Jeremiya 51:28 - Siswati 1996 Bible

²⁸ Lungisani tive nitilungiselele kulwa nayo, emakhosi aseMediya, nebabusi bawo, netiphatsimandla tawo tonkhe, kanye nemave onkhe letiwabusako.

Jeremiya 51:28 Referencias Cruzadas

Genesisi 10:2

Emadvodzana aJafethi bekuboGomeri, naMagogi, naMadayi, naJavani, naThubali, naMesheki, naThirasi.

1 Tikhronike 1:5

Emadvodzana aJafethi bekuboGomeri, naMagogi, naMadayi, naJavani, naThubali, naMesheki, naThirasi.

Esta 1:3

Kwatsi ngemnyaka wesitsatfu wekubusa kwakhe wenta lidzili lelikhulu, wamema tonkhe tiphatsimandla takhe netindvuna takhe. Wamema nemabutfo asePheresiya newaseMediya. Tonkhe tikhulu tatikhona, tikanye netiphatsimandla tembuso.

Esta 10:2

Tonkhe tintfo nemisebenti yakhe lemikhulu lemangalisako kanye nekubeka Modekhayi esikhundleni kubhaliwe emilandvweni yemakhosi asePheresiya naseMediya.

Isaya 13:17

“Bukani la, ngiyawuvusa emaMede kutsi abahlasele, bantfu labangatsengeki ngesiliva nalabangeke balingwe ngegolide.

Isaya 21:2

Ngikhonjiswe umbono lowesabekako: Bantfu labangemambuka bayatsengisana, baphangi batsatsa imphango. Hlaselani, nine ma-Elamu! Vimbetelani, nani maMede! “Ngitakucedza konkhe loko kububula lobekubangwa baseBhabhulona.”

Jeremiya 25:14

Bona matfupha bayawugcilatwa tive letinyenti nangemakhosi lamakhulu. Ngiyawubakhokhela ngaloko lokubafanele ngetento tabo nangemsebenti wetandla tabo.”

Jeremiya 25:25

nawo onkhe emakhosi aseZimri, newase-Elamu, newaseMediya;

Jeremiya 50:41

“Bukela, kuchamuka imphi enyakatfo; sive lesikhulu nemakhosi lamanyenti achukulutiwe emikhawulweni yemhlaba.

Jeremiya 51:11

“Lolani imicibisholo, nitsatse emahawu! Simakadze uchukulute emakhosi aseMediya, ngobe injongo yakhe kubhubhisa iBhabhulona. Simakadze utawutiphindzisela, akhiphe sibhongo ngenca yelithempeli lakhe.

Jeremiya 51:27

“Phakamisani emhlabeni siboniso semphi! Shayani impalampala emkhatsini wetive! Lungisani tive, nitilungiselele kulwa neBhabhulona. Butsani lemibuso, niyisukele niyihlasele: nibite i-Ararathi, neMini kanye ne-Ashkenazi. Bekani indvuna yemphi, nimelane neBhabhulona. Tfumelani emahhashi lanjengemabulo esikhonyane.

Jeremiya 51:29

Live liyatfutfumela ligidzitele, ngobe injongo yaSimakadze ngeBhabhulona imile, kutsi abhubhise live laseBhabhulona, kuze kutsi kubete namunye longahlala kulo.

Danyela 6:1

Kwaba kuhle kuDariyusi kutsi abeke tikhulu letili-120 kutsi tengamele wonkhe umbuso wakhe;

Danyela 6:8

Manje-ke, nkhosi, khipha lesimemetelo usibhale phansi, kuze singetiwuguculwa ngumuntfu, njengekwemitsetfo yemaMede nemaPheresiya lengeke iguculwe ngumuntfu.”

Danyela 8:20

Lesihhanca losibonile lesinetimphondvo letimbili, simele emakhosi aseMediya newasePheresiya.

Danyela 9:1

Ngemnyaka wekucala waDariyusi, umsa wa-Ahashiveroshi, umMede ngekutalwa, lowabekwa waba yinkhosi etikwembuso waseBhabhulona,