Jeremiya 51:11 - Siswati 1996 Bible

¹¹ “Lolani imicibisholo, nitsatse emahawu! Simakadze uchukulute emakhosi aseMediya, ngobe injongo yakhe kubhubhisa iBhabhulona. Simakadze utawutiphindzisela, akhiphe sibhongo ngenca yelithempeli lakhe.

Jeremiya 51:11 Referencias Cruzadas

1 Emakhosi 11:14

Simakadze wase uvusela Solomoni sitsa, Hadadi, um-Edomu, labewendlu yasebukhosini baka-Edomu.

1 Emakhosi 11:23

Nkulunkulu waphindze wamvusela lesinye sitsa Solomoni, lesasinguRezoni, umsa wa-Eliyada, labebaleke kumnumzane wakhe, Hadadezeri, inkhosi yaseSobha.

1 Tikhronike 5:26

Ngako Nkulunkulu wema-Israyeli wacunula inhlitiyo yaPhuli, inkhosi yase-Asiriya, lekwakunguThiglathi Phileseri, inkhosi yase-Asiriya, watfumba bakaRubeni, nebakaGadi kanye nencenye yesive sakaManase, wabadzingisa. Wabatsatsa wabayisa eHala, naseHabori, naseHara, nasemfuleni iGozani, lapho basekhona khona ngisho nalamuhla loku.

2 Tikhronike 36:22

Ngemnyaka wekucala wekubusa kwaKhuresi, inkhosi yasePheresiya, kuze kugcwaliseke livi laSimakadze lelalikhulunywe nguJeremiya, Simakadze watsintsa inhlitiyo yaKhuresi, inkhosi yasePheresiya, kutsi ente simemetelo kulo lonkhe lelalingaphansi kwakhe, nekutsi asibhale phansi atsi:

Ezra 1:1

Ngemnyaka wekucala wekubusa kwaKhuresi, inkhosi yasePheresiya, kuze kugcwaliseke livi laSimakadze lelakhulunywa nguJeremiya, Simakadze watsintsa inhlitiyo yaKhuresi, inkhosi yasePheresiya kutsi ente simemetelo kulo lonkhe lelingaphansi kwakhe, nekutsi asibhale phansi atsi:

Isaya 10:26

Simakadze longuSomandla uyakuwashaya ngesiswebhu, njengamzukwana ashaya emaMidiyani edvwaleni lase-Orebi, uyawuphakamisa indvuku yakhe ngetulu kwemanti, njengobe enta eGibhithe.

Isaya 21:2

Ngikhonjiswe umbono lowesabekako: Bantfu labangemambuka bayatsengisana, baphangi batsatsa imphango. Hlaselani, nine ma-Elamu! Vimbetelani, nani maMede! “Ngitakucedza konkhe loko kububula lobekubangwa baseBhabhulona.”

Isaya 21:5

Bendlala ematafula, bendlale emacansi, bayadla, banatse! Bese kuphuma simemetelo sitsi: “Sukumani, nine tindvuna! Gcobisani emahawu enu!”

Isaya 41:25

“Ngivuse longasenyakatfo, futsi uyeta lomunye lophuma ngasemphumalanga lobita Libito lami. Unyatsela etikwebabusi kube shangatsi baludzaka nje, kube shangatsi yena ungumbumbi nakanyatsela libumba.

Isaya 45:1

“Naku lokushiwo nguSimakadze kulogcotjiwe wakhe, kuKhuresi, lengibambe sandla sakhe sangasekudla, ngentela kwehlula tive embikwakhe, ngemuke emakhosi tikhali tawo, ngivule neminyango embikwakhe, kuze emasango angetiwuvalwa, ngitsi kuye:

Isaya 45:5

NginguSimakadze, futsi kute lomunye, ngaphandle kwami kute Nkulunkulu; ngiyawukuhlomisa, wena ungakangemukeli nje,

Isaya 46:11

Ngibita lingce emphumalanga, eveni lelikhashane ngibite umuntfu atewufeza injongo yami. Loko lese ngikushito, nguloko lengiyawukuphumelelisa; loko lese ngikuhlelile, nguloko lengiyawukwenta.

Jeremiya 25:25

nawo onkhe emakhosi aseZimri, newase-Elamu, newaseMediya;

Jeremiya 46:3

“Lungisani emahawu enu, yebo, lamancane nalamakhulu, niphume nishuce niye emphini!

