Jeremiya 48:38 - Siswati 1996 Bible

³⁸ Kulo lonkhe luphahla lwakaMowabi nasetinkhundleni tesive kute lokunye ngaphandle kwesililo, ngobe sengiyephulile iMowabi njengeludziwo lolungafunwa ngumuntfu,” kusho Simakadze.

Jeremiya 48:38 Referencias Cruzadas

Tihlabelelo 2:9

ubaphahlate ngentfonga yensimbi, ubaphihlite njengeludziwo lwembumbi.”

Isaya 15:3

Etitaladini bembetse emasaka, bakhala etikwetindlu, bakhale nasetinkhundleni, etihlatsini tabo kugeleta tinyembeti.

Isaya 22:1

Leli livi lesembulo lelimacondzana neSigodzi Sembono lelitsi: Kwentiwa yini kutsi bonkhe bantfu bakho bakhwele baye etulu etingcongwaneni tetindlu?

Isaya 30:14

Lutawucetuka tincetu njengeludziwo loluphihlitwe ngelunya, kangangekutsi emkhatsini wetincetu talo ungeke sewutfole ngisho neludzengelo lwekubutsa emalahle etiko, nome nje lwekukhelela emanti emgodzini.”

Jeremiya 19:10

“Bese-ke ubhidlita loludziwo embikwalabo lotabe uhamba nabo bakubukile,

Jeremiya 19:11

utsi kubo: ‘Naku lokushiwo nguSimakadze longuSomandla, utsi: Ngitasibhidlita lesive kanye nalelidolobha njengaloludziwo lwalombumbi lolubhidlitiwe, futsi lolungasayiwuphindze luvusetelwe kabusha. Bayawungcwaba labafile babo eThofethi, bagcwale kuze kubete nendzawo yekubembela.

Jeremiya 22:28

Lendvodza lenguJehoyakhini iyedzeleleka yini, ilibhodo lelephukile yini, nome iyintfo lengafunwa ngumuntfu yini? Pho, yena nebantfwabakhe batawukhukhulelwani bakhishwe, bese balahlelwa eveni labangalati?

Jeremiya 25:34

Khalani nilile, nine belusi; gicikani elutfulini, nine baholi bemhlambi. Ngobe sikhatsi sekuhlatjwa kwenu sesifikile, niyakuwa niphihlike njengeludziwo loluhle.

Hoseya 8:8

Israyeli umitiwe, manje sewusemkhatsini wetive njengentfo lengenamsebenti.

Matewu 10:27

Loku lenginitjela kona lapha ekusitsekeni kukhulumeni ebaleni, naloku lenikuva etindlebeni kumemeteleni yonkhe indzawo.

Sembulo 2:27

“atibuse ngendvuku yensimbi, atiphihlite tidzimate tibe ticucu njengetincetu tembita leyakhiwe ngelibumba,”