Jeremiya 44:7 - Siswati 1996 Bible

⁷ “Nyalo-ke, naku lokushiwo nguSimakadze longuSomandla, Nkulunkulu wema-Israyeli, utsi: Niyehliselelani lenhlekelele lenkhulu kangaka etikwenu ngekubesusa laba bakaJuda emadvodza, nebafati, nebantfwana kanye netinswane, kuze nisale senite insali?

Jeremiya 44:7 Referencias Cruzadas

Taga 1:18

Kodvwa bantfu labanjalo batetsiyela sifu sekutibulala bona; babhacele kutisontsa bona, batibulale.

Taga 15:32

Umuntfu longakunaki kuyalwa utedzelela yena matfupha; kodvwa lolalelako nayalwa ufundza kucondza.

Taga 5:22

Imisebenti yemuntfu lomubi ilugibe, ubanjwa elugibeni lwesono sakhe.

Taga 8:36

kodvwa logeja kungitfola, utilimata yena, bonkhe labangitondzako batsandza kufa.”

Jeremiya 25:6

Ningabalandzeli labanye bonkulunkulu kutsi nibasebentele nikhonte bona. Ningacali ningicunule ngize ngitfukutsele ngaloko lenikwente ngetandla tenu. Khona-ke ngingeke nginilimate.”

Jeremiya 25:7

Simakadze utsi: “Kodvwa anizange ningilalele, seningicunule ngaloko lokwentiwe tandla tenu, natiletsela kulinyatwa etikwenu.”

Jeremiya 26:19

“Kungabe kambe Hezekiya, inkhosi yakaJuda, yena nome-ke lomunye nje wakaJuda wambulala yini? Hezekiya akazange yini esabe Simakadze wafuna sihawu saSimakadze? Akazange agucuke yini yena Simakadze kwekutsi angabe asasehlisa lesehlakalo labesasishito kubo? Tsine nje sesitakwehlisela sehlakalo lesibi etikwetfu!”

Jeremiya 3:24

Kusukela ebusheni betfu bonkulunkulu labangemahlazo badle titselo tetitfukutfuku tabokhokho betfu, lekungimihlambi yabo yetimvu neyetimbuti nemihlambi yabo yetinkhomo, yebo, emadvodzana abo nemadvodzakati abo.

Jeremiya 38:17

Ngako Jeremiya wakhuluma kuSedekiya, watsi: “Naku lokushiwo nguSimakadze Nkulunkulu longuSomandla, Nkulunkulu wema-Israyeli, utsi: ‘Nawuphakamisa tandla kuto tiphatsimandla tenkhosi yaseBhabhulona, utitfobe, imphilo yakho iyawuphepha, nalelidolobha lingeke lishiswe; wena nemndeni wakho niyawuphila.

Jeremiya 42:20

kutsi nenta siphosiso lesesabekako ngesikhatsi ningitfuma kuSimakadze longuNkulunkulu wenu, natsi: ‘Sithandazele kuSimakadze wetfu; sitjele konkhe lakushoko, sitakwenta.’

Jeremiya 44:14

Kute namunye wensali yakaJuda lowayawuhlala eGibhithe loyawuphunyula nome loyawusala bese uyancandzeka ubuyela eveni lakaJuda, lapho afisa kubuyela khona ayewuhlala. Kute nome munye loyawuncandzeka ngaphandle kwalabo labambalwa labayawubaleka.”

Jeremiya 44:8

Ningicunulelani ningitfukutselise ngaloko lokwentiwe tandla tenu, nangekutfuncisa imphepho kulabanye bonkulunkulu baseGibhithe, lapho nitewuhlala khona? Nitatibhubhisa nine, nitente nibe yintfo yekucalekisa nelihlazo etiveni tonkhe temhlaba.

Jeremiya 51:22

Ngawe ngiphihlita umfati nendvodza, ngawe ngiphihlita emakhehla nalabasebancane, ngawe ngiphihlita lijaha nentfombi,

Jeremiya 7:19

Kodvwa ngimi yini lona labamchukulutako? kusho Simakadze. Abatilimati bona yini, batitsele bona ngelihlazo?

Jeremiya 9:21

Kufa sekufohle emafasitelo etfu kwangena ngekhatsi, kwadzimate kwangena nasetinqabeni tetfu, kwancamula bantfwana lapha etindleleni, nemajaha ancamuka etinkhundleni.

Sililo 2:11

Emehlo ami aluvitsi ngenca yekukhala. Ngiyasha ngiyabhadla emphefumulweni wami, inhlitiyo yami itfululeleke phansi emhlabatsini, ngobe bantfu bakitsi babhujisiwe, bantfwana netinswane kuyacaleka etitaladini telidolobha.

Sililo 2:22

“Wabutsisa tesabiso tami ndzawo tonkhe, kwaba shangatsi umemela bantfu edzilini. Ngelilanga lentfukutselo yaSimakadze kute namunye lowaphunyula nalowasindza. Titsa tami tibashaye tabacotfula labo lengangibongile ngabanakekela.”

Hezekeli 33:11

Khuluma kubo utsi: ‘Ngifunga kuphila kwami, kusho iNkhosi Simakadze, angikujabuleli kufa kwalomubi, kodvwa ngitsandza kutsi agucuke etindleleni takhe letimbi aphile. Gucukani! Gucukani etindleleni tenu letimbi! Ningafelani, ninendlu yaka-Israyeli?’

Hezekeli 9:6

Bulalani nicedze emadvodza lamadzala, nemajaha, netintfombi, nebafati, nebantfwana, kodvwa ningatsintsi namunye loneluphawu. Calani endlini yami lengcwele.” Ngako bacala ngebaholi lababesembikwelithempeli.

Habakhuki 2:10

Wakhe luzungu lwekubhubhisa tive letinyenti, wahlazisa indlu yakho; walahlekelwa nakuphila kwakho.

Numeri 16:38

tona letitja talabantfu labalahlekelwe kuphila kwabo ngenca yekona kwabo. Gcobani letitja temphepho tibe bongcwengcwe bekumbonya lilati, ngobe tanikelwa kuSimakadze tase tiba ngcwele. Setiyawuba secwayiso esiveni sema-Israyeli.”

Dutheronomi 32:25

Esitaladini inkemba iyawubenta babe ngulabangenabantfwana. Emakhaya abo kuyawubusa luvalo. Emajaha netintfombi kuyawubhubha, emakhehla netinswane kuphele.

Joshuwa 6:21

Babhubhisa konkhe lokwakungekhatsi kwelidolobha, emadvodza nebafati, labancane nalabadzala, tinkhomo, netimvu, netimbongolo, ngelusiko lwenkemba.

Tikhulu 21:11

Batsi: “Naku lekufanele nikwente: nifike nibulale bonkhe labadvuna nalabasikati labangasito tintfombi letingayati indvodza ngekulala nayo.”

1 Samuweli 15:3

Hamba manje uyewuhlasela ema-Amaleki, ubhubhise yonkhe intfo yawo. Ungawashiyi aphila: bulala emadvodza, nebafati, nebantfwana, netinswane, netinkhomo, netimvu, nemakamela kanye netimbongolo.’ ”

1 Samuweli 22:19

Wachubeka wahlasela nelidolobha laseNobi, lekwakulidolobha lebaphristi, wabulala emadvodza akhona, kanye nebafati bakhona, nebantfwana, netinswane, netinkhomo, netimbongolo kanye netimvu.