Jeremiya 49:31 - Siswati 1996 Bible

³¹ “Sukumani nihlasele lesive lesikhibikile, lesihleti ngesibindzi, sive lesingenamasango lacinile, ngisho nemicabo. Bantfu baso bahlala ngabodvwa,” kusho Simakadze.

Jeremiya 49:31 Referencias Cruzadas

Tihlabelelo 123:4

Umphefumulo wetfu ukhatsele kakhulu kweyiwa ngulabanjingile, nakwedzelelwa ngulabatigabatisako.

Tihlabelelo 73:12

Lababi-ke banjalo, bakhomba ngalosekhatsi, bandzise ingcebo.

Isaya 32:11

Tfutfumelani, nine bafati labakhibikile; yesabani, nine madvodzakati lenitivela niphephile! Khumulani kwekwembatsa kwenu. Vunulani emasaka etinkhalo tenu.

Isaya 32:9

Nine bafati labakhibikile, sukumani nilalele kimi, nine madvodzakati lenitivela niphephile, lalelani naku lengitakusho!

Isaya 42:11

Lihlane nemadolobha alo akuphakamise emaphimbo ako; tabelo, lapho kuhlala khona bakaKhedari, atijabule. Bantfu baseSela abahlabele ngekujabula, abamemete baseticongweni tetintsaba.

Isaya 47:8

“Nyalo-ke, lalela, wena mtsandzi wekukhibika, wena lotibusa ngekuvikeleka kwakho, ucabange utsi: ‘Ngimi ngimi, futsi kute lomunye. Ngingeke ngize ngibe ngumfelokati, nome ngive kufelwa bantfwana.’

Jeremiya 48:11

“Mowabi abesaphumulile kusukela kwasebusheni bakhe, njengeliwayini lelisele emashiceni, lingakatfululwa kuloludziwo lafakwa kulolwa; akakayi ekudzingisweni. Ngako usanambitseka njengobe abenjalo, neliphunga lakhe alikagucuki.”

Hezekeli 30:9

“ ‘Ngalelo langa kuyawuphuma titfunywa kimi, tiphume ngemikhumbi tiyekwesabisa baseKushe, kuze baphelelwe kutamasa kwabo. Bayakwehlelwa kwesaba lokukhulu, mhlazana baseGibhithe behlelwa sehlakalo, ngobe ngempela siyawufika.

Hezekeli 38:11

Uyakutsi: “Ngitawungenela live lelitabelo talo tingakabiyelwa, ngiyawuhlasela sive lesinekuthula, sive lesingakacapheli lutfo, bonkhe bahlala ebaleni bangakavikeleki, abanamasango namicabo.

Hezekeli 39:6

Ngiyawutfumela umlilo kuMagogi, nakulabo labahlala bavikelekile emaveni lagudla lwandle, bayawukwati kutsi mine nginguSimakadze.

Mikha 7:14

Simakadze, bani ngumelusi wesive sakho losikhetsile. Nome bantfu bakho bahlala babodvwa ehlane, kodvwa batungeletwe live lelivundzile. Abasukume batondle emadlelweni laneluhlata lolunyenti, eBhashani nakaGileyadi, njengobe babenta kadzenidzeni.

Nahume 1:12

Naku lokushiwo nguSimakadze, utsi: “Nome ema-Asiriya anemandla futsi amanyenti, ayakubhujiswa aphele. Nome senginihluphe nganishaya kangaka, nine maJuda, ngingeke ngisachubeka nekunihlupha.

Zefaniya 2:15

Leli lidolobha lelinganaki lutfo, lelaliphila liphephile. Latikhulumela lona, latsi: “Ngimi ngimi, kute futsi lelinye ngaphandle kwami.” Maye, imbhubhiso lese lingiyo, seliyindzawo yekubutsanela tilwane tesiganga! Bonkhe labendlula ngakulo bayalishalatelela, balihheletele ngetandla tabo.

Numeri 23:9

Ngiyababona loku ngilapha esicongweni sentsaba lesilidvwala. Yebo, ngiyababona loku ngilapha etulu ekuphakameni, ngibasinga umkhanya. Ngababona basive lesitihlalela sodvwa, sitehlukanise naletinye tive.

Dutheronomi 33:28

Ngako Israyeli uyawuhlala aphephile, umtfombo waJakobe uvikelekile, eveni lemabele neleliwayini lelisha, lapho emazulu ehlisela khona ematolo.