Jeremiya 51:33 - Siswati 1996 Bible

³³ Naku lokushiwo nguSimakadze longuSomandla, Nkulunkulu wema-Israyeli, utsi: “INdvodzakati yaseBhabhulona injengendzawo yekubhulela kolo ngesikhatsi nayigcotjwagcotjwa, sikhatsi sekuyivuna iBhabhulona sitawufika masinyane.”

Jeremiya 51:33 Referencias Cruzadas

Isaya 18:5

Ngobe, kusengakavunwa, nase kuhhohloke tishakato, netimbali setiba titselo lesetivutsiwe temagelebisi, uyawujuba emahlumela ngesikelo sekutsena tihlahla, awalalise phansi, esuse lemiliba leyenabako.

Isaya 21:10

Awu, sive sami, senipitjitelwe phansi ebaleni lekubhulela kolo, ngiyanitjela loko lengikuvile kuSimakadze longuSomandla, kuNkulunkulu wema-Israyeli.

Isaya 47:1

Simakadze utsi: “Yehla, uhlale elutfulini, wena Ndvodzakati yaseBhabhulona. Hlala emhlabatsini, ungasahlali esihlalweni sebukhosi, Ndvodzakati yebaseBhabhulona. Awusayikubitwa ngekutsi ungulobutsakatsaka nalotsambile.

Jeremiya 51:32

Ematubuko avinjiwe, imihlanga ishiswe ngemlilo, emasotja atfutfumela.”

Hoseya 6:11

“Nawe-ke, Juda, ulungiselwe kuvunwa. “Nase ngifuna kubuyisela inhlalakahle kubantfu bami,

Joweli 3:13

Faka lisikela usike, ngobe sekufanele kuvunwe. Wota, ugcobagcobe emagelebisi, ngobe litje lekuhlutela seligcwele, nemiphandza seyigcwele iyaphuphuma, bunjalo-ke nebubi babo!”

Amose 1:3

Naku lokushiwo nguSimakadze, utsi: “Bantfu baseDamaseko bone kwaze kwengca, ngaleso sizatfu ngingeke ngihlale ngingabajezisi. Baphatse sive sakaGileyadi ngensila nakabuhlungu, basihhudlisa phansi njengetihliphi nanjengetihhudlo.

Mikha 4:12

Kodvwa letive atati kutsi yini lesengcondvweni yaSimakadze. Atiwacondzi emasu akhe, futsi atiboni nekutsi tibutselwe ndzawonye, khona titewujeziswa kahle, tibhujiswe njengekubhulwa kwemabele labutselwe ndzawonye, abutsaniselwa kubhulwa.

Mikha 4:13

Simakadze utsi: “Sive saseJerusalema, hambani nijezise titsa tenu, nitibhule njengemabele! Ngiyakunenta nibe nemandla njengenkunzi lenetimphondvo letiyinsimbi ibe nemasondvo elitfusi. Niyawucotfula tive letinyenti, bese kutsi umcebo letatiwutfole ngendluzula niwuletse kimi, mine Simakadze, iNkhosi yemhlaba wonkhe.”

Habakhuki 3:12

Ngelulaka wahambahamba wadzabula umhlaba, ngentfukutselo wagcobagcoba tive.

Matewu 13:30

Yekelani nje kukhule kokubili ndzawonye, kuze kube sikhatsi sekuvuna, kuvunwe; nasekuvunwa ngitawutjela labavunako kutsi babutse lukhula kucala, balubophe tincumbi, kuze lutewushiswa; bese-ke nibutsela emabele ndzawonye esiteni sami.’ ”

Matewu 13:39

Sitsa lesahlanyela lukhula nguSathane. Kuvuna kusho siphetfo saletikhatsi, bavuni-ke tingilosi.