Jeremiya 50:46 - Siswati 1996 Bible

⁴⁶ Umhlaba uyawutfutfumela ngemsindvo wekutfunjwa kweBhabhulona; kukhala kwayo kuyawuhokoma emkhatsini wetive.

Jeremiya 50:46 Referencias Cruzadas

Isaya 15:5

Inhlitiyo yami ikhalela Mowabi, bantfu bakhe babaleka kuye bacondza eSowari, labanye bacondza e-Eglathi Shelishiya. Benyuka bahamba bakhala baya eLuhithi, bahamba ngemgwaco baya eHoronayimu, bakhaliswa kubhujiswa kwabo.

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Jeremiya 46:12

Tive tiyawuva ngelihlazo lakho, kukhala kwakho kuyawugcwalisa wonkhe umhlaba. Ingwazi lenye iyawugilwa ngulenye, tikhubatele tiwe tonkhe kanyekanye.”

Jeremiya 49:19

“Njengelibhubesi nalichamuka emahlatsini aseJordane liya eveni lelinemadlelo laluhlata, ngiyawubatuma base-Edomu, ngibacoshe eveni labo. Ngubani lokhetsiwe, lengiyawumbekela loku? Ngubani lonjengami? Kona nje ngubani longangicela insayeya? Ngumuphi umelusi longamelana nami?

Jeremiya 49:21

Ngemsindvo wekuwa kwabo umhlaba uyawutfutfumela; kukhala kwabo kuyawuvakala kuklaza naseLwandle Lolubovu.

Jeremiya 51:29

Live liyatfutfumela ligidzitele, ngobe injongo yaSimakadze ngeBhabhulona imile, kutsi abhubhise live laseBhabhulona, kuze kutsi kubete namunye longahlala kulo.

Jeremiya 51:54

“Umsindvo wekukhala uchamuka eBhabhulona, umsindvo wekubhubhisa lokukhulu uchamuka eveni lemaBhabhulona.

Hezekeli 26:18

Manje asayatfutfumela emave langaselwandle ngelilanga lekuwa kwakho; tichingi taselwandle tiyesaba ngekubhubha kwakho.’

Hezekeli 27:28

Emave langaselwandle ayawutfutfumela, ngesikhatsi sekukhala kwematilosi akho.

Hezekeli 31:16

Tive ngatitfutfumelisa ngemsindvo wekuwa kwawo ngesikhatsi ngiwehlisela ethuneni kanye nalabo labehlela emgodzini. Ngako tonkhe tihlahla tase-Edeni, telikhetselo naletinhle kakhulu taseLebanoni, tonkhe tihlahla letatiniselwa kahle, tadvudvuteka emhlabeni longaphansi.

Hezekeli 32:10

Tive letinyenti ngiyawutenta titfutfumele ngawe, nemakhosi ato ayawushaciswa kwesaba ngenca yakho, nase ngijikitisa inkemba yami embikwawo. Ngelilanga lekuwa kwakho ngulowo nalowo uyawutfutfumela ngekuphila kwakhe kuyo yonkhe imizuzwana yalelo langa.