Jeremiya 46:12 - Siswati 1996 Bible

¹² Tive tiyawuva ngelihlazo lakho, kukhala kwakho kuyawugcwalisa wonkhe umhlaba. Ingwazi lenye iyawugilwa ngulenye, tikhubatele tiwe tonkhe kanyekanye.”

Jeremiya 46:12 Referencias Cruzadas

Isaya 10:4

Kute leningakwenta ngaphandle kwekushosha phansi kanye nalabatfunjwako, nome niwele phansi emkhatsini walababulewe. Noko ngako konkhe loku, lulaka lwakhe alukagucuki, nesandla sakhe sisephakeme.

Isaya 19:2

“Ngitawuchukuluta umGibhithe avukele umGibhithe, umnakabo uyakulwa nemnakabo, makhelwane acabane namakhelwane, lidolobha lihlasele lidolobha, umbuso uvukele umbuso.

Isaya 24:11

Etitaladini bakhalela liwayini; konkhe kujabula sekugucuke kwaba lusizi, konkhe kutsakasa sekudzingisiwe emhlabeni.

Jeremiya 14:2

“Juda uyalila, emadolobha akhe ayajanqula akhalela live, yebo, kukhala kuqubuka eJerusalema.

Jeremiya 2:36

Utiguculelani kangaka tindlela takho? IGibhithe itakujabhisa, njengaloku wake wajabhiswa yi-Asiriya.

Jeremiya 46:6

“Labanematubane bangeke bakhone kubaleka, nalabanemandla bangeke baphunyule. Bayakhubatela bawe, enyakatfo, ngasemfuleni iYufrathe.

Jeremiya 47:2

Naku lokushiwo nguSimakadze, utsi: “Buka kutsi aqubuka kanjani emanti ngasenyakatfo, atakuba sikhukhula lesikhulu. Atawukhukhula lelive kanye nako konkhe lokukulo, emadolobha kanye nebantfu labahlala kuwo. Bantfu bayawukhala bumayemaye, bonkhe labahlala kulelive bayawulila,

Jeremiya 48:34

“Umsindvo wekukhala kwabo uyenyuka usuka eHeshboni uye e-Eleyale naseJahasi, kusukela eSowari kuze kuyewufika eHoronayimu nase-Eglathi Shelishiya, ngobe ngisho nemanti aseNimrimu asomile.

Jeremiya 49:21

Ngemsindvo wekuwa kwabo umhlaba uyawutfutfumela; kukhala kwabo kuyawuvakala kuklaza naseLwandle Lolubovu.

Jeremiya 50:46

Umhlaba uyawutfutfumela ngemsindvo wekutfunjwa kweBhabhulona; kukhala kwayo kuyawuhokoma emkhatsini wetive.

Jeremiya 51:54

“Umsindvo wekukhala uchamuka eBhabhulona, umsindvo wekubhubhisa lokukhulu uchamuka eveni lemaBhabhulona.

Nahume 2:5

Kuhlanganiswa emabutfo aseNineve elikhetselo. Noko ayakhubatela endleleni yawo. Agijima aye elubondzeni lwelidolobha, tivikelo tiyemiswa.

Zefaniya 1:10

Simakadze utsi: “Ngalelo langa kuyawuvela kukhala eSangweni Lenhlanti, kuvele kulila eNcenyeni Lensha yelidolobha, nekuphihlika lokukhulu lokuphuma emagcumeni.

1 Samuweli 5:12

Labo lababesengakafi bona bashaywa ngematfumba, kukhala nesililo sebantfu senyukela etulu ezulwini.