Jeremiya 44:1 - Siswati 1996 Bible

¹ Leli livi lelefika kuJeremiya macondzana nawo onkhe emaJuda labehlala eGibhithe Lengentansi, eMigdoli, naseThaphanesi, naseMemfisi, naseGibhithe Lengenhla, litsi:

Jeremiya 44:1 Referencias Cruzadas

Genesisi 10:14

nemaPhathrusi, nemaKhasuluhi, lapho kwadzabuka khona emaFilisti nemaKhaftori.

Eksodusi 14:2

“Tjela ema-Israyeli kutsi akancandzeke ayekumisa embikwePhi Hahirothi emkhatsini weMigdoli neLwandle Lolubovu. Afanele emise eceleni kwelwandle abhekane ngco naBhali Sefoni.

Isaya 11:11

Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Isaya 19:13

Tiphatsimandla taseSowani setitibhungayeti, baholi baseMemfisi sebakhohlisiwe; imisumphe yebantfu bakhona seyedukise lonkhe live laseGibhithe.

Jeremiya 2:16

Kanjalo futsi nebantfu baseMemfisi nebaseThaphanesi bahhumbule lukhakhayi lwenhloko yakho.

Jeremiya 24:8

“ ‘Kodvwa njengalamakhiwa lamabi langadleki ngiyakwenta njalo kuSedekiya, inkhosi yakaJuda, netindvuna takhe, nensali yaseJerusalema, nome basele lapha kulelive nome bahlala eGibhithe,’ kusho Simakadze.

Jeremiya 43:13

Lapho ethempelini lelilanga eGibhithe uyawubhidlita tinsika lekutsiwa tingcwele, ashise emathempeli abonkulunkulu baseGibhithe.’ ”

Jeremiya 44:15

Kwabe sekutsi onkhe emadvodza labati kutsi bomkawo batfuncisa imphepho kulabanye bonkulunkulu, akanye nabo bonkhe bafati bebalapho, yonkhe lenhlangano lenkhulu, ngisho bonkhe bantfu lababehlala eGibhithe Lengentansi naLengenhla, bakhuluma kuJeremiya batsi:

Jeremiya 46:14

“Memetelani loku eGibhithe, nikwatise futsi naseMigdoli; kumemeteleni futsi naseMemfisi kanye naseThaphanesi, nitsi: ‘Manini ngetigaba tenu nilungele, ngobe inkemba iyawudla labo labanitungeletile.’

Jeremiya 46:19

Butsani timphahla tenu tekudzingiswa, nine lenihlala eGibhithe, ngobe iMemfisi iyawusala yodvwa isale ingemabolela langasahlali muntfu.

Hezekeli 29:10

ngako-ke ngiyemelana nawe kanye nemifula yakho, live laseGibhithe ngiyawulenta libe yimfuhlululu, lisale likhala libhungane, kusukela eMigdoli kuye e-Aswani, kuze kuyewufika emnyeleni waseKushe.

Hezekeli 29:14

Ngiyawubabuyisa ekutfunjweni, ngibabuyisele ePhathrosi, live labokhokho babo. Lapho-ke bayawuba ngumbuso lotfobekile.

Hezekeli 30:13

“ ‘Naku lokushiwo yiNkhosi Simakadze, itsi: “ ‘Ngiyawutibhubhisa tithico, ngiticedze tonkhe titfombe eMemfisi. Akusayikuba nambusi eGibhithe, futsi ngiyawusakata kwesaba kulo lonkhe live.

Hezekeli 30:14

IPhathrosi ngiyakuyenta ibe lihlane, iSoyani ngiyilumeke ngemlilo, iThebesi ngiyehlisele sijeziso.

Hezekeli 30:16

Ngiyawulumeka umlilo eGibhithe; iPhelusiyumi iyawujilajileka ngenca yebuhlungu. IThebesi iyawuhlaselwa ifohlwe; iMemfisi iyawukhukhulwa.

Hezekeli 30:18

Lilanga liyawuba bumnyama eThaphanesi, mhlazana ngigamula lijoko laseGibhithe; lapho-ke emandla ayo letigabatisa ngawo ayawuphela. Iyawusibekelwa ngemafu, netabelo tayo tiyawutfunjwa.

Hoseya 9:6

Ngisho nome bangaphunyula ekubhujisweni, iGibhithe iyawubabutsela ndzawonye, iMemfisi ibangcwabe. Emagugu abo esiliva ayawumbonywa ngumena wetinchachabutane, nemanyeva ayawumbonya emathende abo.