Jeremiya 51:50 - Siswati 1996 Bible

⁵⁰ “Nine leniphunyulile enkembeni, hambani ningabe nisalibala! Khumbulani Simakadze, niseveni lelikhashane, nicabange ngeJerusalema.”

Jeremiya 51:50 Referencias Cruzadas

Tihlabelelo 122:6

Thandazelani kutsi kube nekuthula eJerusalema: “Shangatsi bangaphumelela babe nenhlanhla, bantfu labatsandza wena, Jerusalema.

Isaya 48:20

Sukani lapha eBhabhulona. Wabalekeleni emaBhabhulona. Kumemeteleni loku ngenjabulo lenkhulu, nikubabate, kutfumeleni emikhawulweni yemhlaba, nitsi: “Simakadze umhlengile Jakobe, inceku yakhe.”

Isaya 51:11

Labahlawulelwe baSimakadze bayawubuya. Bayawungena eSiyoni ngekuhlabela nangekujabula kwaphakadze lokuyawuba ngumchele etinhloko tabo. Kutfokota nekujabula kuyawuba kubo, lusizi nekububula kubabalekele.

Isaya 52:2

Titsintsitse lutfuli lokulo; sukuma, uhlale esihlalweni sebukhosi, wena Jerusalema. Tikhulule etinketaneni letisentsanyeni yakho, wena Ndvodzakati yaseSiyoni letfunjiwe.

Jeremiya 31:21

“Beka timphawu temgwaco; umise tinsika letitikhombandlela. Wunake umgwaco lomkhulu, yebo, umgwaco lohamba ngawo. Ncandzeka, Ntfombi lengu-Israyeli, buyela emadolobheni akho.

Jeremiya 44:28

Labo labayawubalekela inkemba babuyele eveni lakaJuda besuke eGibhithe, bayawuba mbalwa kakhulu. Kuyawutsi-ke yonkhe insali yakaJuda leyeta kutawuhlala eGibhithe iyawukwati kutsi labani livi leliyawuma, lingagucuki, lami nome labo.

Jeremiya 50:8

“Balekani niphume eBhabhulona; lishiyeni lelive lemaBhabhulona, nibe njengetiphongo letihola umhlambi.

Jeremiya 51:45

“Phumani kuyo, sive sami! Balekisani timphilo tenu! Balekelani intfukutselo leyesabekako yaSimakadze.

Jeremiya 51:6

“Phumani nibaleke eBhabhulona! Phephisani timphilo tenu! Ningabhujiswa ngenca yetono tayo. Sesikhatsi sekuphindzisela kwaSimakadze; utayikhokhela ngaloko lokuyifanele.

Hezekeli 6:9

Kuyawutsi-ke etiveni lapho bebatfunjelwe khona, labo labaphunyulile bangikhumbule, kutsi ngeva buhlungu kanjani ngalokungihlubuka kwabo ngetinhlitiyo tabo, bakhonta labanye bonkulunkulu, besuka kimi, ngeva buhlungu nangemehlo abo labukeka akhanuka tithico tabo. Bayawutenyanya kwabona ngalobubi labayawube babentile, nangato tonkhe tintfo tabo letinengekako labatentako.

Danyela 6:11

Lamadvodza ase ayahamba asicumbi aya kuDanyela, afike amkhandza athandaza kuNkulunkulu acela lusito.

Sembulo 18:4

Ngase ngiphindze ngiva lelinye livi liphuma ezulwini litsi: “Sive sami, phumani kuyo, ningahlanganyeli nayo etonweni tayo, funa nehlelwe kuhlushwa kanye nayo.