Jeremiya 44:19 - Siswati 1996 Bible

¹⁹ Bafati nabo bachubeka batsi: “Satsi nasitfuncisa imphepho kuyo iNkhosikati yeLizulu sitfululela neminikelo yesinatfo kuyo, emadvodza etfu akazange ati yini kutsi sasenta emakhekhe labefanana nesitfombe sayo sayitfululela neminikelo yesinatfo?”

Jeremiya 44:19 Referencias Cruzadas

Genesisi 3:6

Ngako-ke watsi umfati kube abone kutsi lesihlahla sasifanelwe kudliwa, nekutsi sasibukeka sisihle, nekutsi lesihlahla sasifanele kumhlakaniphisa umuntfu, wakha kulesihlahla wadla. Wanika nendvodza yakhe, nayo yadla.

1 Emakhosi 21:25

Kute indvodza lenjenga-Ahabi leyatitsengisa yona ekwenteni bubi emehlweni aSimakadze, ifucwa ngumkayo Jezebeli.

2 Tikhronike 21:6

Wahamba etinyatselweni temakhosi aka-Israyeli, njengobe kwakwenta bendlu yaka-Ahabi, yena-ke washada nendvodzakati ya-Ahabi. Wenta lokubi emehlweni aSimakadze.

Taga 11:21

Kuliciniso kutsi bantfu lababi bayawujeziswa; kodvwa bantfu labalungile bayawusindza.

Jeremiya 44:15

Kwabe sekutsi onkhe emadvodza labati kutsi bomkawo batfuncisa imphepho kulabanye bonkulunkulu, akanye nabo bonkhe bafati bebalapho, yonkhe lenhlangano lenkhulu, ngisho bonkhe bantfu lababehlala eGibhithe Lengentansi naLengenhla, bakhuluma kuJeremiya batsi:

Jeremiya 44:20

Jeremiya wabe sewukhuluma kubo bonkhe bantfu, emadvodza nebafati lababemphendvula, watsi:

Jeremiya 7:18

Bantfwana batfota tinkhuni, emadvodza alumekela imililo, bafati badovana nenhlama, babhaka emakhekhe eNdlovukazi yeliZulu. Batfulula iminikelo yetinatfo kulabanye bonkulunkulu bentela kuchukuluta lulaka lwami.

Numeri 30:12

Kodvwa nangabe indvodza yakhe imalela kutsi atifeze leto tetsembiso netincumo takhe ngesikhatsi iva ngato, leto tetsembiso netincumo takhe latishito ngemlomo wakhe atiyikuma. Indvodza yakhe itawube itente lite, Simakadze uyakumkhulula kuto.

Numeri 30:8

Kodvwa nangabe indvodza yayo iyalela kutsi ifeze leso sincumo sayo nayitjelwa ngaso, akukabhekeki kutsi lentfombi isifeze. Simakadze uyakuyikhulula.