Jeremiya 50:33 - Siswati 1996 Bible

³³ Naku lokushiwo nguSimakadze longuSomandla, utsi: “Bantfu baka-Israyeli bacindzetelekile, kanye nebantfu bakaJuda futsi. Bonkhe batfumbi babo babankonkoshele, bayala kubayekela bahambe.

Jeremiya 50:33 Referencias Cruzadas

Eksodusi 5:2

Faro wabuta watsi: “Ungubani yena lowo Simakadze, kutsi mine ngingalalela livi lakhe, ngikhulule ema-Israyeli kutsi ahambe? Angimati lowo Simakadze, futsi ngingeke ngisikhulule sive sema-Israyeli kutsi sihambe.”

Eksodusi 8:2

Nawala kusikhulula, live lakho lonkhe ngitalishaya ngetigogodvolo.

Isaya 14:17

Utsi ngabe nguye lowenta umhlaba lihlane, wabhidlita emadolobha awo, longazange atikhulule tiboshwa takhe kutsi tihambe tibuyele emakhaya ato?’

Isaya 47:6

Ngangisitfukutselele sive sami, ngalilahla lifa lami, ngabanikela esandleni sakho, nawe awuzange ubahawukele ngemusa; ngisho nalasebagugile, wabagaca ngelijoko lelimatima.

Isaya 51:23

Ngiyakuyifaka etandleni tebahluphi bakho, labakhuluma kuwe batsi: ‘Khotsama phansi, khona sitewuhamba etikwakho.’ Umhlane wakho uwente ufanane nesiyilo, ufanane nemgwaco lekungahanjwa etikwawo.”

Isaya 58:6

“Ngiyo lena yini inhlobo yekuzila kudla lengiyikhetsile? Akusiko yini kutfukulula tibopho tebubi, nekukhumula tintsambo telijoko, nekukhulula labacindzetelwe, nekwephula onkhe emajoko?

Jeremiya 30:20

Bantfwana babo bayawuba njengasetikhatsini takadzenidzeni, libandla labo liyawuma litinte embikwami, ngibajezise bonkhe lababacindzetelako.

Jeremiya 50:7

Bonkhe lababatfola babadla, titsa tabo tatsi: ‘Site tsine licala, ngobe bona kuSimakadze labelidlelo labo sibili, Simakadze, litsemba laboyisemkhulu.’