Jeremiya 46:4

Bophelani emahhashi enu, nigibele, nine bagibeli bemahhashi! Manini ngetigaba tenu teticheme, nifake netimphantitje tenu etinhloko! Lolani tikhali tenu, nigcoke nemajazi ensimbi enu emphi!

Jeremiya 46:9

Awu, subatsani, mahhashi! Nani bagibeli betincola, tigijimiseni, kube shangatsi senitinhlanya! Hlaselani, nani tingwazi: Nine madvodza aseKushe newasePhuthi, lenibambe emahawu, nani madvodza aseLidiya lajijimeta ngebutjoki.

Jeremiya 50:25

Simakadze ugwabule umphandza wakhe wetikhali, wakhipha tikhali telulaka lwakhe, ngobe iNkhosi Simakadze lenguSomandla inemsebenti letawenta eveni lebantfu baseBhabhulona.

Jeremiya 50:3

Sive lesichamuka enyakatfo siyawuyihlasela, live layo silishiye lingenalutfo. Kute muntfu loyawuhlala kulo, bantfu netilwane kuyawulibalekela.”

Jeremiya 50:45

Ngako-ke, vanini losekulungiswe nguSimakadze engcondvweni yakhe ngeBhabhulona, loko lasatimisele kukwenta kulabo labahlala eBhabhulona: Ematfole emhlambi ayawuhudvulwa, uyakuwabhubhisa awacedze emadlelo abo ngenca yabo.

Jeremiya 50:9

Ngobe ngiyawuchukuluta letive letinemandla ngitiletse titewusukela iBhabhulona tiyihlasele, tichamuka emaveni angasenyakatfo, tiyawutihlela kahle ize itfunjwe. Imicibisholo yato ifanana neyetingcweti tetihlabani letingabuyeli emuva tilengisa tandla.

Jeremiya 51:12

Phakamisani siboniso semphi, ngasetibondzeni taseBhabhulona! Cinisani bogadzi, nimise kahle balindzi, kulalela titsa endleleni! Simakadze utayiphumelelisa injongo yakhe, utakukwenta loko labekukhuluma kubantfu baseBhabhulona.

Jeremiya 51:24

“Embikwemehlo enu ngiyawutiphindzisela kuyo iBhabhulona, nakubo bonkhe labahlala eveni lemaBhabhulona ngako konkhe labona ngako eSiyoni,” kusho Simakadze.

Jeremiya 51:35

Shangatsi lobudlwangudlwangu lobentiwe enyameni yetfu bungabasetikweBhabhulona,” kusho takhamiti taseSiyoni. “Shangatsi ingati yetfu ingabasetikwalabo labatakhamiti eveni lemaBhabhulona,” kusho iJerusalema.

Jeremiya 51:36

Ngako-ke, naku lokushiwo nguSimakadze, utsi: “Buka la, ngiyakuyivikela indzaba yakho, ngikubuyiselele; ngiyakomisa lwandle lwelive lemaBhabhulona ngente imitfombo yalo yome.

Danyela 5:30

Ngabo bona lobo busuku Bhelshasari, inkhosi yemaBhabhulona, wagwazwa wafa.

Joweli 3:10

Fulani emakhuba enu abe tinkemba, netikelo tekutsena tihlahla nitente tibe tikhali. Ngisho nalobutsakatsaka akatsi: “Nginemandla!”

Joweli 3:9

“Memetelani naku etiveni: “ ‘Tilungiseleleni imphi! Vusani emabutfo! Emasotja akasondzele atewuhlasela.

Levithikusi 26:25

Ngiyawuniletsela imphi itenijezisa ngekwephula kwenu sivumelwane. Niyawutsi nanihlangana emadolobheni enu etindzaweni tekuphepha, bese nginihlasela ngetifo letingelapheki, nivele niphoceleke kutinikela etitseni tenu.

Zakhariya 14:12

Lesi-ke sishayo Simakadze layawushaya ngaso tonkhe tive letalwa neJerusalema: Umtimba wabo uyawubola baseme ngetinyawo tabo, emehlo abo ayawubola etingojeni tawo, netilwimi tabo tiyawubola emilonyeni yabo.

Zakhariya 14:2

Ngiyakubutsela tonkhe tive eJerusalema kutekulwa nayo; lelidolobha liyawutfunjwa, tindlu tiphangwe, nebesifazane badlwengulwe. Incenye yebantfu balelidolobha iyawutfunjwa, kodvwa laba labanye bantfu labayawube basele bangeke basuswe kulelidolobha.