Jeremiya 50:19 - Siswati 1996 Bible

¹⁹ Kodvwa Israyeli ngitambuyisela emuva edlelweni lakhe, uyawuklaba eKhameli naseBhashani. Kukhanuka kudla kwakhe kuyakweneliseka etintsabeni taka-Efrayimu nakaGileyadi.

Jeremiya 50:19 Referencias Cruzadas

Ezra 2:1

Laba bantfu besifundza lababuya besuka ekutfunjweni, lababetfunjwe nguNebukhadnezari, inkhosi yaseBhabhulona, wabatfumbela eBhabhulona. Babuyela eJerusalema nakaJuda, nguloyo naloyo edolobheni lakubo.

Ingoma Yetingoma 6:5

Susa emehlo akho kimi, ayangisindza. Tinwele takho tinjengemhlambi wetimbuti natewuka tehla eGileyadi.

Isaya 33:9

Live liyalila ligedvuke, iLebanoni ihlazekile, iyabuna; iSharoni ifanana nelihlane i-Arabha, iBhashani neKhameli kuhhohlota emacembe ayo.

Isaya 35:2

Njengembali luyawuchakaza lube lusha; luyawutfokota kakhulu, lumemete ngenjabulo. Ludvumo lweLebanoni luyawunikwa lona, yebo, luyawunikwa ludvumo lweKhameli nelweSharoni; bantfu bayawubona bukhosi baSimakadze, nebukhatikhati baNkulunkulu wetfu.

Jeremiya 23:3

“Mine matfupha ngiyawutibutsela lensali yemhlambi wami emaveni onkhe, lapho ngiwusakatele khona, ngiwubuyisele edlelweni lawo, lapho uyawukwandza khona, ukhule wandze ngesibalo.

Jeremiya 3:18

Kulawo malanga indlu yakaJuda iyawutihlanganisa nendlu yaka-Israyeli, bete kanyekanye baphuma eveni lelingasenyakatfo, batewungena eveni lengalipha boyisemkhulu kutsi libe lifa labo.”

Jeremiya 30:10

“ ‘Ngako-ke ungesabi, wena Jakobe, nceku yami, ungapheli emandla, wena Israyeli,’ kusho Simakadze. ‘Ngempela ngiyawukusindzisa eveni lelikhashane, netitukulwane takho eveni lekutfunjwa kwato. Jakobe usetawubuye abe nekuthula kanye nekuvikeleka, kute namunye loyawubuye amesabise.

Jeremiya 30:18

“Naku lokushiwo nguSimakadze, utsi: “ ‘Ngiyawubuyisela inhlanhla emathendeni akaJakobe, ngibe neluvelo emakhaya akhe; lidolobha liyakwakhiwa kabusha etindzaleni talo, nesigodlo siyawuma kabusha endzaweni yaso lefanele.

Jeremiya 30:7

Maye, liyesabeka lelo langa, kute leliyawuse libe njengalo. Kuyawuba sikhatsi senhlupheko kaJakobe, kodvwa uyawusindziswa kuso.

Jeremiya 31:14

Baphristi ngiyawubesutsisa ngenala, sive sami ngisigcwalise ngekwephana kwami,” kusho Simakadze.

Jeremiya 31:25

Ngiyawubahlumelelisa labo lasebadzangele, ngicinise labo labaphelelwa ngemandla.”

Jeremiya 31:6

Kuyawuba khona lilanga lapho balindzi bayawumemeta emagcumeni aka-Efrayimu, batsi: ‘Wotani, sikhuphukele eSiyoni kuSimakadze longuNkulunkulu wetfu.’ ”

Jeremiya 32:37

Ngempela ngiyakubabutsa kuwo onkhe emave, lapho ngangibasakatela khona ngekutfukutsela kwami lokukhulu nangelulaka lwami lolwesabekako. Ngiyawubabuyisela kuyo lendzawo, ngibente bahlale kuyo bavikelekile.

Jeremiya 46:27

“Ungesabi, wena Jakobe, nceku yami; ungajabhi, wena Israyeli. Ngempela, ngitakusindzisa usendzaweni lekhashane, netitukulwane takho eveni lato lekutfunjwa. Jakobe uyawuphindze abe nekuthula nekuvikeleka, futsi kute namunye loyawumetfusa.

Jeremiya 50:6

“Bantfu bami babetimvu letilahlekile, belusi bato batedukisile, batenta tasabalala etulu etintsabeni. Babezulazula etikwetintsaba nemagcuma, baze bayikhohlwa nendzawo yabo, lapho baphumula khona.

Hezekeli 11:17

“Ngako-ke tsani: ‘Naku lokushiwo yiNkhosi Simakadze, itsi: Ngitanibutsa kuto tonkhe tive nginibuyise, nisuke kuwo onkhe lawo mave lebenginisakatele kuwo, ngiyawuphindze futsi ngininike lelive laka-Israyeli.’

Hezekeli 36:24

“ ‘Ngobe ngiyawunikhipha emkhatsini wetive, ngiyawunibutsa kuwo onkhe emave, nginibuyisele eveni lelingelenu.

Hezekeli 36:33

“ ‘Naku lokushiwo yiNkhosi Simakadze, itsi: Mzukwana nginihlanta kuto tonkhe tono tenu, ngiyakuwatintisa kabusha emadolobha enu, netindzawo tenu lebetibhidlitiwe tiyakwakhiwa kabusha.

Hezekeli 38:8

Emvakwemalanga lamanyenti utawubitelwa embutfweni. Kuleminyaka letako utawuhlasela live leselibuyiswe emphini, lelibantfu balo babutfwa etiveni letinyenti, bayiswa etintsabeni taka-Israyeli letase tikhala libhungane kadzenidzeni. Bakhishwe etiveni ngetive, kodvwa nyalo bonkhe sebahlala bavikelekile.

Hezekeli 47:18

“Ngasemphumalanga umnyele uyawudzabula emkhatsini weHawurani neDamaseko, ugudle iJordani, emkhatsini weGileyadi nelive laka-Israyeli, ucondze elwandle lwasemphumalanga, uze uyewufika eThamari. Lowo-ke kuyawuba ngumnyele wangasemphumalanga.

Mikha 7:14

Simakadze, bani ngumelusi wesive sakho losikhetsile. Nome bantfu bakho bahlala babodvwa ehlane, kodvwa batungeletwe live lelivundzile. Abasukume batondle emadlelweni laneluhlata lolunyenti, eBhashani nakaGileyadi, njengobe babenta kadzenidzeni.

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Zakhariya 10:10

Ngiyawubabuyisa besuke kulaseGibhithe, ngibabutse kulase-Asiriya. Ngiyawubayisa kaGileyadi naseLebanoni, lapho bayakweswela nendzawo yekuhlala.

Numeri 32:1

EmaRubeni nemaGadi labenemihlambi lemikhulu yetinkhomo, netimvu, netimbuti abona ematsafa aseJazeri naseGileyadi kutsi abelungele kuba ngemadlelo.

Numeri 32:4

live Simakadze lalincoba walinika sive sema-Israyeli, lilungele kuba ngemadlelo, kantsi tinceku takho tinemihlambi yetifuyo.”

Joshuwa 17:15

Joshuwa wabaphendvula, watsi: “Nangabe nibanyenti kakhulu, nangabe futsi nalelive letintsaba laka-Efrayimu lilincane kini, yenyukelani ehlatsini nilihhehle lonkhe, khona nitewutitfolela indzawo khona eveni lemaPheresi nelemaRefa.”