Jeremiya 41:8 - Siswati 1996 Bible

⁸ Kodvwa kwaba khona emkhatsini wawo emadvodza lalishumi lacela Ishmayeli, atsi: “Sicela kutsi mane ungasibulali! Siphetse kolo nebhali, nemafutsa kanye neluju lwetinyosi lesikufihle lena esikhotseni.” Ngako wabayekela, wangete wababulala kanye nalaba labanye.

Jeremiya 41:8 Referencias Cruzadas

Jobe 2:4

Sathane waphendvula Simakadze, watsi: “Sikhumba esikhunjeni! Umuntfu angalahlekelwa nguko konkhe lanako ngenca yemphilo yakhe.

Taga 13:8

Bunjinga bemuntfu bungaba yinhlawulo yekuphila kwakhe; kodvwa luphuya alusongelwa lutfo.

Isaya 45:3

Ngiyawukunika ingcebo yebumnyama, bunjinga lobubekwe etindzaweni letiyimfihlo, khona utewukwati kutsi mine nginguSimakadze, Nkulunkulu wema-Israyeli, lokubita ngelibito lakho.

Jeremiya 41:9

Lomgodzi lapho alahla khona tonkhe letidvumbu talamadvodza labesawabulele kanye naGedaliya, bekungiwo lowo mgodzi lomkhulu lowawentiwe yinkhosi Asa, nakativikela ekuhlaselweni nguBhasha, inkhosi yaka-Israyeli. Nguwo-ke Ishmayeli, umsa waNethaniya, lawugcwalisa ngaletidvumbu.

Matewu 16:26

Ngobe kuyawumsita ngani umuntfu kutfola live lonkhe, kepha alahlekelwe ngumphefumulo wakhe? Ingabe angakhiphani umuntfu kuhlenga umphefumulo wakhe?

Matewu 6:25

“Ngako-ke ngitsi kini: Ningakhatsateki ngetimphilo tenu kutsi nitakudlani ninatseni, nangemitimba yenu kutsi nitakwembatsani. Imphilo ayiyinkhulu yini kunekudla, nemtimba kunekwekwembatsa?