Jeremiya 47:1 - Siswati 1996 Bible

¹ Leli livi laSimakadze lelefika kuJeremiya umphrofethi, macondzana nemaFilisti, Faro asengakayihlaseli iGaza, litsi:

Jeremiya 47:1 Referencias Cruzadas

Genesisi 10:19

kangangekutsi umnyele welive lemaKhenani wawusuka eSidoni ushaye eGerari, naseGaza, naseSodoma, naseGomora, nase-Adma, naseSeboyimu uze ufike eLasha.

1 Emakhosi 4:24

Wabusa yonkhe imibuso leyayingasenshonalanga kwemfula iYufrathe, kusukela eThifsa kuye eGaza, ahlalisene ngekuthula nato tonkhe tive letatimtungeletile.

Isaya 14:29

“Ningajabuli, nine nonkhe maFilisti, ngobe nitsi lendvuku leyanishaya seyephukile; nanjengobe lokumila kusuka emphandzeni bese kutsela titselo, kanjalo nasenyokeni kuyawuvela libululu lelinesihlungu kabi.

Jeremiya 25:20

nabo bonkhe bantfu betive labalapho; onkhe emakhosi ase-Usi; onkhe emakhosi emaFilisti e-Ashkeloni, nase-Gaza, nase-Ekroni, nebantfu labasele e-Ashdodi;

Hezekeli 25:15

“Naku lokushiwo yiNkhosi Simakadze, itsi: ‘Njengobe emaFilisti enta imphindziselo, akhipha sibhongo ngebubi lobusetinhlitiyweni tawo, nangenzondo yakadzeni leyayicondze kubhubhisa Juda,

Hezekeli 25:16

ngako-ke, naku lokushiwo yiNkhosi Simakadze, itsi: Sekusedvute kutsi ngelule sandla sami ngimelane nemaFilisti, ngitawacedza emaKherethi, ngiwabhubhise lawo lasesele kugudla lwandle.

Joweli 3:4

“Pho, yini leniphambane ngayo nami, nine Thire neSidoni kanye nani nonkhe nine tifundza taseFilistiya? Kungabe nikhokha sibhongobhongo ngalengikwentile yini? Nangabe nikhokha sibhongobhongo, ngekushesha nangekuphatima kweliso, ngitawubuyisela etikwetinhloko tenu loko lenikwentile.