Jeremiya 48:11 - Siswati 1996 Bible

¹¹ “Mowabi abesaphumulile kusukela kwasebusheni bakhe, njengeliwayini lelisele emashiceni, lingakatfululwa kuloludziwo lafakwa kulolwa; akakayi ekudzingisweni. Ngako usanambitseka njengobe abenjalo, neliphunga lakhe alikagucuki.”

Jeremiya 48:11 Referencias Cruzadas

Tihlabelelo 123:4

Umphefumulo wetfu ukhatsele kakhulu kweyiwa ngulabanjingile, nakwedzelelwa ngulabatigabatisako.

Tihlabelelo 55:19

Nkulunkulu utangiva, angiphindzisele kubo, yena lokhona phakadze. Cabanga. Labantfu abaphendvuki, abamesabi ngisho naNkulunkulu.

Taga 1:32

Labate lwati babulawa kweduka kwabo; tilima tibulawa kweneliseka kwato.

Isaya 16:6

Sivile ngekutiphakamisa kwebakaMowabi, nangekuchosha kwabo lokukhulu nekutigcabha kwabo, nangekutigabatisa kwabo, nekucolosha kwabo; noko kutishaya sifuba kwabo kulite.

Isaya 24:3

Umhlaba utawubhidlitwa ube lite, uphangwe nekuphangwa. Simakadze ulikhulumile lelivi.

Isaya 25:6

Kulentsaba Simakadze longuSomandla utakwentela bantfu bonkhe lidzili lalokukhuluphele, lelimnandzi, yebo, lidzili leliwayini lelidzala lakadzeni, inyama lenhle kakhulu, netinhlobo letimnandzi teliwayini.

Jeremiya 22:21

Ngakwecwayisa ngesikhatsi usativela uphephile, kodvwa wena watsi: ‘Ngingeke ngilalele!’ Lena bekunguyona ndlela yakho kusukela kwasebusheni bakho, awuzange ungilalele.

Jeremiya 48:12

Simakadze utsi: “Kodvwa ayeta emalanga, lapho ngiyawutfumela emadvodza latfululanako etindziweni, naye ayakumcitsa, ayawutfulula tindziwo takhe abhidlite letimbita takhe phansi.

Jeremiya 48:29

Sivile ngekutigabatisa kwaMowabi, kutigcabha kwakhe lokukhulu, nangelicholo lakhe, ligcabho lakhe, nekutiphakamisa kanye nekutikhukhumeta kwenhlitiyo yakhe.

Jeremiya 51:34

“Usidlile Nebukhadnezari, inkhosi yaseBhabhulona, wasicedza, wasenta saba ludziwo lolungenalutfo. Njenganyokangwenya usigwinyile, wagcwalisa sisu sakhe ngebumnandzi betfu, wabuya wasihlanta.

Nahume 2:10

INineve seyiyabhujiswa, iphangiwe, ihlutjuliwe. Tinhlitiyo tiyancibilika, emadvolo ayaceka, imitimba iyatfutfumela, bonkhe buso buyaphaphatseka.

Nahume 2:2

Simakadze utawubuyisela ludvumo lwakaJakobe njengeludvumo lwaka-Israyeli, nome nje babhubhisi sebabacekele phansi babhubhisa netihlahla tabo temagelebisi.

Zefaniya 1:12

“Ngaleso sikhatsi ngiyakuyiphenya ngetibane iJerusalema, ngijezise labo labatesutsisako, labafanana neliwayini lelisele emashiceni alo, bacabange batsi: ‘Simakadze angeke ente lutfo, loluhle nome lolubi.’

Zakhariya 1:15

Bengingakatfukutseli kangaka, kodvwa tive letitibona kutsi tiphephile setengete kulenhlekelele, tangitfukutselisa kakhulu.’