Jeremiya 51:53 - Siswati 1996 Bible

⁵³ “Ngisho nome iBhabhulona ingefikela esibhakabhakeni icinise tonkhe tinqaba tayo letiphakeme, ngiyawutfumela babhubhisi bayisukele,” kusho Simakadze.

Jeremiya 51:53 Referencias Cruzadas

Genesisi 11:4

Batsi: “Wotani, sitakhele lidolobha, nembhoshongo lotawufikela ezulwini, sitentele ligama, sitekwatiwa, khona singetiwulahlekelana sisakateke nemhlaba wonkhe.”

Jobe 20:6

Nome kuphakama kwalomubi kuze kuphikelele emazulwini nje, nenhloko yakhe itsi ayitsintse emafu,

Isaya 13:17

“Bukani la, ngiyawuvusa emaMede kutsi abahlasele, bantfu labangatsengeki ngesiliva nalabangeke balingwe ngegolide.

Isaya 41:25

“Ngivuse longasenyakatfo, futsi uyeta lomunye lophuma ngasemphumalanga lobita Libito lami. Unyatsela etikwebabusi kube shangatsi baludzaka nje, kube shangatsi yena ungumbumbi nakanyatsela libumba.

Isaya 47:5

“Hlala uthule, ungene ebumnyameni, Ndvodzakati yemaBhabhulona, awusayikuphindza ubitwe ngekutsi Ndlovukazi yemibuso.

Isaya 47:7

Watsi wena: ‘Ngiyawuchubeka ngibe yindlovukazi kokuphela,’ kodvwa awuzange uticaphele letintfo nome sewubone loko lokungahle kwenteke.

Jeremiya 49:16

Lokwesabeka kwakho nekukhukhumala kwenhlitiyo yakho kukuyengile, wena lohlala ekhatsi emifantfwini yemadvwala, wena lohlala eticongweni teligcuma. Nome wakha sidleke sakho lapha etulu njengelusweti, kodvwa ngiyawukwehlisela phansi,” kusho Simakadze.

Jeremiya 50:21

“Hlasela live laseMerathayimu nalabo labahlala ePhekodi. Bacoshe, ubabulale, ubabhubhise ubacedze. Wente konkhe lengikuyale ngako,” kusho Simakadze.

Jeremiya 50:25

Simakadze ugwabule umphandza wakhe wetikhali, wakhipha tikhali telulaka lwakhe, ngobe iNkhosi Simakadze lenguSomandla inemsebenti letawenta eveni lebantfu baseBhabhulona.

Jeremiya 50:45

Ngako-ke, vanini losekulungiswe nguSimakadze engcondvweni yakhe ngeBhabhulona, loko lasatimisele kukwenta kulabo labahlala eBhabhulona: Ematfole emhlambi ayawuhudvulwa, uyakuwabhubhisa awacedze emadlelo abo ngenca yabo.

Jeremiya 51:11

“Lolani imicibisholo, nitsatse emahawu! Simakadze uchukulute emakhosi aseMediya, ngobe injongo yakhe kubhubhisa iBhabhulona. Simakadze utawutiphindzisela, akhiphe sibhongo ngenca yelithempeli lakhe.

Jeremiya 51:25

“Ngimelene nawe, wena ntsaba lebhubhisako, wena lobhubhisa umhlaba wonkhe,” kusho Simakadze. “Ngiyakwelula sandla sami silwe nawe, ngikugicite ngikwehlise eticongweni, ngikwente ube yintsaba leshisiwe.

Jeremiya 51:48

Ngulapho-ke lizulu nemhlaba nako konkhe lokukuko kuyawumemeta ngenjabulo ngeBhabhulona, ngobe kuyawuchamuka babhubhisi ngasenyakatfo bateyihlasela,” kusho Simakadze.

Jeremiya 51:56

Umbhubhisi uyawufika emelane neBhabhulona, emabutfo ayo ayawutfunjwa, nebutjoki bawo buyakwephulwa. Ngobe Simakadze unguNkulunkulu wemivuzo, uyawukhokhela ngalokuphelele.

Jeremiya 51:58

Naku lokushiwo nguSimakadze longuSomandla, utsi: “Lubondza lolulicinsi lwaseBhabhulona luyakwendlaleka phansi, nemasango ayo laphakeme alunyekwe ngemlilo, bantfu batikhatsate ngelite, umshikashika wetive ungemafutsa nje ekubasela emalangabi.”

Danyela 4:30

yatsi: “Lena akusiyo yini iBhabhulona lenkhulu lengiyakhile yaba sigodlo sekuhlala inkhosi, ngemandla ami lamakhulu ngayakhela ludvumo lwebukhosi bami?”

Amose 9:2

Nome bangemba bashone phansi ekujuleni kwelithuna, nakhona lapho sandla sami siyawubakhipha. Nome bangekhwela benyukele etulu emazulwini, nakhona lapho ngiyawubehlisela phansi.

Amose 9:4

Nome bangatfunjwa titsa tabo, nakhona lapho ngiyawuyala inkemba kutsi ibabulale. Emehlo ami ngiyakuwanamatselisa kubo, kube kubi kubo, kungabi kuhle.”

Habakhuki 2:9

“Maye kulowo lowakha likhaya lakhe ngenzuzo lengakalungi, atakhele sidleke sakhe etulu ekuphakameni, kuze atewuphunyula etidladleni tembhubhiso.