Jeremiya 50:42 - Siswati 1996 Bible

⁴² Bahlome ngebutjoki nangetikhali; bavutsa lulaka, abanamusa. Bevakala njengekudvuma kwelwandle sebagibele emahhashini abo; beta ngeticheme temabutfo emphi, bete kutawuhlasela wena, Ndvodzakati yaseBhabhulona.

Jeremiya 50:42 Referencias Cruzadas

Tihlabelelo 46:6

Tive tiyavungama, imibuso iyatamatama; uvakalisa livi lakhe, umhlaba uncibilike.

Tihlabelelo 74:20

Khumbula sivumelwane lowasenta natsi, ngobe tonkhe tindzawo letinematfunti lapha eveni tigcwele budlova.

Isaya 14:6

labahlasele tive ngelulaka, batigadla ngaphandle kwesihe, batigcobagcoba phansi ngentfukutselo, baphekehla lutfutfuva bahlasela.

Isaya 47:1

Simakadze utsi: “Yehla, uhlale elutfulini, wena Ndvodzakati yaseBhabhulona. Hlala emhlabatsini, ungasahlali esihlalweni sebukhosi, Ndvodzakati yebaseBhabhulona. Awusayikubitwa ngekutsi ungulobutsakatsaka nalotsambile.

Isaya 47:6

Ngangisitfukutselele sive sami, ngalilahla lifa lami, ngabanikela esandleni sakho, nawe awuzange ubahawukele ngemusa; ngisho nalasebagugile, wabagaca ngelijoko lelimatima.

Isaya 5:28

imicibisholo yabo iyakhalipha, bonkhe butjoki babo sebugotjiwe, tinselo temahhashi abo tilukhuni njengematje, emasondvo etincola tabo temphi afanana nesiwunguwungwana semoya.

Isaya 5:30

Ngalelo langa bayawubhodla etikwa-Israyeli njengekubhodla kwelwandle. Umuntfu uyawutsi nakabuka live, abone bumnyama lobesabekako; ngisho nekukhanya imbala emafu ayawukwenta kube bumnyama.

Jeremiya 30:14

Bonkhe bangani bakho sebakukhohliwe, abasanaki lutfo lwakho. Ngikushaye njengesitsa, ngakujezisa njengalonelulaka, ngobe licala lakho lilikhulu kakhulu, netono takho titinyenti.

Jeremiya 47:3

nabeva umsindvo wetinselo temahhashi akhe, nebukhehlekhehle betincola takhe temphi, nemsindvo wemasondvo ato. Boyise bangeke baphendvuke babasite bantfwababo, ngobe tandla tabo tiyawulenga.

Jeremiya 50:14

“Manini ngemumo, nitungelete iBhabhulona, nonkhe nine lenijijimeta ngemicibisholo. Yijijimeteni, kungasali namunye umcibisholo, ngobe yonile kuSimakadze.

Jeremiya 50:9

Ngobe ngiyawuchukuluta letive letinemandla ngitiletse titewusukela iBhabhulona tiyihlasele, tichamuka emaveni angasenyakatfo, tiyawutihlela kahle ize itfunjwe. Imicibisholo yato ifanana neyetingcweti tetihlabani letingabuyeli emuva tilengisa tandla.

Jeremiya 51:27

“Phakamisani emhlabeni siboniso semphi! Shayani impalampala emkhatsini wetive! Lungisani tive, nitilungiselele kulwa neBhabhulona. Butsani lemibuso, niyisukele niyihlasele: nibite i-Ararathi, neMini kanye ne-Ashkenazi. Bekani indvuna yemphi, nimelane neBhabhulona. Tfumelani emahhashi lanjengemabulo esikhonyane.

Jeremiya 8:16

Kuthimula kwemahhashi etitsa kuyevakala kuvela kulakaDani, kukhala kwetinjomane tabo kutfutfumelisa lonkhe live. Tifikele kutawushwabudzela live nako konkhe lokukulo, lidolobha kanye nabo bonkhe labahlala kulo.”

Hezekeli 26:3

Ngako-ke naku lokushiwo yiNkhosi Simakadze, itsi: Ngimelana nawe, wena Thire, futsi ngitakuvusela tive letinyenti tikuhlasele, njengelwandle nalugubha emagagasi alo.

Joweli 2:5

Ngemsindvo waso lofanana netincola temphi sigalaja ticongo tetintsaba; sisasamba njengemlilo nawushisa tibi, sihleleke njengemphi lenemandla levivela kuhlasela.

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.

Sembulo 16:6

Bantfu bacitse ingati yalabangcwele, neyebaphrofethi, ngako sewubanike ingati kutsi bayinatse. Kubafanele loko!”