Jeremiya 49:7 - Siswati 1996 Bible

⁷ Macondzana ne-Edomu: Naku lokushiwo nguSimakadze longuSomandla, utsi: “Sekwabate yini kuhlakanipha eThemani? Setaphela yini teluleko kulabahlakaniphile? Kuhlakanipha kwabo sekwabola yini?

Jeremiya 49:7 Referencias Cruzadas

Genesisi 25:30

Esawu watsi kuJakobe: “Maye, ngilambile! Ngicela sewumane ungiphe lesiphuphe.” Ngako-ke libito lakhe kwatsiwa ngu-Edomu.

Genesisi 27:41

Esawu wamtondza Jakobe ngenca yesibusiso labesitsatse kuyise, wadzimate watsi enhlitiyweni yakhe: “Emalanga ekulilela babe asayasondzela, emvakwawo Jakobe, umnaketfu, ngitambulala.”

Genesisi 32:3

Jakobe watfumela tigijimi ku-Esawu umnakabo, eveni laseSeyiri, kulaka-Edomu.

Genesisi 36:11

Emadvodzana a-Elifazi bekubo-Themani, na-Omari, naSefo, naGatamu, naKhenazi.

Genesisi 36:15

Nati-ke tive letadzabuka ku-Esawu. Emadvodzana a-Elifazi, litubulo la-Esawu, bekutikhulu bo-Themani, na-Omari, saSefo, naKhenazi,

Genesisi 36:34

Kwatsi kube kufe Jobabi, kwase kubekwa Hushamu welive lemaThemani.

Genesisi 36:8

Ngako-ke Esawu, labekatiwa ngekutsi ngu-Edomu, wahlala eveni letintsaba eSeyiri.

1 Tikhronike 1:53

naKhenazi, naThemani, naMibsari,

Jobe 2:11

Kwatsi kube bakuve konkhe loko lobekumehlele Jobe, bangani bakhe labatsatfu bo-Elifazi, umThemani, naBildadi, umShuhi, kanye naSofari, umNama, besuka emakhaya abo bahlangana bacondza kuJobe, bayakumlilela nekumdvudvuta.

Jobe 4:1

Elifazi, umThemani, waphendvula watsi:

Tihlabelelo 137:7

Khumbula, Simakadze, lokwentiwa ngema-Edomu mzukwana kutfunjwa iJerusalema. Khumbula kutsi bakusho kanjani kutsi: “Yibhidliteni! Yibhidliteni iphele nya!”

Isaya 21:11

Leli livi lesembulo lelimacondzana neDuma lelitsi: Kukhona longimemetako kaSeyiri, utsi: “Mlindzi, sekusele kangakanani kutsi kuse? Mlindzi, sekusele kangakanani kutsi kuse?”

Isaya 29:14

Ngako-ke ngisetawuphindze ngibamangalise labantfu ngetigigaba etikwetigigaba. Inhlakanipho yetihlakaniphi tabo itawuphela, kukhalipha kwemcondvo kwalabanengcondvo lekhaliphile kutawuphela.”

Jeremiya 12:14

Naku-ke lokushiwo nguSimakadze, utsi: “Bonkhe labomakhelwane bami labakhohlakele labatsatsa ngendlovuyangena lifa lami lengalipha sive sami, ema-Israyeli, ngitabazuphuna kulamave abo, ngiphindze ngizuphune nendlu yakaJuda emkhatsini wabo.

Jeremiya 18:18

Batsi: “Wotani sente lisu ngaJeremiya, ngobe imfundziso yemtsetfo lefundziswa baphristi ngeke ize iphele, naleteluleko tetihlakaniphi, nalelivi leliphuma kubaphrofethi. Ngako buyani simhlasele ngemagama etfu, singayinaki yonkhe lentfo layishoko.”

Jeremiya 25:21

bonkhe baka-Edomu, nebakaMowabi, nebaka-Amoni;

Jeremiya 25:23

iDedani, neThema, neBuze, nabo bonkhe labasetindzaweni letikhashane;

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 49:20

Ngako-ke, vanini losekulungiswe nguSimakadze engcondvweni yakhe nge-Edomu, loko lasatimisele kukwenta kulabo labahlala eThemani: Ematfole emhlambi ayawuhudvulwa, uyakuwabhubhisa awacedze emadlelo abo ngenca yabo.

Jeremiya 8:9

Labahlakaniphile bayawuhlazeka; bayawujabhiswa, babhajwe elugibeni. Njengobe balilahlile livi laSimakadze nje, banakuphi-ke kuhlakanipha?

Sililo 4:21

Awu, Ndvodzakati yase-Edomu, jabula utsakase, wena lohlala eveni lase-Usi. Kodvwa nakuwe itakwendluliselwa lendzebe, uyawudzakwa uhlutjulwe ube ngcunu.

Hezekeli 32:29

“I-Edomu ilapho, emakhosi ayo nato tonkhe tiphatsimandla tayo; nome babenemandla, noko balaliswe kanye nalababulewe ngenkemba nalabo labangakasokwa, kanye nalabo labehlela emgodzini.

Danyela 11:41

Iyawubuye ingenele nelive lelihle. Emave lamanyenti ayakuwa, kodvwa bo-Edomu neMowabi, kanye nebaholi baka-Amoni bayawukhululwa esandleni sayo.

Joweli 3:19

Kodvwa iGibhithe iyawuphundleka ibe lihlane, i-Edomu ibe lihlane lelingenalutfo, ngenca yebudlova lobentiwe esiveni sakaJuda, eveni labacitsa kulo ingati lengenacala.

Habakhuki 3:3

Nkulunkulu uchamuka eThemani, Longcwele wesuka eNtsabeni iPharani. Cabanga. Inkhatimulo yakhe isibekela emazulu, ludvumo lwakhe lugcwalisa umhlaba.

Dutheronomi 23:7

“Ningamtondzi um-Edomu, ngobe ungumnakenu. Ningamtondzi umGibhithe, ngobe nani nake nahlala nitihambi eveni lakubo.