Jeremiya 48:13 - Siswati 1996 Bible

¹³ Ngako Mowabi uyawuba nemahloni ngaKhemoshi, sithico sakhe, njengobe nendlu yaka-Israyeli yaba nemahloni nase betsembela eBetheli.

Jeremiya 48:13 Referencias Cruzadas

1 Emakhosi 11:33

Ngitakwenta loku, ngobe bangishiyile mine, bakhonta bo-Ashtarothe, sithicokati semaSidoni, naKhemoshi, sithico semaMowabi, naMoloki, sithico sema-Amoni, bangete bahamba ngendlela yami, bangete bakwenta lokuhle emehlweni ami, bangete batigcina netimiso tami nemitsetfo yami njengaDavide, uyise waSolomoni.

1 Emakhosi 11:7

Entsabeni lengasemphumalanga neJerusalema Solomoni wakha indzawo lephakeme, wakhela Khemoshi, sithico semaMowabi lesisinengiso, wakhela naMoloki, sithico sema-Amoni lesisinengiso.

1 Emakhosi 18:40

Elija wakhuluma kubo, watsi: “Bambani labaphrofethi baBhali. Kungaphunyuli ngisho namunye wabo!” Babanjwa, Elija watsi abehliselwe emfudlaneni iKhishoni; babulawelwa khona lapho.

2 Tikhronike 25:15

Lulaka lwaSimakadze lwamvutsela Amasiya, Simakadze watfumela umphrofethi ku-Amasiya, wafike watsi: “Utifunelani letithico talabantfu letehluleke nekusindzisa bantfu bato esandleni sakho?”

Isaya 16:12

Ngesikhatsi bakaMowabi babonakala endzaweni yabo lephakeme bavele batigugise bona nje; ngesikhatsi bayewukhuleka kuletithico tabo, abasasitakali ngalutfo.

Isaya 2:20

Ngalelo langa bantfu bayawulahla tithico tabo emagundvwaneni nasemalulwaneni; yebo, tithico tabo tesiliva kanye netithico tabo tegolide, lababetentele kutikhonta.

Isaya 45:16

Bonkhe babumbi betithico bayawuhlaziswa, bahlazeke; bayawulahlwa badliwe ngemahloni kanyekanye.

Isaya 45:20

“Butsanani ndzawonye, nite; hlanganani, nine lenibaleke etiveni. Abati lutfo labo labetfwala tithico tetingodvo, bathandaze etithicweni letingeke tisindzise.

Jeremiya 48:12

Simakadze utsi: “Kodvwa ayeta emalanga, lapho ngiyawutfumela emadvodza latfululanako etindziweni, naye ayakumcitsa, ayawutfulula tindziwo takhe abhidlite letimbita takhe phansi.

Jeremiya 48:39

“Maye kufabaka kwayo! Maye, bayalila bo! Hhawu, kushwebheta kwaMowabi sekuyindlisamahloni kuyo; Mowabi sewugucuke waba yintfo yekuhlekisa, waba yintfo nje yekwesabisa kubo bonkhe labakhelene naye.”

Jeremiya 48:46

Maye kuwe, wena Mowabi! Bantfu bakaKhemoshi babhujisiwe; emadvodzana akakho adzingisiwe, nemadvodzakati akho ayiswa ekutfunjweni.

Jeremiya 48:7

Njengobe netsembele etentweni tenu nasebunjingeni benu, nani niyawutsatfwa niyiswe ekutfunjweni, naKhemoshi, sithico senu, uyawuyiswa ekudzingisweni kanye nebaphristi bakhe netindvuna takhe.

Tikhulu 11:24

Ungete wamane ulidle kuphela lelo lonikwa lona ngunkulunkulu wakho longuKhemoshi? Ngalokunjalo natsi sitalidla lelo lesilinikwa nguSimakadze Nkulunkulu wetfu, kube letfu.