Jeremiya 44:3 - Siswati 1996 Bible

³ ngenca yebubi lobentiwe ngulabo bantfu. Bangicunula, ngabatfukutselela ngekutfuncisa kwabo imphepho nangekukhonta labanye bonkulunkulu labangazange babati bona kanye nani naboyihlo.

Jeremiya 44:3 Referencias Cruzadas

Nehemiya 9:33

Kuko konkhe loko lokusehlele wena bewusolo ulungile wenta tintfo ngekwetsembeka, lite nome tsine besenta lokubi.

Isaya 3:8

IJerusalema iyayendza, Juda uyawa; emavi abo kanye netento tabo kuphambene naSimakadze, bedzelela nebukhosi bakhe.

Jeremiya 11:17

Simakadze Somandla lowakuhlanyela, sewukumisele inhlekelele, ngobe indlu yaka-Israyeli nendlu yakaJuda tente lokubi tangicunula, ngatfukutsela ngekutfuncisa kwato imphepho kuBhali.

Jeremiya 16:10

“Nawubatjela tonkhe letintfo labantfu bese bayakubuta batsi: ‘Simakadze uwukhipheleni lomtsetfo lomelana natsi kangaka wesehlakalo lesikhulu kangaka? Soneni? Sono sini lesisentile kuSimakadze Nkulunkulu wetfu?’

Jeremiya 22:9

Imphendvulo yabo iyawutsi: ‘Kungobe basilahla sivumelwane saSimakadze Nkulunkulu wabo, bakhonta labanye bonkulunkulu, basebentela bonkulunkulu labanye.’ ”

Jeremiya 29:19

Simakadze utsi: ‘Ngobe abakawalaleli emavi ami, emavi lengangibatfumelela wona njalonjalo ngetinceku tami baphrofethi; nani nine batfunjwa, nani anikangilaleli,’ kusho Simakadze.

Jeremiya 32:30

“Bantfu baka-Israyeli nebakaJuda kute labakwentile ngaphandle kwekwenta lokubi embikwami, kusukela ebusheni babo. Yebo, sive saka-Israyeli kute lesikwentile ngaphandle kwekungicunula ngaloko labakwente ngetandla tabo, kusho Simakadze.

Jeremiya 44:23

Njengobe nitfuncise imphepho, nona kuSimakadze, nangete namlalela nome nilandzele umtsetfo wakhe, netimiso takhe, netecwayiso takhe, lenhlekelele seyehlele etikwenu, njengobe nibona nje lamuhla.”

Jeremiya 44:8

Ningicunulelani ningitfukutselise ngaloko lokwentiwe tandla tenu, nangekutfuncisa imphepho kulabanye bonkulunkulu baseGibhithe, lapho nitewuhlala khona? Nitatibhubhisa nine, nitente nibe yintfo yekucalekisa nelihlazo etiveni tonkhe temhlaba.

Jeremiya 5:19

Bantfu nabakubuta, Jeremiya, batsi: ‘Simakadze ukwenteleni konkhe loku kitsi?’ uyawubatjela utsi: ‘Njengobe ningishiyile mine nakhonta labanye bonkulunkulu betive eveni lenu, ngako manje seniyawukhonta betive eveni lekungesilo lenu.’ ”

Jeremiya 5:29

Simakadze utsi: “Akukafaneli yini kutsi ngibajezise ngaloku? Akukafaneli yini kutsi ngitenanele kulesive lesinje?

Jeremiya 7:19

Kodvwa ngimi yini lona labamchukulutako? kusho Simakadze. Abatilimati bona yini, batitsele bona ngelihlazo?

Sililo 1:8

IJerusalema yone kakhulu, ngaloko seyisinengiso. Bonkhe lababeyihlonipha sebayayedzelela, ngobe sebabubonile bungcunu bayo; yona cobo lwayo iyabubula ifulatsele.

Sililo 4:13

Kodvwa kwenteka ngenca yetono tebaphrofethi bayo, nangetiphambuko tebaphristi bayo, labacitsa ingati yalabamsulwa ekhatsi kuyo.

Hezekeli 9:9

Wangiphendvula watsi: “Sono sendlu yaka-Israyeli neyakaJuda sikhulu ngalokwengcile; live seligobhota ingati, nelidolobha seligcwele kungabi namtsetfo. Batsi: ‘Simakadze ulikhohliwe lelive; Simakadze akaboni.’

Danyela 9:5

sonile kuwe senta lokubi. Besibabi kakhulu, futsi sakuvukela; siphambukile sashiya imiyalo yakho nemitsetfo yakho.

Dutheronomi 13:6

“Nangabe umnakenu, nome indvodzana yakho, nome indvodzakati yakho, nome umkakho lomtsandzako, nome umnganakho lomkhulu akuwunga ngasense atsi: ‘Asambe siyewukhonta labanye bonkulunkulu,’ leningazange senibati nine naboyihlo,

Dutheronomi 29:25

“Imphendvulo iyawutsi: ‘Kungobe lesive salahla sivumelwane saSimakadze, Nkulunkulu waboyisemkhulu, sivumelwane lasenta nabo ngesikhatsi abakhipha eGibhithe.

Dutheronomi 29:26

Lesive saphambuka sakhonta labanye bonkulunkulu, sakhotsama bona, bonkulunkulu lesingazange sesibati, Simakadze langazange asilayele bona.

Dutheronomi 32:17

Benta imihlatjelo emadimonini langasiye Nkulunkulu, bonkulunkulu labangazange sebaze babati, bonkulunkulu lababesandza kuvela nje, bonkulunkulu boyihlo labebangazange sebabesabe.

KumaHebheru 3:16

Bekubobani laba labaliva livi lakhe bamelana naye? Bekungesibo yini bonkhe labo labaphuma eGibhithe baholwa nguMosi?