Jeremiya 42:1 - Siswati 1996 Bible

¹ Kwatsi bonkhe baholi bemabutfo kanye naJohanani, umsa waKhareya, na-Azariya, umsa waHoshaya, beta nebantfu bato tonkhe tigaba,

Jeremiya 42:1 Referencias Cruzadas

2 Emakhosi 25:23

Tatsi kube tonkhe tindvuna temphi nemabutfo ato beve kutsi inkhosi yaseBhabhulona seyibeke Gedaliya kutsi abe ngumbusi, teta kuGedaliya eMispa. Letindvuna bekubo-Ishmayeli, umsa waNethaniya, naJohanani, umsa waKhareya, naSeraya, umsa waThanhumethi waseNethofa, naJazaniya, indvodzana yemMakha, nemadvodza abo.

Isaya 29:13

Simakadze utsi: “Labantfu basondzela kimi ngemilomo yabo, bangihlonipha ngetindzebe temilomo yabo kuphela; kodvwa tinhlitiyo tabo tikhashane kabi nami. Kungikhonta kwabo kukwenta nje leyo mitsetfo lefundziswa bantfu.

Isaya 48:1

“Lalelani lapha, ninendlu yakaJakobe, nine lenibitwa ngelibito la-Israyeli, futsi niyintalelwane yakaJuda, nine lenenta tifungo egameni laSimakadze, nikhonte Nkulunkulu wema-Israyeli, kodvwa kungabi ngeliciniso nangekulunga,

Jeremiya 37:3

Noko Sedekiya, inkhosi, watfumela Jukhali, umsa waShelemiya, kanye nemphristi Zefaniya, umsa waMaseya, kuJeremiya, umphrofethi, nemlayeto lotsi: “Siyakucela kutsi umane usithandazele kuSimakadze Nkulunkulu wetfu.”

Jeremiya 40:13

Johanani, umsa waKhareya, kanye nato tonkhe tindvuna temphi letatisesetigangeni, teta kuGedaliya eMispa

Jeremiya 40:8

befika kaGedaliya eMispa, bo-Ishmayeli, umsa waNethaniya, naJohanani kanye naJonathani, emadvodzana aKhareya, naSeraya, umsa waThanhumethi, nemadvodzana a-Efayi waseNethofa, naJazaniya, indvodzana yemMakha, nemadvodza abo.

Jeremiya 41:11

Watsi kube Johanani, umsa waKhareya, netindvuna tonkhe temabutfo letatinaye beve ngayo yonkhe lenhlekelele leyase yentiwe ngu-Ishmayeli, umsa waNethaniya,

Jeremiya 41:16

Johanani, umsa waKhareya, kanye nato tonkhe tindvuna temphi letatinaye bahola yonkhe imisalela leyayiphuma eMispa lababeyemuke Ishmayeli, umsa waNethaniya, emvakwekubulala kwakhe Gedaliya, umsa wa-Ahikamu: emasotja, nebafati, nebantfwana, nebatsenwa, Johanani labebuye nabo eGibeyoni.

Jeremiya 41:18

babalekela emaBhabhulona. Babewesaba, ngobe Ishmayeli, umsa waNethaniya, abesabulele Gedaliya, umsa wa-Ahikamu, labesabekwe yinkhosi yaseBhabhulona kutsi abe ngumbusi welive.

Jeremiya 42:20

kutsi nenta siphosiso lesesabekako ngesikhatsi ningitfuma kuSimakadze longuNkulunkulu wenu, natsi: ‘Sithandazele kuSimakadze wetfu; sitjele konkhe lakushoko, sitakwenta.’

Jeremiya 42:8

Ngako wabita wahlanganisa Johanani, umsa waKhareya, nato tonkhe tindvuna temabutfo letatinaye kanye nabo bonkhe bantfu kusukela kulomncane kuye kulomkhulu.

Jeremiya 43:2

Azariya, umsa waHoshaya, naJohanani, umsa waKhareya, nawo onkhe emadvodza labetibeka embili akhuluma kuJeremiya, atsi: “Unemanga! Simakadze longuNkulunkulu wetfu akakutfumi kutsi utewutsi: ‘Kufanele ningayi eGibhithe kuyawuhlala khona.’

Jeremiya 44:12

Ngitayisusa insali yakaJuda leyayitimisele kuyawuhlala eGibhithe; bonkhe bayawubhubhela khona eGibhithe; bayawubulawa ngenkemba, nome babulawe yindlala. Kusukela kulomncane kakhulu kuye kulomkhulu kakhulu, bayawubulawa ngenkemba nome babulawe yindlala. Bayawuba yintfo yekucalekisa neyekwesabisa, babe yintfo yekwetfuka nelihlazo.

Jeremiya 6:13

“Kusukela kulomncane kakhulu kuye kulomkhulu kakhulu, bonkhe babogubhela kwesabo; baphrofethi nebaphristi bayafanana, bonkhe bayayengana.

Jeremiya 8:10

Ngako-ke bafati babo ngibanikela kulamanye emadvodza, nemasimi abo ngiwanike labanye bantfu, kutsi abe ngewabo. Kusukela kulomncane kakhulu kuye kulomkhulu kakhulu, bonkhe babogubhela kwesabo. Baphrofethi nebaphristi bayafanana, bonkhe bayayengana.

Hezekeli 11:1

Moya wangiphakamisa wangiyisa esangweni lendlu yaSimakadze lelalibheke ngasemphumalanga. Ekungeneni kwalelisango bekunemadvodza langema-25, emkhatsini wawo ngabona naJazaniya, umsa wa-Azuri, naPhelatiya, umsa waBhenaya, lekwakubaholi besive.

Hezekeli 33:31

Bantfu bami beta kuwe, njengobe bavame kwenta, bahlale embikwakho balalele emavi akho, kodvwa abawenti. Ngemilomo yabo bakhuluma kutsi batinikele, kodvwa tinhlitiyo tabo tibukhali, tifuna inzuzo lembi.

Hezekeli 8:11

Embikwato bekume baholi bendlu yaka-Israyeli labangema-70, naJazaniya, umsa waShafani, abeme emkhatsini wabo. Ngulowo abephetse sitja sekutfuncisa esandleni sakhe, kwakutsaphuka lifu lemphepho lenyuka.

Matewu 15:8

“ ‘Lesive singidvumisa ngetindzebe temlomo, kepha inhlitiyo yaso ikhashane nami,’ kusho iNkhosi.

Imisebenti yebaPhostoli 8:10

Bonkhe bantfu, betinhlobo tonkhe, babembukisisa bese batsi: “Ungemandla ankulunkulu latiwa ngekutsi: ‘Ngemandla Lamakhulu.’ ”