Jeremiya 48:27 - Siswati 1996 Bible

²⁷ Israyeli abengasiyo yini intfo yakho yekuhlekisa? Abebanjwe emkhatsini wemasela yini kwekutsi ungaze unikine inhloko uhlekise ngaye njalo nje, nawuphatsa libito lakhe?

Jeremiya 48:27 Referencias Cruzadas

Jobe 16:4

Nami kodvwa empeleni bengingakhuluma kanjalo, kube nine beningimi nami ngingini. Nami bengingakhuluma ngimelane nani ngemavi lamanyenti, ngininikinele inhloko.

Tihlabelelo 44:13

Usente saba yinhlekisa kubomakhelwane betfu, wasenta sihhala nakulabo labasihacile.

Tihlabelelo 64:8

Lulwimi lwabo luyawubabhubhisa, bonkhe labababonako bayawunikina tinhloko.

Tihlabelelo 79:4

Sesijike saba yinhlekisa kubomakhelwane betfu, bayasihaya bahlekisa ngatsi kulabakhelene natsi.

Jeremiya 18:16

Live labo liyawusala likhala libhungane, libe yintfo yekuba yinhlekisa; bonkhe labendlulako bayawumangala banikine tinhloko.

Jeremiya 2:26

“Njengobe lisela lihlazeka nase libanjiwe, kanjalo nendlu yaka-Israyeli ihlazekile, bona, nemakhosi abo, netindvuna tabo, nebaphristi babo kanye nebaphrofethi babo.

Sililo 1:12

“Akusho lutfo yini kini, nonkhe nine lenendlula ngendlela? Calatani ndzawo tonkhe nibone. Kukhona yini kuhlupheka lokufanana nekwami kuhlupheka lokwehliselwa kimi, kuhlupheka Simakadze langishaya ngako ngelilanga lekutfukutsela kwakhe lokwesabekako?

Sililo 1:7

Ngemalanga ekushaywa nekundzindza kwayo iJerusalema iwakhumbula onkhe emagugu ayo labengewayo ngemalanga akadzeni. Ngaleto tikhatsi bantfu bayo nabawela etandleni tetitsa, kwabate namunye labengayilamlela. Titsa tayo tayibuka, tayihleka bulima nayibhidlika.

Hezekeli 25:8

“Naku lokushiwo yiNkhosi Simakadze, itsi: ‘Njengobe boMowabi naSeyiri batsi: “Ase nibuke indlu yakaJuda seyigucuke yafanana nato tonkhe letinye tive,”

Hezekeli 35:15

Njengobe wajabula ngesikhatsi lifa lendlu yaka-Israyeli liba lihlane, nami-ke ngiyawukuphatsa kanjalo. Uyawuba lihlane, wena live letintsaba taseSeyiri, yebo, wena nalo lonkhe laka-Edomu. Ngulapho-ke bayawukwati khona kutsi mine nginguSimakadze.’ ”

Hezekeli 36:2

Naku lokushiwo yiNkhosi Simakadze, itsi: Sitsa sakhuluma ngani, satsi: “Hha! Ticongo takadzeni setilifa letfu.” ’

Hezekeli 36:4

ngako-ke vanini livi leNkhosi Simakadze, nine tintsaba taka-Israyeli: Naku lokushiwo yiNkhosi Simakadze, kuto tintsaba nemagcuma, nasemifudlaneni, nasetihosheni, nakuto tindzawo letidzilitiwe, nakumadolobha lasala akhala libhungane, laphangwa laphukutwa ngito tonkhe tive letisele letinitungeletile.

Zefaniya 2:10

Nguloku bakaMowabi nema-Amoni labayawukutfola kube ngumvuzo wekutigcabha kwabo, ngenca yekwetfuka nekuphukuta kwabo sive saSimakadze longuSomandla.

Zefaniya 2:8

“Ngitivile tinhlamba tebakaMowabi netibhinco tema-Amoni, labetfuka ngato sive sami basongela nelive laso.

Matewu 26:55

Ngaleso sikhatsi Jesu watsi eticukwini: “Bekudzingeke ngani kutsi nite netinkemba kanye netindvuku kutengibopha shangatsi ngisigebengu? Bengihleti nani ethempelini onkhe emalanga ngifundzisa, kodvwa anizange seningibophe.

Matewu 27:38

Kwase kubetselwa kanye naye tigebengu letimbili, lesinye ngesekudla, lesinye ngesancele.

Matewu 7:2

Ngobe ngaloko kwehlulela lenehlulela ngako labanye, nani niyakwehlulelwa ngako; nangaleso silinganiso lenilinganisa ngaso, nani niyakulinganiswa ngaso.