Jeremiya 48:3 - Siswati 1996 Bible

³ Lalelani kukhala lokuvela eHoronayimu, kukhala kwemonakalo lomkhulu nekwembhubhiso.

Jeremiya 48:3 Referencias Cruzadas

Isaya 15:2

IDiboni seyenyukele ethempelini, endzaweni lephakeme yekukhontela, kuyawukhala. Sive sakaMowabi sikhalela iNebo neMedeba. Tonkhe tinhloko tihhuliwe, tonkhe tilevu tihhuliwe.

Isaya 15:5

Inhlitiyo yami ikhalela Mowabi, bantfu bakhe babaleka kuye bacondza eSowari, labanye bacondza e-Eglathi Shelishiya. Benyuka bahamba bakhala baya eLuhithi, bahamba ngemgwaco baya eHoronayimu, bakhaliswa kubhujiswa kwabo.

Isaya 15:8

Kulila kwabo kuhaza ngesheya kwemnyele wakaMowabi. Kukhala kwabo kuvakala e-Eglayimu, kulila kwabo kuvakale eBheri Elimu.

Isaya 22:4

Ngako-ke ngatsi: “Sukani lapha kimi, ase ngikhale kabuhlungu. Ningacali netame kungidvudvuta ngekubhujiswa kwesive sakitsi.”

Jeremiya 20:16

Lowo muntfu akafanane nemadolobha labhidlitwa nguSimakadze angasenasihawu nawo. Akeve sililo ekuseni, nenhlabamkhosi emini.

Jeremiya 47:2

Naku lokushiwo nguSimakadze, utsi: “Buka kutsi aqubuka kanjani emanti ngasenyakatfo, atakuba sikhukhula lesikhulu. Atawukhukhula lelive kanye nako konkhe lokukulo, emadolobha kanye nebantfu labahlala kuwo. Bantfu bayawukhala bumayemaye, bonkhe labahlala kulelive bayawulila,

Jeremiya 48:34

“Umsindvo wekukhala kwabo uyenyuka usuka eHeshboni uye e-Eleyale naseJahasi, kusukela eSowari kuze kuyewufika eHoronayimu nase-Eglathi Shelishiya, ngobe ngisho nemanti aseNimrimu asomile.

Jeremiya 48:4

IMowabi iyawubhidlitwa, tinswane tiyawukhala kabuhlungu.

Jeremiya 48:5

Bayakwenyuka ngendlela leya eLuhithi bahambe bakhihlita sililo lesibuhlungu; emgwacweni lobheke entansi eHoronayimu kuvakala kukhala kamunyu ngenca yalembhubhiso.

Jeremiya 51:54

“Umsindvo wekukhala uchamuka eBhabhulona, umsindvo wekubhubhisa lokukhulu uchamuka eveni lemaBhabhulona.