Jeremiya 46:5 - Siswati 1996 Bible

⁵ Kodvwa ngabe ngibonani? Bayesaba, bayakhwesha, emabutfo abo ayehlulwa. Bagijima bashiya inyosi, bayabaleka, abasabuki ngisho nasemuva, futsi sekunekwesabeka neluvalo yonkhe indzawo,” kusho Simakadze.

Jeremiya 46:5 Referencias Cruzadas

Genesisi 19:17

Atsi kube abakhiphele ngaphandle, lomunye wawo watsi: “Balekani nitewusindza! Ningasabuki nasemuva, ningemi ndzawo kulelitsafa. Balekani nicondze ngasetintsabeni, ningahle nehlelwe ngulesijeziso.”

Isaya 13:8

kutfutfumela kubabambe, tinhlungu nekucacamba kubantfonye, bajilajileke njengemfati aphetfwe ngumhelo. Bayawubukana ngekumangala, buso babo buvutse emalangabi.

Isaya 19:16

Ngalelo langa baseGibhithe bayawuba njengebafati. Bayawutfutfumela ngenca yekwesaba ingalo yaSimakadze longuSomandla leyawube iphakanyiselwe kumelana nabo.

Isaya 42:17

Kodvwa labo labetsembele etithicweni, labakhuluma etitfombeni batsi: ‘Nine nibonkulunkulu betfu,’ bayawuncandzekiswa bajabhile bahlazeke kakhulu.”

Isaya 5:25

Ngako-ke intfukutselo yaSimakadze yasivutsela sive sakhe; waphakamisa sandla sakhe wabashaya wabalahla phansi, tintsaba tatamatama. Tidvumbu tabo taba njengemfuhlululu etitaladini. Noko ngako konkhe loku lulaka lwakhe alukagucuki, sandla sakhe sisephakeme.

Jeremiya 20:10

Ngiva bayahebeta labanyenti batsi: “Sesabiso yonkhe indzawo! Mcebe! Asimcebe!” Bonkhe bangani bami balindzele mine kutsi ngishelele, batsi: “Mhlawumbe utawuyengeka; khona sitawube sesiyamehlula, sitiphindzisele kuye.”

Jeremiya 46:15

Emabutfo ayawulaliselwani lunja? Bangeke beme, ngobe Simakadze uyawubadvudvula abalahle phansi.

Jeremiya 46:21

Emabutfo ayo lacashiwe anjengematfole londleke kahle eGibhithe. Nawo futsi atawuncandzeka abaleke kanyekanye, angeke ayimele lemphi, ngobe lilanga lawo lesehlakalo sawo seliwehlele, sikhatsi sawo sekutsi ajeziswe.

Jeremiya 49:29

Emathende abo kanye nemihlambi yabo kuyawutsatfwa, nemadlangala abo ayakwetfwalwa atfunjwe nato tonkhe timphahla tabo nemakamela abo. Bantfu bayawumemeta kubo, batsi: ‘Tesabekiso yonkhe indzawo.’

Jeremiya 49:5

Ngitakwehlisela sesabiso etikwakho sichamuke kubo bonkhe lababomakhelwane bakho, nonkhe niyawudvungululwa nicoshwe, kute loyawubutsa lababalekile,” kusho Simakadze, Simakadze longuSomandla.

Jeremiya 6:25

Ningaphumeli emasimini, nome-ke nihambe emigwacweni, ngobe sitsa siphetse inkemba, kuyesabeka yonkhe indzawo.

Hezekeli 32:10

Tive letinyenti ngiyawutenta titfutfumele ngawe, nemakhosi ato ayawushaciswa kwesaba ngenca yakho, nase ngijikitisa inkemba yami embikwawo. Ngelilanga lekuwa kwakho ngulowo nalowo uyawutfutfumela ngekuphila kwakhe kuyo yonkhe imizuzwana yalelo langa.

Hezekeli 39:18

Niyawudla inyama yemadvodza lanemandla, ninatse ingati yebabusi bemhlaba, kube shangatsi bekutimvu nemazinyane, timbuti netinkunzi, konkhe kutilwane letikhuluphalisiwe taseBhashani.

Nahume 2:8

Njengesitiba semanti, injalo neNineve; bantfu bayo bayabaleka kuyo, banjengemanti lageleta esuka esitibeni sawo. Bamemeta batsi: “Manini! Manini!” Kodvwa kute ngisho namunye lobanakako.

Nahume 2:9

Phangani isiliva! Phangani igolide! Imphango yinyenti kakhulu, nengcebo isuke kuyo yonkhe imigodzi yayo.

Zefaniya 1:14

“Lilanga lelikhulu laSimakadze selisondzele, yebo, lisedvute, futsi lita ngekushesha. Lalelani! Kukhala kwangalelo langa laSimakadze kuyawuba munyu, sekuhhewula libutfo lapho.