Jeremiya 46:14 - Siswati 1996 Bible

¹⁴ “Memetelani loku eGibhithe, nikwatise futsi naseMigdoli; kumemeteleni futsi naseMemfisi kanye naseThaphanesi, nitsi: ‘Manini ngetigaba tenu nilungele, ngobe inkemba iyawudla labo labanitungeletile.’

Jeremiya 46:14 Referencias Cruzadas

2 Samuweli 2:26

Abneri wamemeta Jowabe, watsi: “Kufanele sichubeke nekulwa siphelane yini? Awuboni ngani kutsi loku kuyawugcina sekumunyu? Lamadvodza akakho utawatjela nini kutsi akakuyekele lokucosha bomnakabo ngemuva?”

Eksodusi 14:2

“Tjela ema-Israyeli kutsi akancandzeke ayekumisa embikwePhi Hahirothi emkhatsini weMigdoli neLwandle Lolubovu. Afanele emise eceleni kwelwandle abhekane ngco naBhali Sefoni.

Isaya 1:20

kodvwa nanicinisa tinhloko nihlubuka, nitawudliwa yinkemba.” Umlomo waSimakadze sewukukhulumile loko.

Isaya 19:13

Tiphatsimandla taseSowani setitibhungayeti, baholi baseMemfisi sebakhohlisiwe; imisumphe yebantfu bakhona seyedukise lonkhe live laseGibhithe.

Isaya 31:8

“Ema-Asiriya ayawubhujiswa ngenkemba, inkemba lengesiyo yendvodza, inkemba lengesiyo yebantfu lababhubhako, itawagwinya. Ayakuyibalekela lenkemba, nemajaha awo ayawusetjentiswa kamatima.

Isaya 34:6

Inkemba yaSimakadze icwiliswa engatini, inemanoni yonkhe indzawo, igcwele ingati yemazinyane etimvu, nengati yetimbuti, nemanoni lesuka etinsweni tetihhanca. Ngobe Simakadze unemhlatjelo eBhosra nekuhlaba lokukhulu kulaka-Edomu.

Jeremiya 12:12

Etikwawo onkhe emadvundvu latingagadvu babhubhisi bayawunyakatela, ngobe inkemba yaSimakadze iyawubadla bantfu, kusukela ngala kwelive kuye ngale kwalo, kute namunye loyawusindza.

Jeremiya 2:16

Kanjalo futsi nebantfu baseMemfisi nebaseThaphanesi bahhumbule lukhakhayi lwenhloko yakho.

Jeremiya 2:30

“Ngajezisa bantfu bakini, kodvwa akukanisiti, abakaphendvuki nasekujezisweni kwabo. Inkemba yenu ishwabudzele baphrofethi benu, njengelibhubesi lelifukutsako.

Jeremiya 44:1

Leli livi lelefika kuJeremiya macondzana nawo onkhe emaJuda labehlala eGibhithe Lengentansi, eMigdoli, naseThaphanesi, naseMemfisi, naseGibhithe Lengenhla, litsi:

Jeremiya 46:10

Kodvwa lelo langa ngilo lilanga laSimakadze, Simakadze longuSomandla, lilanga lemphindziselo, lekutiphindzisela etitseni takhe. Inkemba itawudla idzimate yesutse, idzimate ikucedze ngekudla ingati koma kwayo. Ngobe Simakadze, Simakadze longuSomandla, utawunikela ngemhlatjelo eveni lasenyakatfo, ngasemfuleni iYufrathe.

Jeremiya 46:19

Butsani timphahla tenu tekudzingiswa, nine lenihlala eGibhithe, ngobe iMemfisi iyawusala yodvwa isale ingemabolela langasahlali muntfu.

Jeremiya 46:2

Macondzana neGibhithe: Lona ngumlayeto macondzana nemphi yaFaro Nekho, inkhosi yaseGibhithe, leyehlulwa eKhakhemishi ngasemfuleni iYufrathe, yehlulwa nguNebukhadnezari, inkhosi yaseBhabhulona, ngemnyaka wesine wekubusa kwaJehoyakimu, umsa waJosaya, inkhosi yakaJuda, utsi:

Hezekeli 21:28

“Wenka-ke, ndvodzana yemuntfu, phrofetha, utsi: ‘Naku lokushiwo yiNkhosi Simakadze ngema-Amoni nangetinhlamba tawo, utsi: “ ‘Inkemba, inkemba, ikhokhelwe kugwaza, ilolongelwe kutsi ibhubhise, nekutsi imanyatele njengembane.

Hezekeli 30:13

“ ‘Naku lokushiwo yiNkhosi Simakadze, itsi: “ ‘Ngiyawutibhubhisa tithico, ngiticedze tonkhe titfombe eMemfisi. Akusayikuba nambusi eGibhithe, futsi ngiyawusakata kwesaba kulo lonkhe live.

Hoseya 9:6

Ngisho nome bangaphunyula ekubhujisweni, iGibhithe iyawubabutsela ndzawonye, iMemfisi ibangcwabe. Emagugu abo esiliva ayawumbonywa ngumena wetinchachabutane, nemanyeva ayawumbonya emathende abo.

Nahume 2:13

Simakadze longuSomandla utsi: “Mine ngiphambene nawe, Nineve. Tincola takho temphi ngitatishisa tibe yintfutfu, inkemba itawudla emazinyane akho elibhubesi, anginakushiyela nyamatane emhlabeni. Emavi etitfunywa takho angeke aphindze evakale.”

Dutheronomi 32:42

Imicibisholo yami ngiyakuyenta idzakwe yingati, ngesikhatsi inkemba yami idla inyama, ingati yalabagwaziwe nalabatfunjiwe, tinhloko tebaholi betitsa.’ ”