Jeremiya 47:3 - Siswati 1996 Bible

³ nabeva umsindvo wetinselo temahhashi akhe, nebukhehlekhehle betincola takhe temphi, nemsindvo wemasondvo ato. Boyise bangeke baphendvuke babasite bantfwababo, ngobe tandla tabo tiyawulenga.

Jeremiya 47:3 Referencias Cruzadas

Isaya 5:28

imicibisholo yabo iyakhalipha, bonkhe butjoki babo sebugotjiwe, tinselo temahhashi abo tilukhuni njengematje, emasondvo etincola tabo temphi afanana nesiwunguwungwana semoya.

Jeremiya 46:9

Awu, subatsani, mahhashi! Nani bagibeli betincola, tigijimiseni, kube shangatsi senitinhlanya! Hlaselani, nani tingwazi: Nine madvodza aseKushe newasePhuthi, lenibambe emahawu, nani madvodza aseLidiya lajijimeta ngebutjoki.

Jeremiya 50:42

Bahlome ngebutjoki nangetikhali; bavutsa lulaka, abanamusa. Bevakala njengekudvuma kwelwandle sebagibele emahhashini abo; beta ngeticheme temabutfo emphi, bete kutawuhlasela wena, Ndvodzakati yaseBhabhulona.

Jeremiya 8:16

Kuthimula kwemahhashi etitsa kuyevakala kuvela kulakaDani, kukhala kwetinjomane tabo kutfutfumelisa lonkhe live. Tifikele kutawushwabudzela live nako konkhe lokukulo, lidolobha kanye nabo bonkhe labahlala kulo.”

Hezekeli 23:24

Bayakuta batekumelana nawe ngetikhali, nangetincola temphi, nangetinkalishi, nesicumbi sebantfu; bayawutsatsa tindzawo tabo bamelane nawe yonkhe indzawo ngemahawu lamakhulu nalamancane, bafake timphantitje enhloko. Ngiyawukunikela kubo kutsi bakujezise, futsi bayakukujezisa njengekwehlulela kwabo.

Nahume 2:4

Tincola tawo temphi tijubalata etitaladini, tehla tiyenyuka nelidolobha. Tifanana netidlwane letivutsako, tigijime, tiklwebhe njengembane.

Nahume 2:8

Njengesitiba semanti, injalo neNineve; bantfu bayo bayabaleka kuyo, banjengemanti lageleta esuka esitibeni sawo. Bamemeta batsi: “Manini! Manini!” Kodvwa kute ngisho namunye lobanakako.

Sembulo 9:9

Esifubeni sasinetivikelo tesifuba tensimbi, imisindvo yetimphiko taso yayifanana nemdvumo wetincola temphi letinyenti tidvonswa ngemahhashi, lagijimela ekulweni.

Tikhulu 5:22

“Kwadvuma tigi tetinselo temahhashi. Gidzidzidzi! Gidzidzidzi! Aholobha emahhashi akhe lanemandla!