Jeremiya 48:33 - Siswati 1996 Bible

³³ Kutsakasa nenjabulo sekusukile emahlatsini etitselo nasemasimini akaMowabi. Ngikumisile kugeleta kweliwayini ematjeni ekuhlutela, kute nalosawagcobagcoba ngekumemeta kwenjabulo. Nome-ke kukhona lokumemeta, kodvwa akusiko kwenjabulo.

Jeremiya 48:33 Referencias Cruzadas

Isaya 5:10

Sivini lesingalinywa tinkhabi letimbili ngemalanga lalishumi siyawuba nesivuno lesilibhasikidi linye nje lemagelebisi, nelisaka lenhlanyelo liyawuba nesivuno lesiyimbita yinye kuphela.”

Isaya 7:23

Ngalelo langa kuto tonkhe tindzawo lapho kwakunenkhulungwane yemivini leyayingabita tinhlavu letiyinkhulungwane tesiliva, sekuyakwena kube netitfwetfwe nemanyeva.

Isaya 9:3

Sewusandzisile sive, wandzisa nekujabula kwaso; siyajabula embikwakho njengebantfu bajatjuliswa sivuno, nanjengebantfu nabajatjuliswa kwaba imphango.

Joweli 1:16

Kudla akukapheli yini embikwetfu? Kujabula nekutfokota akukakhawuli yini endlini yaNkulunkulu wetfu?

Joweli 1:5

Phaphamani, nine tidzakwa, nikhale! Lilani nonkhe nine banatsi beliwayini, lilani ngenca yaleliwayini lelisha, ngobe selisusiwe emilonyeni yenu.

Amose 5:17

Kuyawuba khona kudzindza sililo kuto tonkhe tivini, ngobe ngiyakwendlula emkhatsini wenu nginijezise.”

Hagayi 2:16

Nakufika nome ngubani endvundvumeni yalokutinhlavu lokutilinganiso letingema-20, tatilishumi kuphela. Nangabe ngunome ngubani aye emphongolweni weliwayini atsi uyewukha tilinganiso letingema-50, betingema-20 kuphela.