Jeremiya 45:1 - Siswati 1996 Bible

¹ Naku Jeremiya, umphrofethi, lakutjela Bharuki, umsa waNeriya, ngemnyaka wesine wekubusa kwaJehoyakimu, umsa waJosaya, inkhosi yakaJuda, emvakwekutsi Bharuki asabhale encwadzini legocotwako emavi Jeremiya labemtjele wona, watsi:

Jeremiya 45:1 Referencias Cruzadas

2 Emakhosi 24:1

Ngesikhatsi sekubusa kwaJehoyakimu, Nebukhadnezari, inkhosi yaseBhabhulona, wahlasela live. Jehoyakimu waba yinceku yaNebukhadnezari, iminyaka lemitsatfu. Kodvwa wabe sewugucula ingcondvo yakhe, wavukela Nebukhadnezari.

2 Tikhronike 36:5

Jehoyakimu abeneminyaka lengema-25 budzala, nakabekwa kuba yinkhosi. Wabusela eJerusalema iminyaka leli-11. Wenta lokubi emehlweni aSimakadze Nkulunkulu wakhe.

Jeremiya 25:1

Livi lefika kuJeremiya macondzana nabo bonkhe bantfu bakaJuda emnyakeni wesine wekubusa kwaJehoyakimu, umsa waJosaya, inkhosi yakaJuda, lekwakungumnyaka wekucala wekubusa kwaNebukhadnezari, inkhosi yaseBhabhulona.

Jeremiya 26:1

Kwatsi nje ekucaleni kwekubusa kwaJehoyakimu, umsa waJosaya, inkhosi yakaJuda, kwefika livi livela kuSimakadze, litsi:

Jeremiya 32:12

Ngakunika Bharuki, umsa waNeriya, umsa waMahaseya, embikwemzala wami Hanameli nabofakazi lababesayine lencwadzi, nasembikwawo onkhe emaJuda labehleti esibuyeni sabogadzi.

Jeremiya 32:16

“Emvakwekutsi lencwadzisivumelwane yekutsenga sengiyinike Bharuki, umsa waNeriya, ngathandaza kuSimakadze, ngatsi:

Jeremiya 36:1

Ngemnyaka wesine waJehoyakimu, umsa waJosaya, inkhosi yakaJuda, kwefika nali livi kuJeremiya livela kuSimakadze, litsi:

Jeremiya 36:2

“Tsatsa incwadzi legocotwako ubhale kuyo onkhe emavi lengiwakhulumile kuwe mayelana na-Israyeli naJuda kanye nato tonkhe letinye tive, kusukela esikhatsini lengacala ngaso kukhuluma kuwe, ekubuseni kwenkhosi Josaya, kuze kube ngunyalo.

Jeremiya 36:26

Esikhundleni saloko, inkhosi yatfumela boJerameli, umntfwanenkhosi, naSeraya, umsa wa-Azriyeli, naShelemiya, umsa wa-Abdeyeli, kutsi bayewubopha boBharuki, umbhali, naJeremiya, umphrofethi, kodvwa Simakadze abesabafihlile.

Jeremiya 36:32

Ngako Jeremiya wabuye watsatsa lenye incwadzi legocotwako wayiniketa umbhali Bharuki, umsa waNeriya; watsi Jeremiya nakakhulumako, Bharuki wabe abhala kuyo onkhe emavi alencwadzi legocotwako leyashiswa nguJehoyakimu, inkhosi yakaJuda, emlilweni. Manyenti futsi lamanye emavi lafananako lengetelwa kuwo.

Jeremiya 36:4

Ngako Jeremiya wase ubita Bharuki, umsa waNeriya; kwatsi ngesikhatsi Jeremiya amtjela onkhe emavi labewatjelwe nguSimakadze, Bharuki wabe sewuyawabhala phansi encwadzini legocotwako.

Jeremiya 45:2

“Naku lokushiwo nguSimakadze Nkulunkulu wema-Israyeli, ukhuluma kuwe Bharuki, utsi:

Jeremiya 46:2

Macondzana neGibhithe: Lona ngumlayeto macondzana nemphi yaFaro Nekho, inkhosi yaseGibhithe, leyehlulwa eKhakhemishi ngasemfuleni iYufrathe, yehlulwa nguNebukhadnezari, inkhosi yaseBhabhulona, ngemnyaka wesine wekubusa kwaJehoyakimu, umsa waJosaya, inkhosi yakaJuda, utsi:

Jeremiya 51:59

Lona ngumlayeto Jeremiya umphrofethi lawutjela Seraya, umsa waNeriya, umsa waMahaseya, ngesikhatsi aya eBhabhulona, ahamba naSedekiya, inkhosi yakaJuda, ngemnyaka wesine wekubusa kwakhe. Seraya abeyindvuna yekulungisa tindzawo tekuphumula neyekwaba kudla netimphahla temabutfo emphi.

Danyela 1:1

Ngemnyaka wesitsatfu wekubusa kwaJehoyakimu, inkhosi yakaJuda, Nebukhadnezari, inkhosi yaseBhabhulona, wefika eJerusalema wayivimbetela.