Jeremiya 5:10 - Siswati 1996 Bible

¹⁰ “Dzabula tivini taso utone, kodvwa ungatibhubhisi tiphele titsi nya. Waphundle emagala ato, ngobe labantfu abasibo baSimakadze.

Jeremiya 5:10 Referencias Cruzadas

2 Tikhronike 12:4

Watfumba lamadolobha akaJuda latinqaba, waze wefika eJerusalema.

2 Tikhronike 36:17

Simakadze wabavusela inkhosi yaseBhabhulona leyafike yabulala onkhe emajaha abo ngenkemba, iwabulalela endzaweni lengcwele, ingashiyi lutfo loluselusha labadvuna nalabasikati nome talukati nemakhehla. Nkulunkulu wabaniketela bonkhe kuNebukhadnezari.

Jeremiya 2:21

Bengikuhlanyele njengemvini welikhetselo, weluhlobo lolucinile nalolwetsembekile. Pho, ungigucukele kanjani lokutsi bese uba ngumvini lokhohlakele longewesiganga?

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 30:11

Nginawe, futsi ngiyawukusindzisa. Noko ngiyatibhubhisa ngiticedze tonkhe letinye tive, lebengikusakatele kuto, kodvwa wena ngingeke ngikubhubhise ngikucedze. Ngiyawukujezisa ngikucondzise noko ngekwehlulela ngebucotfo bemtsetfo, ngingeke ngikuyekele uhambe nje ungasashaywa nawonile,’ kusho Simakadze.

Jeremiya 39:8

BaseBhabhulona basilumeka ngemlilo sigodlo senkhosi kanye netindlu tebantfu; babhidlita netibondza taseJerusalema.

Jeremiya 4:27

Naku lokushiwo nguSimakadze, utsi: “Live lonkhe litawuphundleka, noko ngingeke ngilibhubhise liphele nya.

Jeremiya 46:28

Ungesabi, wena Jakobe, nceku yami, ngobe nginawe,” kusho Simakadze. “Noko, nome ngitibhubhisa ngiticedza tonkhe tive, lapho ngikucoshele khona, wena angiyiwukubhubhisa ngikucedze. Ngiyawukujezisa nje kuphela, nako loko ngikwente ngalokufanele umtsetfo, ngobe ngingeke ngikuyekele nje ngingakushayi.”

Jeremiya 5:11

Indlu yaka-Israyeli nendlu yakaJuda betingaketsembeki nakancane nje kimi,” kusho Simakadze.

Jeremiya 5:18

Simakadze utsi: “Noko ngisho nakulawo malanga ngingeke nginibhubhise nginicedze.

Jeremiya 5:9

Akukafaneli yini kutsi ngibajezise ngaloko?” kusho Simakadze. “Akukafaneli yini ngitenanele mine kulesive lesifanana nalesi?

Hezekeli 12:16

Kodvwa ngiyawubaphephisa labambalwa babo enkembeni, nasendlaleni kanye nasesifweni lesibulalanako, kuze kutsi kuleto tive lapho baya khona bativume tonkhe tento tabo letimbi letisinengiso. Ngulapho-ke bayawungati khona kutsi mine nginguSimakadze.”

Hezekeli 14:17

“Nome kube bengingaletsa inkemba ngitewumelana nalelo live ngitsi: ‘Lenkemba ayidzabule kulo lonkhe lelo live,’ ngibulale bantfu balo netilwane talo,

Hoseya 1:9

Simakadze wase utsi: “Lendvodzana yetse libito utsi nguLo Ami, ngobe anisiso sive sami, nami futsi angisiye Nkulunkulu wenu.”

Amose 9:8

Naku-ke lokushiwo nguSimakadze, utsi: “Ngempela emehlo eNkhosi Simakadze asetikwawo wonkhe lowo mbuso lowonako. Ngiyakuwubhubhisa ungabikho ebusweni bemhlaba, noko ngingeke ngiyibhubhise yonkhe indlu yakaJakobe.

Matewu 22:7

Inkhosi yatfukutsela kakhulu, yaze yakhipha imphi yemasotja leyafike yabulala bonkhe labo babulali, yashisa nelidolobha labo.