Jeremiya 46:17 - Siswati 1996 Bible

¹⁷ Lapho bayawubabata batsi: ‘Faro, inkhosi yaseGibhithe, ungumsindvo nje lomkhulu, ulilahlile litfuba lakhe.’

Jeremiya 46:17 Referencias Cruzadas

1 Emakhosi 20:10

Bheni Hadadi watfumela lomunye umlayeto ku-Ahabi atsi: “Ngitakuta nemadvodza lenele kutsi ngitewubhubhisa lelidolobha lakho, lamadvodza atsatse leto timvutfu ngetandla tawo. Shangatsi bonkulunkulu bangangishaya ngife, nangehluleka kukufeza loko.”

1 Emakhosi 20:11

Inkhosi yaka-Israyeli yaphendvula, yatsi: “Nibomtjela kutsi saga sitsi: ‘Lowo lotewuhlasela akatigabatisi asengakalwi, kodvwa loko ukwenta emvakwemphi asalwile.’ ”

1 Emakhosi 20:18

Watsi: “Babambeni basaphila, nome beta ngekuthula nome bete ngemphi.”

Eksodusi 15:10

Kodvwa wena, Simakadze, uphefumule kwaba kanye, lwandle lwabamita, bacwila sincane selitje naligcumukela emantini lanemandla.

Eksodusi 15:9

“Sitsa satsi: ‘Ngitawubacosha ngize ngibakhandze. Ngitawutehlukanisela ngaloko lengikudle kubo, ngititike ngako; ngitawukhipha inkemba yami ngibabhubhise.’

Umshumayeli 3:1

Konkhe kunesikhatsi sako, yonkhe intfo leyentekako inesikhatsi sayo lapha emhlabeni:

Isaya 31:3

Kodvwa baseGibhithe bantfu nje, abasiye Nkulunkulu, nemahhashi abo ayinyama nje, akasiwo umoya. Simakadze utsi nakaphakamisa sandla sakhe, kutsi lowo lositako akhubatele, nalowo lositwako yena awe, babhubhe bonkhe kanyekanye.

Hezekeli 29:3

Khuluma kuyo utsi: ‘Naku lokushiwo yiNkhosi Simakadze, itsi: “ ‘Ngimelene nawe, Faro, nkhosi yaseGibhithe, wena nyokangwenya lenkhulu, wena locambalele emkhatsini wemifudlana yakho. Ukhuluma utsi: “INayili yami, ngatakhela yona mine.”

Hezekeli 31:18

“ ‘Ngutiphi taletihlahla tase-Edeni letingalinganiswa nawe ngebukhatikhati nangekuhlonipheka? Noko nawe, futsi, utakwehliswa kanye naletihlahla tase-Edeni niye emhlabeni longaphansi; uyawulala emkhatsini walabebangakasokwa, kanye nalababebulewe ngenkemba. “ ‘Lona nguFaro nato tonkhe tihlwele takhe temabutfo, kusho iNkhosi Simakadze.’ ”