Jeremiya 42:22 - Siswati 1996 Bible

²² Ngako nyalo, yatini nekwati kutsi: Nitakufa ngenkemba, nangendlala, nangesifo lesibulalanako kuyo leyo ndzawo lapho nifuna kuyawuhlala khona.”

Jeremiya 42:22 Referencias Cruzadas

Isaya 30:3

Kodvwa siphephelo saFaro siyakunijabhisa, sitfunti saseGibhithe siyakunitsela ngelihlazo.

Jeremiya 24:10

Ngiyawubatfumelela inkemba, nendlala kanye nesifo lesibulalanako lokuyawubehlela baze babhujiswe kulelive lengalinika bona naboyisemkhulu.’ ”

Jeremiya 42:17

Ngempela, bonkhe labo labatimisele kuya eGibhithe bafike bayewuhlala khona, bayawubulawa ngenkemba, nangendlala, nangesifo lesibulalanako; kute nome munye wabo loyawusindza nome aphunyule kulenhlekelele lengitayehlisela etikwabo.’

Jeremiya 43:11

Uyawuta ahlasele iGibhithe, abaletsele kufa labo labemiselwe kufa, aletsele nekutfunjwa kulabo labamiselwe kutfunjwa, nenkemba kulabo labemiselwe inkemba.

Jeremiya 44:12

Ngitayisusa insali yakaJuda leyayitimisele kuyawuhlala eGibhithe; bonkhe bayawubhubhela khona eGibhithe; bayawubulawa ngenkemba, nome babulawe yindlala. Kusukela kulomncane kakhulu kuye kulomkhulu kakhulu, bayawubulawa ngenkemba nome babulawe yindlala. Bayawuba yintfo yekucalekisa neyekwesabisa, babe yintfo yekwetfuka nelihlazo.

Hezekeli 33:27

“Khuluma kubo, utsi: ‘Naku lokushiwo yiNkhosi Simakadze, itsi: Ngifunga kuphila kwami, labo labasemadzilikelweni bayawubulawa ngenkemba, labo labasemaphandleni ngiyawubanikela etilwaneni tesiganga kutsi tibashwabudzele, kutsi labo labasetinqabeni nasemigedzeni babulawe sifo lesibulalanako.

Hezekeli 6:11

“ ‘Naku lokushiwo yiNkhosi Simakadze, itsi: Yetfwalani tandla etinhloko, nishaye ngetinyawo phansi nikhale, nimemete, nitsi: “Maye!” ngenca yato tonkhe letento letimbi tendlu yaka-Israyeli; nyalo sebatawubulawa ngenkemba, nangendlala, nangesifo lesibulalanako.

Hezekeli 6:12

Lowo lokhashane kakhulu uyawubulawa sifo lesibulalanako, lowo losedvutane abulawe ngenkemba, kutsi lowo lophunyulile wasala, abulawe yindlala. Ngiyakulufeza kanjalo-ke lulaka lwami etikwabo.

Hoseya 9:6

Ngisho nome bangaphunyula ekubhujisweni, iGibhithe iyawubabutsela ndzawonye, iMemfisi ibangcwabe. Emagugu abo esiliva ayawumbonywa ngumena wetinchachabutane, nemanyeva ayawumbonya emathende abo.