Jeremiya 5:21 - Siswati 1996 Bible

²¹ Lalelani naku, nine bantfu labatilima nalabangenangcondvo, labatsi banemehlo kodvwa babe bangaboni, labatsi banetindlebe kodvwa babe bangeva:

Jeremiya 5:21 Referencias Cruzadas

Tihlabelelo 94:8

Caphelani nine leninenhloko lelukhuni, emkhatsini wesive. Nine tilima, niyawuhlakanipha nini?

Taga 17:16

Silima singayicitsa imali sitsenge tifundvo tenhlakanipho; kodvwa kutawusitani nangabe singenangcondvo?

Isaya 27:11

Kuyawutsi emagala akhona nasomile, ephulwe, kufike bafati bawatfote, bayekuwabasa. Ngobe lesi sive lesingeva emadlebeni, ngako, uMenti waso akasenamunyu ngaso, uMdali waso akasenasihawu ngaso.

Isaya 43:8

Letsani labo labanemehlo kodvwa babe batimphumphutse, labo labanetindlebe kodvwa babe batihhulu.

Isaya 44:18

Abati lutfo, abacondzi lutfo; emehlo abo abhadziwe, kuze bangetiwubona, netingcondvo tabo tivaliwe, khona bangetiwucondzisisa.

Jeremiya 10:8

Tonkhe atinangcondvo tetfwele bulima, tifundziswa tithico letingenamsebenti tetigodvo.

Jeremiya 4:22

“Bantfu bami batilima, abangati. Babantfwana labangenangcondvo, abanako nekucondza. Babochwephesha ekwenteni lokubi, abakwati kwenta lokuhle.”

Jeremiya 5:20

“Memetelani loku endlini yaJakobe, nikumemetele nakaJuda nitsi:

Jeremiya 5:4

Ngacabanga ngatsi: “Laba ngulabamphofu bodvwa, batilima, ngobe abayati indlela yaSimakadze, imiyalo lefunwa nguNkulunkulu wabo, kubo.

Jeremiya 6:10

Ngubani nje lengingakhuluma kuye ngimecwayise? Ngubani lotangilalela? Tindlebe tabo tivalekile, kuze bangetikuva. Livi laSimakadze lisikhubekiso kubo, abajabuli ngalo.

Jeremiya 7:13

Ngesikhatsi nenta tonkhe letintfo, bengikhuluma kini njalonjalo ngaletintfo, kodvwa anikangilaleli; nginibitile, kodvwa anikasabeli, kusho Simakadze.

Jeremiya 8:7

Ngisho nagilonki esibhakabhakeni uyatati tikhatsi takhe letimisiwe, nelituba, nenkonjane, nadvoye, kuyatigcina tikhatsi tako tekuhamba, kodvwa sive sami asitati timiso taSimakadze.

Hezekeli 12:2

“Ndvodzana yemuntfu, uhlala emkhatsini wesive lesihlubukako. Banemehlo ekubona kodvwa ababoni, banetindlebe tekuva kodvwa abeva, ngobe basive lesihlubukako.

Hoseya 7:11

“Efrayimu ufanana nelituba, usheshe ayengeke, akanangcondvo. Bacela lusito eGibhithe, baze babalekele e-Asiriya!

Zakhariya 7:11

“Kodvwa bala kulalela, bavuka inkhani bafulatsela, bavala tindlebe tabo.

Makho 4:12

kuze kutsi: “ ‘Nome babona, bangakhanyelwa kahle, nome beva, bangacacelwa kahle, bangetiwuphendvuka babuyele kuNkulunkulu, batsetselelwe tono tabo.’ ”

Makho 8:18

Naloku ninemehlo kaniboni? Nangetindlebe kaniva? Anisakhumbuli?

Johane 12:40

“Nkulunkulu sewuphumphutsekise emehlo abo, netingcondvo tabo sewutivalile, kuze emehlo abo angaboni, netingcondvo tabo tingacondzisisi, bangabe baseta kimi, kuze ngitebaphilisa, kusho iNkhosi.”

Imisebenti yebaPhostoli 28:26

watsi: “ ‘Hamba utsi kulesive: Ngekuva niyakuva ningete nevisisa, ngekubuka niyawubuka ningete nabona,

KubaseRoma 1:20

Kusukela ekudalweni kwemhlaba nemkhatsi emandla akhe laphakadze nebuNkulunkulu bakhe bebufihlekile emehlweni ebantfu; noko bebukhona etingcondvweni kutsi bubonakale etintfweni latentile. Ngako-ke bate taba;

KubaseRoma 11:8

njengobe kubhaliwe kutsi: “Nkulunkulu wabanika umoya webulima, nemehlo ekungaboni, netindlebe tekungeva, kuze kube ngulamuhla.”

Dutheronomi 29:3

Natibonela nine ngewenu emehlo leto tivivinyo letinkhulu netibonakaliso letinkhulu netimangaliso;

Dutheronomi 29:4

kodvwa kuze kube ngulamuhla Simakadze akakaniniki ingcondvo lecondzako nemehlo labonako nome tindlebe letivako.

Dutheronomi 32:6

Kungabe lena nguyona ndlela yini lenibonga ngayo kuSimakadze, nine sive lesilibele nalesingakahlakaniphi? Akusiyena yini longuyihlo, uMdali wenu, lowo lowanenta wanibumba?