Jeremiya 5:26 - Siswati 1996 Bible

²⁶ “Emkhatsini wesive sami kukhona emadvodza lamabi labahlala bagadzile njengebantfu labetsiya tinyoni, nanjengalabo lababekela bantfu tingibe tekubabamba.

Jeremiya 5:26 Referencias Cruzadas

Tihlabelelo 64:5

Badudana ngekwakha emacebo lamabi; bacebisana ngekubeka tingibe emasitseleni, bacabange batsi: “Ngubani longasibona?”

Taga 1:11

natitsi kuwe: “Kota, sambe sifune lesingahle simbulale; asihambe silalele labangenacala, sibajabhalate ngaphandle kwesono.

Isaya 32:7

Emasu asidlani mabi, wakha emacebo ebubi ekubhubhisa labamphofu ngemanga, ngisho nome sikhalo saloweswele sicotfo.

Isaya 58:1

Nkulunkulu utsi: “Kumemetele ngelivi lelikhulu, ungatibambi. Phakamisa livi lakho njengelicilongo. Tjela bantfu bami kuhlubuka kwabo, indlu yakaJakobe tono tayo.

Jeremiya 18:20

Kufanele yini kutsi lokuhle kukhokhelwe ngalokubi? Noko bangimbele umgodzi. Khumbula kutsi ngema embikwakho ngabancengela kuwe kutsi ngincandze lulaka lwakho kubo.

Jeremiya 18:22

Akuvakale kukhala emakhaya abo, ngesikhatsi nawutfumela bahlaseli kubo, ngobe bangimbele umgodzi wekungigcumukisela, bangibekele tingibe tekungigila.

Jeremiya 4:22

“Bantfu bami batilima, abangati. Babantfwana labangenangcondvo, abanako nekucondza. Babochwephesha ekwenteni lokubi, abakwati kwenta lokuhle.”

Jeremiya 9:8

Lulwimi lwabo lungumcibisholo lobulalanako, lukhuluma emanga odvwana. Ngulowo nalowo uncempheta ngalo kumakhelwane wakhe, kantsi ngenhlitiyo umbekela lugibe.

Mikha 6:10

Etindlini talababi kugcwele umcebo labawutfola ngebubi. Basebentisa tikali ngebucili, lekunguyonantfo lengiyitondzako.

Mikha 7:2

Kute nome munye umuntfu lowetsembekile losasele eveni, kute losetsembekile kuNkulunkulu. Wonkhe umuntfu ufunana nematfuba ekubulala. Wonkhe umuntfu utingelana newakubo.

Lukha 5:10

Kwaba ngiso sona leso nakuboJakobe naJohane, emadvodzana aZebedi. Jesu watsi kuSimoni: “Ungesabi, kusukela nyalo sewutawudweba bantfu.”