Jeremiya 48:44 - Siswati 1996 Bible

⁴⁴ “Wonkhe lobalekela sesabiso uyawuhholokoshela emgodzini. Wonkhe lokhuphukako emgodzini uyawubhajwa elugibeni; ngobe ngiyawehlisela etikwaMowabi umnyaka wakhe wesijeziso,” kusho Simakadze.

Jeremiya 48:44 Referencias Cruzadas

1 Emakhosi 19:17

Wonkhe lobalekela inkemba yaHazayeli uyakubulawa nguJehu, nalowo loyawubalekela inkemba yaJehu uyawubulawa ngu-Elisha.

1 Emakhosi 20:30

Lawa lamanye avele abalekela edolobheni lase-Afeki, lapho atsi nakefika khona, lubondza lwalelo dolobha lwadzilikela etikwalababeti-27 000 bawo. Bheni Hadadi wabalekela edolobheni, wafike wabhaca ekamelweni lelalingekhatsi endlini.

Isaya 10:3

Niyakwenta njani ngelilanga lekwehlulelwa, ngesikhatsi sehlakalo sichamuka khashane? Niyawubalekela kubani nicele lusito? Niyakuwushiya nabani lomcebo wenu?

Isaya 24:17

Kwesabisa, nemgodzi kanye nelugibe kulindzele nine, yebo, nine bantfu bemhlaba.

Isaya 24:18

Lowo lobalekela umsindvo wekwesabisa, uyakuhholokoshela emgodzini; lowo loyawukhuphuka kulomgodzi, uyawubanjwa lugibe. Tivalo temanti emazulwini tivuliwe, tisekelo temhlaba tiyanyikatiswa.

Jeremiya 10:15

Atinamsebenti walutfo, tintfo nje tekuhlekisa, kuyawutsi nakufika kwehlulelwa kwato, tibhubhe.

Jeremiya 11:23

Kute ngisho lencane insali leyawusala kubo, ngobe ngiyakwehlisela inhlekelele etikwemadvodza ase-Anathothi ngemnyaka wekujeziswa kwawo.”

Jeremiya 16:16

“Kodvwa nyalo sengitawutfumela badwebi babe banyenti, futsi batababamba baka-Israyeli. Emvakwaloko ngitawutfumela batingeli babe banyenti, batawubatingela yonkhe indzawo, ngisho nasetintsabeni, nasemagcumeni, nasemifantfwini yemadvwala,” kusho Simakadze.

Jeremiya 23:12

“Ngako-ke indlela yabo itawushelela, bayawutfunjelwa ebumnyameni, lapho bayawuwela khona. Ngiyakwehlisela inhlekelele etikwabo ngemnyaka labayawujeziswa ngawo,” kusho Simakadze.

Jeremiya 46:21

Emabutfo ayo lacashiwe anjengematfole londleke kahle eGibhithe. Nawo futsi atawuncandzeka abaleke kanyekanye, angeke ayimele lemphi, ngobe lilanga lawo lesehlakalo sawo seliwehlele, sikhatsi sawo sekutsi ajeziswe.

Jeremiya 49:8

Jikani nibaleke, bhacani emigedzeni leshonako, nine lenihlala eDedani, ngobe ngiyakwehlisela inhlekelele ka-Esawu, ngesikhatsi nangimjezisa.

Jeremiya 50:24

Ngakubekela lugibe, wena Bhabhulona, wavele wabhajwa ungakati ngalo, watfolakala, wabanjwa, ngobe wemelana naSimakadze.

Jeremiya 50:27

Bulalani tonkhe tinkunzi talo letisetincane: Tehliseleni ekuhlatjweni. Maye kubo! Ngobe lilanga selifikile, sikhatsi sabo sekutsi bajeziswe.

Jeremiya 51:18

Atinamsebenti walutfo, tintfo nje tekuhlekisa. Tiyawuphela mhlazana kufika kwehlulelwa kwato.

Jeremiya 8:12

Kantsi banawo yini emahloni ngalamanyala abo labawentako? Cha, bate nalamancane nje emahloni; abakwati ngisho nekukhophota. Ngako bayakuwela kulabawile, bayakwehliselwa phansi, nabajeziswako, kusho Simakadze.

Sililo 3:47

Sehlelwe kwesaba neluvalo, nemigodzi, kubhujiswa, nekucitfwa.”

Hoseya 9:7

Emalanga esijeziso ayeta, yebo emalanga emphindziselo asasondzele, Israyeli kufanele akwati loko. Njengobe tono tenu titinyenti kangaka nebutsa benu bubukhulu kangaka, umphrofethi sewutsatfwa njengesilima, umuntfu wesembulo atsatfwe njengeluhlanya.

Amose 5:19

Kuyawuba shangatsi ngumuntfu lobalekele libhubesi, wase utitsela etikwelibhele; kube shangatsi ngumuntfu longene endlini yakhe wabeka tandla takhe elubondzeni, kusuke inyoka imlume.

Mikha 7:4

Ngisho labancono babo nalabetsembeke kakhulu kunabo bonkhe abanamsebenti, bafana nelukhula. Selifikile lilanga lapho Nkulunkulu ayakujezisa bantfu, njengobe vele abebacwayisile ngebalindzi bakhe lababaphrofethi. Kwamanje sebadzidzekile.