahlala emadolobheni aka-Israyeli bayawuphuma bayewubutsa tikhali lebetilahlwe ngemabutfo akho batewutibasa. Bayawubasa emahawu lamakhulu nalamancane, nebutjoki, nemicibisholo, netizeze, netikhali. Kuyawuba ngiminyaka lesikhombisa basebentisa tona ekubaseni umlilo.

Amose 2:15

Loyingcweti ekudubuleni ngebutjoki angeke akhone kucina, lisotja lelihamba phansi ngetinyawo lingeke libaleke, kanjalo nemgibeli welihhashi angeke akhone kusindzisa imphilo yakhe.

Obadiya 1:15

“Lilanga laSimakadze lekwehlulela tonkhe tive selisondzele. Njengobe wentile nawe Edomu kuyakwentiwa njalo nakuwe; tento takho tiyawuphindziselwa kuwe.

Habakhuki 2:8

Njengobe uphange tive letinyenti, letive letisele tiyawukuphanga nawe. Ngobe ucitse ingati yebantfu, wabhubhisa emave nemadolobha kanye nabo bonkhe labebahlala kuwo.

Dutheronomi 32:35

Kuphindzisela kwami; ngimi loyawutibuyiselela. Ngesikhatsi lesikahle lunyawo lwabo luyawushelela. Lilanga labo lekuhlupheka selisedvute, kubhujiswa kwabo kuyabahlasela.”

2 kubaseThesalonika 1:6

Ngempela Nkulunkulu wehlulela kahle ngekubuyisela kuhlupheka kulabo labanihluphako,

Sembulo 17:16

Letimphondvo letilishumi lotibonile nesilo tiyawuyitondza lengwadla; tiyawukutsatsa konkhe lenako tiyishiye ingcunu, tidle inyama yayo, tiyishise ngemlilo.

Sembulo 18:20

Jabulani, nitfokote, nine mazulu. Jabulani nani labangcwele, nani baphostoli, nani baphrofethi; ngobe Nkulunkulu sewuyehlulele iBhabhulona, waniphindziselela kuyo!

Sembulo 19:2

ngobe tehlulelo takhe tiliciniso timsulwa. Sewuyehlulele lengwadla lenkhulu leyabhubhisa umhlaba wonkhe ngebugwadla bayo; wakhiphela kuyo sibhongo sengati yetinceku takhe.”

1 Samuweli 2:4

Imicibisholo yetingwazi yephukile, kodvwa labo labatsambile bavunule emandla.