Jeremiya 49:37 - Siswati 1996 Bible

³⁷ Ngiyakwenta i-Elamu kutsi iphele emandla embikwetitsa tayo, emehlweni alabo labatfungatsa timphilo tayo. Ngiyakwehlisela sigemegeme etikwabo, yebo, ngisho nekutfukutsela kwami lokwesabekako,” kusho Simakadze. “Ngiyawubacosha ngenkemba, ngidzimate ngibabhubhise ngibacedze.

Jeremiya 49:37 Referencias Cruzadas

Jeremiya 30:24

Lulaka lolwesabekako lwaSimakadze lungeke luncandzeke, aze asiphumelelise ngalokuphelele sifiso lesisenhlitiyweni yakhe. Loku niyawukucondza kahle ngemalanga letako.

Jeremiya 48:2

IMowabi ayisayiwuphindza idvunyiswe; eHeshboni emadvodza ayawuyakhela emasu ekuyiwisa atsi: ‘Buyani sitewusicedza lesive, singaphindzi sibe sive.’ Nawe futsi wena Madmeni, uyawubindziswa, uyawuvalwa umlomo, uyawube ucoshwa yinkemba.

Jeremiya 48:39

“Maye kufabaka kwayo! Maye, bayalila bo! Hhawu, kushwebheta kwaMowabi sekuyindlisamahloni kuyo; Mowabi sewugucuke waba yintfo yekuhlekisa, waba yintfo nje yekwesabisa kubo bonkhe labakhelene naye.”

Jeremiya 49:22

Njengelusweti lwendlele timphiko talo uyawujubalata antjweze ehlele etikweBhosra. Ngalelo langa tinhlitiyo tetingwazi taka-Edomu tiyawuba njengenhlitiyo yemfati, nakaphetfwe ngumhelo.”

Jeremiya 49:24

IDamaseko seyibutsakatsaka, seyigucukele kubaleka, nekutfutfumela kuyibambile, kudzabuka kwenhlitiyo neminjunju kuyibambile, iminjunju lenjengeyemfati, nakaphetfwe ngumhelo.

Jeremiya 49:29

Emathende abo kanye nemihlambi yabo kuyawutsatfwa, nemadlangala abo ayakwetfwalwa atfunjwe nato tonkhe timphahla tabo nemakamela abo. Bantfu bayawumemeta kubo, batsi: ‘Tesabekiso yonkhe indzawo.’

Jeremiya 49:38

Ngiyawumisa sihlalo sami sebukhosi e-Elamu, ngibhubhise inkhosi yayo netiphatsimandla tayo,” kusho Simakadze.

Jeremiya 49:5

Ngitakwehlisela sesabiso etikwakho sichamuke kubo bonkhe lababomakhelwane bakho, nonkhe niyawudvungululwa nicoshwe, kute loyawubutsa lababalekile,” kusho Simakadze, Simakadze longuSomandla.

Jeremiya 50:36

“Kulengela inkemba etikwebaphrofethi bayo bemanga, bayawuba tilima. Inkemba ilengela etikwemabutfo ayo, agcwale kwesaba.

Jeremiya 6:19

Awu mhlaba, vani! Ngitakwehlisela inhlekelele kulesive, sitselo semacebo abo, ngobe abakawalaleli emavi ami, bawala nemtsetfo wami.

Jeremiya 9:15

Ngako-ke, naku lokushiwo nguSimakadze longuSomandla, Nkulunkulu wema-Israyeli, utsi: “Buka la, labantfu ngitabadlisa kudla lokubabako, ngibanatsise emanti lanashevu.

Jeremiya 9:16

Ngiyawubasakatela emkhatsini wetive labangazange sebatati, bona kanye naboyise, ngiyawubacosha ngenkemba ngize ngibacedze.”

Hezekeli 12:14

Ngiyawubasakatela emimoyeni, bonkhe labo labayisingatsile, tisebenti tayo nawo onkhe emabutfo ayo, ngiyawubacosha ngenkemba.

Hezekeli 32:23

Emathuna abo asekujuleni kwemgodzi, nemphi yayo ilala itungelete lithuna layo. Bonkhe labo lababange kutfutfumela eveni lalabaphilako bagwaziwe, balahlwa phansi ngenkemba.

Hezekeli 5:12

Incenye yesitsatfu yebantfu bakho, Jerusalema, itakufa ngesifo lesibulalanako, nome ibhujiswe yindlala ngekhatsi kwakho; incenye yesitsatfu itakufa ngenkemba ngaphandle kwetibondza takho; kutsi lenye incenye yesitsatfu isakateleke emimoyeni, ngiyicoshe ngenkemba leyeluliwe.

Hezekeli 5:2

Ngesikhatsi nakuphelela emalanga ekuvinjetelwa, shisa incenye yesitsatfu yaletinwele ngemlilo ekhatsi edolobheni. Tsatsa lenye incenye yesitsatfu uyisakate ngenkemba yonkhe indzawo edolobheni. Lencenye lenye yesitsatfu uyisakatele emoyeni. Ngobe ngitabacosha ngenkemba.

Levithikusi 26:33

Ngiyawunisakatela kuletinye tive, nginicoshe ngenkemba yami. Live lenu liyawuphundleka nemadolobha enu abe tindzala.