Jeremiya 47:2 - Siswati 1996 Bible

² Naku lokushiwo nguSimakadze, utsi: “Buka kutsi aqubuka kanjani emanti ngasenyakatfo, atakuba sikhukhula lesikhulu. Atawukhukhula lelive kanye nako konkhe lokukulo, emadolobha kanye nebantfu labahlala kuwo. Bantfu bayawukhala bumayemaye, bonkhe labahlala kulelive bayawulila,

Jeremiya 47:2 Referencias Cruzadas

Tihlabelelo 24:1

Umhlaba nako konkhe lokukuwo kwaSimakadze, emave kanye nabo bonkhe labahlala kuwo kwakhe,

Tihlabelelo 50:12

“Kube bengilambile, bengingeke nginitjele, ngobe umhlaba nako konkhe lokukuwo kwami.

Tihlabelelo 96:11

Jabulani mazulu, tsakasa nawe mhlaba, kubhodle lwandle nako konkhe lokukulo.

Tihlabelelo 98:7

Akubhodle lwandle, nako konkhe lokukulo. Akubhodle umhlaba nalabahlala kuwo!

Isaya 14:31

“Awu, sango, lila! Awu, dolobha, hhewula! Ttutfumela, wena Filistiya! Ngobe emabutfo emphi lenemandla ayeta, aphuma ngasenyakatfo; ate ngisho nome linye lisotja leliligwala.

Isaya 15:8

Kulila kwabo kuhaza ngesheya kwemnyele wakaMowabi. Kukhala kwabo kuvakala e-Eglayimu, kulila kwabo kuvakale eBheri Elimu.

Isaya 22:1

Leli livi lesembulo lelimacondzana neSigodzi Sembono lelitsi: Kwentiwa yini kutsi bonkhe bantfu bakho bakhwele baye etulu etingcongwaneni tetindlu?

Isaya 28:17

Ngitakwenta kwehlulela ngekwemtsetfocotfo kube ngumugca wekulinganisa, nekulunga kube ngumugca wekucondzisa, sangcotfo siyawuhlwitsa lesiphephelo senu lesingemanga, nesikhukhula semanti siyakwemukisa lendzawo yenu yekubhaca.

Isaya 59:19

Kusukela enshonalanga kuye lapho kuphuma ngakhona lilanga, bantfu bayawulesaba Libito laSimakadze, bahloniphe bukhosi bakhe. Ngobe uyawufika njengesikhukhula semfula lokhukhulwa kuphefumula kwaSimakadze.

Jeremiya 1:14

Simakadze wakhuluma kimi, watsi: “Kusukela ngasenyakatfo kutawutfululwa inhlekelele, itseleke kubo bonkhe labahlala kulelive.

Jeremiya 46:12

Tive tiyawuva ngelihlazo lakho, kukhala kwakho kuyawugcwalisa wonkhe umhlaba. Ingwazi lenye iyawugilwa ngulenye, tikhubatele tiwe tonkhe kanyekanye.”

Jeremiya 46:13

Lona ngumlayeto Simakadze lawutjela Jeremiya, umphrofethi, ngekuta kwaNebukhadnezari, inkhosi yaseBhabhulona, kutawuhlasela iGibhithe, watsi:

Jeremiya 46:20

“IGibhithe ilitfokati lelihle kakhulu, kodvwa siyeta sibawu lesitayihlasela, sita sichamuka enyakatfo.

Jeremiya 46:24

“INdvodzakati yaseGibhithe iyawuhlazeka, inikelwe kubantfu basenyakatfo.”

Jeremiya 48:39

“Maye kufabaka kwayo! Maye, bayalila bo! Hhawu, kushwebheta kwaMowabi sekuyindlisamahloni kuyo; Mowabi sewugucuke waba yintfo yekuhlekisa, waba yintfo nje yekwesabisa kubo bonkhe labakhelene naye.”

Jeremiya 6:22

Naku lokushiwo nguSimakadze, utsi: “Buka, kuta imphi, lechamuka eveni langasenyakatfo, sive lesikhulu sichukulutiwe, sisukela emikhawulweni yemhlaba.

Jeremiya 8:16

Kuthimula kwemahhashi etitsa kuyevakala kuvela kulakaDani, kukhala kwetinjomane tabo kutfutfumelisa lonkhe live. Tifikele kutawushwabudzela live nako konkhe lokukulo, lidolobha kanye nabo bonkhe labahlala kulo.”

Danyela 11:22

Sikhukhula semphi lenkhulu siyawukhukhuleka sisuswe embikwakhe; kokubili, imphi kanye nesikhulu sesivumelwane, kuyawubhujiswa.

Nahume 1:8

Ngesikhukhula lesinemandla baseNineve labaphambene naye uyawubacedza, abacoshe baye ebumnyameni.

1 kubaseKorinthe 10:26

Ngobe umBhalo utsi: “Umhlaba nako konkhe lokukuwo kweNkhosi.”

1 kubaseKorinthe 10:28

Kepha nangabe lomunye atsi kini: “Loku kuhlatjelwe tithico,” ningakudli, ngenca yakhe, nangenca yanembeza.

YaJakobe 5:1

Nine-ke tinjinga, lalelani emavi ami. Khalani, nilile ngenca yetinhlupheko letitawunehlela.

Sembulo 17:1

Lenye ingilosi kuleti letisikhombisa letatinetitja letisikhombisa yeta kimi, yefike yatsi: “Kota, ngitekukhombisa kwehlulelwa kwalengwadla leyatiwa kakhulu, lehleti emantini lamanyenti.

Sembulo 17:15

Lengilosi yase itsi kimi: “Lamanti lowabonile, lapho kuhleti khona lengwadla, abantfu, nemindeni, netive, netilimi ngetilimi.